InfoHub Logo

«كەل، جاڭا جىل!» مەرەكەلىك ەرتەڭگىلىك.
كامپيت: (ورتاعا بيلەپ شىعادى)
- سالەمەتسىڭدەر مە، بالالار!
جاڭا - جىل كەلدى و، مىنە،
دالاما، قالاما، جەرىمە.
شاتتىققا بولەپ ءار ءۇيدى،
شىعا عوي مەنىڭ تورىمە.
بالالار، مەن اياز - اتانىڭ سەندەرگە اكەلە جاتقان سىيلىقتار سالىنعان قابىنان ءتۇسىپ قالدىم. ال اياز – اتا سەندەرگە ءالى كەلگەن جوق پا؟
كامپيت: بالالار، جىلدا جاڭا جىل مەرەكەسىندە قوناققا كىمدەر كەلەدى؟
بالالار: اياز - اتا، اقشاقار.
كامپيت: دۇرىس ايتاسىڭدار، بالالار، ەندەشە الدىمەن جاڭا - جىل مەرەكەسىنە كەلەتىن اقشاقاردى ءبارىمىز شاقىرايىق.
بالالار: اقشاقار (3 رەت قايتالاپ ايتادى).
كامپيت: امانسىڭ با، اقشاقار!
اقشاقار: شىرشالارىڭ كەرەمەت قوي، ءوزى سونداي ادەمى ەكەن، ءبىراق شامدارى ءسونىپ تۇر عوي. كانە، ءبارىمىز شىرشاعا ۇرلەيىك. قاتتىراق.
جۇرگىزۋشى: اياز - اتاسىز ءبىز ەشتەڭە ىستەي المايمىز، كانە، تەلەفون سوعىپ اياز اتانى شاقىرايىق، اتامىز كارى، مۇمكىن، ۇمىتىپ كەتكەن شىعار. –
- اللو، اتا «بالدىرعان» مەن «ءبۇلدىرشىن» توبىنىڭ بالالارى شىرشانىڭ قاسىندا ءسىزدى توسىپ ءجۇر، نەگە كەشىگىپ جاتىرسىز؟ ۇمىتىپ كەتتىڭىز بە؟
اياز - اتا: ويباي، كارىلىك قوي، ۇمىتىپ كەتىپپىن، ءقازىر جەتەمىن.
جۇرگىزۋشى: - بالالار، اياز - اتا كەلگەنشە، ءبىز ءبىر ولەڭ ايتايىق.
«شىرشا» ءانى.
جۇرگىزۋشى: - بالالار، اياز – اتا ءوزى قانداي؟
بالالار: اپپاق ساقالى، مۇرتى بار، قىزىل شاپانى بار، اق تاياقپەن جۇرەدى.
جۇرگىزۋشى: وتە دۇرىس، بالالار، ولاي بولسا بارلىعىمىز قاتتى داۋىستاپ اياز - اتانى شاقىرايىق. ءبىر، ەكى، ءۇش: اياز - اتا (3 رەت قايتالايدى).
جۇرگىزۋشى: اياز - اتا، ارمىسىز، جىلداعىداي بارمىسىز!
اياز - اتا: شىرشا نەگە جانباي تۇر. كانە، شامدارىن جاعايىق.
قويان كىرىپ كەلەدى. جىلايدى.
اقشاقار: قويان، سەن نەگە كوڭىلسىزسىڭ؟ نە بولىپ قالدى، ءبىز ساعان كومەكتەسەمىز.
قويان: ورمان ىشىندە وزىمە ءۇي سالىپ، تۇرىپ جاتقانمىن. قۋ تۇلكى قوناققا كەلىپ، مەنى ۇيىمنەن قۋىپ شىقتى. مەن دالادا قالدىم.
جۇرگىزۋشى: نە دەگەن سۇم تۇلكى، قويان، جىلاما، ءبىز تۇلكىنى قۋىپ شىعىپ، ءۇيىڭدى الىپ بەرەمىز.
قويان: مەن تۇلكىدەن قورقامىن. ونىڭ تىستەرى قانداي، كوزدەرى قانداي! مىنەزى جامان!
جۇرگىزۋشى: سەن قورىقپا، ءبىز سەنىڭ باۋىرلارىڭدى كومەككە شاقىرايىق. ولار سىلدىرماقپەن بيلەيدى، ونى تۇلكى ەستىپ، قورقىپ، قاشىپ كەتەدى.
- كانە، قۋىرشاقتار، شىعىڭدار!
سىلدىرماقتاردى ويناتىڭدار!
ءبيدى باستاڭدار، تۇلكى قورقىپ قاشسىن.
«سىلدىرماقتار» ءبيى.
تۇلكى: مەن ەشكىمنەن قورىقپايمىن.
جۇرگىزۋشى: اياز - اتا، مىنا، تۇلكىگە نە ىستەۋگە بولادى؟
اياز - اتا: ءقازىر مەن ورمانداعى بارلىق اڭداردى كومەككە شاقىرامىن، تۇلكى ولاردان قورقىپ قاشىپ كەتەر.
جۇرگىزۋشى: ال، اڭدار، كەلىڭدەر، كومەكتەسىڭدەر.
«اڭدار» ءبيى.
تۇلكى: مەن ۇيدەن شىقپايمىن،
مەن ەشكىمنەن قورىقپايمىن.
جۇرگىزۋشى: وندا قاراقشىلاردى شاقىرىپ، تۇلكىنى بايلاپ تاستايىق.
«قاراقشىلار» ءبيى.
تۇلكى: مەن ۇيدەن شىقپايمىن،
مەن ەشكىمنەن قورىقپايمىن.

