InfoHub Logo

ءسىرا، ءبىزدىڭ ارامىزدا كەز-كەلگەن وتىنىشكە وپ-وڭاي جوق دەپ ايتا الاتىن ادام جوق شىعار. كەز-كەلگەن ادامدا ءجاي عانا باس تارتا المايتىن سيتۋاسيالار بولادى.

جاقىن تۋىسىڭ سەنەن قوماقتى اقشا سۇراپ تۇر، ءبىراق سەن تەلەفونىڭنىڭ جاڭا مودەلىنە قىزىعىپ تۇرسىڭ.

كۇيەۋىڭنىڭ اناسى ۇيىنە قوناققا شاقىرىپ جاتىر، ءبىراق سەن قۇربىلارىڭمەن كەزدەسۋدى ءبىر اپتا بۇرىن جوسپارلاپ قويعانسىڭ.

پويىزداعى ۇلكەن اجەي سەنەن استىڭعى ورىندى سۇرايدى، ءبىراق ول سەنىڭ ۇستىنگى ورىننان قورقاتىنىڭدى بىلمەيدى.

ءيا، وسىنداي جاعدايلارمەن ءجيى كەزدەسكەن كەزدە، ءوزىمىزدى ءجاي عانا اقكوڭىلمىز دەپ جۇباتامىز. الايدا، بۇل شىنىمەن اقكوڭىلدىلىكتىڭ شىڭى ما؟ 

"جوق" - دەپ ايتا الماۋدىڭ بىرنەشە سەبەپتەرى بولادى:

- مەيىرىمدى، اقجۇرەك ادام بولىپ كورىنگىسى كەلۋ؛
- باسقا ادامنىڭ كوڭىل كۇيىن ءتۇسىرىپ الۋدان قورقۋ؛
- بارلىعىنا جاعىمدى بولعىسى كەلۋ؛
- قارىم-قاتىناستى بۇزىپ الامىن با دەگەن قورقىنىش؛
وسى سەزىمدەردىڭ بارلىعى ادامدى ەركىنسىزدىك پەن سەنىمسىزدىككە الىپ كەلەدى.

"جوق" دەپ ايتۋعا بولادى.
ءسىزدىڭ باستارتۋىڭىز ءجاي عانا ءوتىنىشتى ورىنداۋعا شاماڭىز نەمەسە ۋاقىتىڭىز جوق ەكەنىن بىلدىرەدى.

- ماعان قارىزعا اقشا بەرە تۇرشى.
- جوق، بەرە المايمىن، سەبەبى ءدال ءقازىر ول اقشا وزىمە كەرەك.

ەسىڭىزدە بولسىن، ادامدارمەن تەك قانا وزىڭىزدەن ارتىلاتىن رەسۋرستارمەن بولىسۋگە بولادى. 

"جوق" دەپ ايتۋدى اينانىڭ الدىنان باستاڭىز.
"كەشىر، ازىرگە مەنىڭ قولىم بوس ەمەس"
"ءقازىر مەنىڭ مۇمكىنشىلىگىم جوق، ءبىراق ويلانىپ كورەيىن"

ءسىز بەرە الاتىنداي، كومەكتىڭ باسقا نۇسقاسىن ۇسىنىپ كورىڭىز:
"ساعان 10 مىڭ ەمەس، 5 مىڭ بەرە الامىن"
"بۇگىن قولىم بوس ەمەس. كينوعا ەرتەڭ بارساق قالاي بولادى؟"

"جوق" دەپ ايتۋدىڭ باستى ەرەجەسى ول - ءوزىڭدى كىنالى سەزىنبەۋ!

ياعني، اقىرىن-اقىرىن وسىنداي تاسىلدەرمەن باس تارتۋ. "جوق" دەپ مۇمكىندىگىنشە ءجيى ايتۋ كەرەك دەپ ويلاماڭىز. ەگەر ءسىز ءارقاشان جانە بارىنە وڭاي باس تارتساڭىز، ءسىز جالعىز قالۋىڭىز مۇمكىن.

قالدىبەكوۆا مايا

---