كەلەر وقۋ جىلىنان 5-8 جانە 10 سىنىپتاردى ءتامامداعان وقۋشىلار قازاق تىلىنەن ەمتيحان تاپسىرماق
كەلەسى وقۋ جىلىنان باستاپ 5-8 جانە 10 سىنىپتاردى اياقتاعان وقۋشىلار قازاق تىلىنەن ەمتيحان تاپسىرۋى مۇمكىن. بۇل تۋرالى «اشىق» نقا پورتالىندا جاريالانعان وقۋ-اعارتۋ ءمينيسترىنىڭ بۇيرىعىندا جازىلعان.
«2023-2024 وقۋ جىلىنان باستاپ نەگىزگى ورتا (5-8 سىنىپتار)، جالپى ورتا (10 سىنىپ) دەڭگەيىندە اكادەميالىق جىلدى اياقتاعان كەزدە قازاق تىلىندە وقىتاتىن مەكتەپتەردە «قازاق ءتىلى» ءپانى بويىنشا جانە قازاق تىلىنەن باسقا تىلدە وقىتاتىن مەكتەپتەردە «قازاق ءتىلى مەن ادەبيەتى» ءپانى بويىنشا ەمتيحان ەنگىزىلەدى. قازاق ءتىلى بويىنشا ەمتيحان وقۋ باعدارلاماسىن مەڭگەرۋ قورىتىندىسى بويىنشا مەملەكەتتىك جالپىعا مىندەتتى ءبىلىم بەرۋ ستاندارتىنا سايكەس، جازباشا جانە اۋىزشا نىساندا وتكىزىلەدى. ەمتيحاندى وتكىزۋ ۋاقىتى ءبىلىم بەرۋ ۇيىمىنىڭ پەداگوگيكالىق كەڭەسىمەن ايقىندالادى. تاپسىرمالاردى اكادەميالىق ادالدىق قاعيداتتارىن ساقتاي وتىرىپ، پەداگوگتەر قۇراستىرادى جانە ءبىلىم بەرۋ ۇيىمىنىڭ اكىمشىلىگى بەكىتەدى. «قازاق ءتىلى»، «قازاق ءتىلى مەن ادەبيەتى» پاندەرى بويىنشا قورىتىندى باعا ەمتيحان (5 بالدىق شكالا بويىنشا) جانە جىلدىق باعالاۋ (5 بالدىق شكالا بويىنشا) ناتيجەلەرى نەگىزىندە 30-70% پايىزدىق اراقاتىناستا قويىلادى. قورىتىندى باعالاۋ ەڭ جاقىن بۇتىنگە قاراي دوڭگەلەكتەلەدى»، - دەلىنگەن قۇجاتتا.
بۇيرىقتىڭ تۇسىندىرمەسىندە جازىلعانداي، مۇنداي وزگەرىس قازاق ءتىلىنىڭ مارتەبەسىن كوتەرۋ ماقساتىندا ەنىگىزىلگەلى وتىر.
«مەملەكەتتىك ءتىلدىڭ مارتەبەسىن ارتتىرۋ ماقساتىندا 5-8، 10 سىنىپتاردا قازاق ءتىلى بويىنشا ەمتيحان ەنگىزىلەدى»، - دەپ تۇسىندىرمە بەرىلگەن بۇيرىققا.
ەسكەرەتىنى - بۇل نورما 2023 جىلدىڭ 1 قىركۇيەگىنەن باستاپ قولدانىسقا ەنگىزىلەدى.
بۇيرىق 3 اقپانعا دەيىن كوپشىلىك تالقىلاۋدا بولادى.
You Might Also Like
-
ءسىرا، ءبىزدىڭ ارامىزدا كەز-كەلگەن وتىنىشكە وپ-وڭاي جوق دەپ ايتا الاتىن ادام جوق شىعار. كەز-كەلگەن ادامدا ءجاي عانا باس تارتا المايتىن سيتۋاسيالار بولادى.