اياز - اتا: ءقازىر مەن ساعان كورسەتەيىن!
كانە، بوراندار سوعىڭدار!
شىرشالار تومەن بۇگىلسىن،
ورمانداعى بار نارسە،
اق قارمەنەن جابىلسىن!
ءقازىر مەن قار جاۋعىزىپ، تۇلكىنى ۇسىتەمىن.

«ۇلپاقارلار» ءبيى.
اياز - اتا تۇلكى ۇيىنە ۇرلەيدى، قارمەن بىرگە.
تۇلكى: ويباي، اياز - اتا، تۇمسىعىمدى ءۇسىتتىڭ عوي، اياساڭشى مەنى. ەندى نە بولدىم؟
اياز - اتا: ال سەن قوياندى ايادىڭ با، قۋ تۇلكى؟ بالالار، تۇلكىنى كەشىرەيىك پە؟
بالالار: يا، ءبىر جولعا كەشىرەيىك.
اياز - اتا: ولاي بولسا، قويان، بار سەن ءوز ۇيىڭە بارىپ، تۇرا بەر.
قويان: راحمەت.
اياز - اتا: بالالار، مەن سەندەردىڭ داۋىستارىڭدى ساعىندىم، كانە، ماعان ءبىر جاقسى ءان ايتىپ بەرىڭدەرشى.
«بالا تىلەگى» ءانى.
اياز - اتا: وي، قانداي كەرەمەت ءان! ءبىر ءتۇرلى قوبالجىپ كەتتىم.
جۇرگىزۋشى: اياز - اتا، ءبىزدىڭ بۇلدىرشىندەرىمىز انمەن قوسا تاقپاقتى دا جاقسى ايتادى. كانە، تىڭداڭىزشى. ال، ءسىز كارىسىز، شىرشانىڭ تۇبىنە وتىرىپ تىڭداڭىز.
اياز - اتا: وي، قانداي ونەرى بالالار، كەلىڭدەر، سەندەرگە كامپيت بەرەيىن.
جۇرگىزۋشى: اياز - اتا، ءبىزدىڭ سىرىم بالامىز دا ءسىزدى اسىعا كۇتىپ ءجۇر.
اياز - اتا: قانداي ونەرلى بالالار، مەن بۇگىن ءبىراز جاسارىپ قالدىم. سەندەرمەن كەزدەسكەنىمە وتە قۋانىشتىمىن.
كەل، جاڭا جىل! مەرەكەلىك ەرتەڭگىلىك جۇكتەۋ