كەرەك وسى ادامعا؟
بۇگىن بە، بولاشاق پا؟!
اقىلگوي كارىلىك پە، بالا شاق پا؟!
قيىن-اۋ، ءوزىڭ جاتىپ جەروشاقتا،
جانسىز ءتان، جانارسىز كوز - بولاشاقتا.
الدە ءومىر سۇرمەكپىسىڭ بۇگىنىڭمەن؟!
بۇگىندىك تىرلىك قۋىپ، جۇگىرۋمەن،
وتپەكپىسىڭ؟!
قولىڭدى ءبىر-اق سىلتەپ،
ۇمىتىپ بولاشاقتى تۇڭىلۋمەن؟!
كۇن كەشىپ جىعىلۋمەن، سۇرىنۋمەن؟!
و، ءومىر!
و، نەعىلعان سيقىر ەدىڭ،
قالاي-قالاي سوعادى قۇيتى جەلىڭ؟!
دىڭكەلەپ، شارشاپ كەلىپ جانتايعاندا،
ءتاتتى ءبىر ءتۇس كورسەتكەن ۇيقى ما ەدىڭ؟!

---