كەلەشەكتىڭ كەپىلى قازۇۋ
قازاقستانداعى ءبىلىم بەرۋ جۇيەسىنىڭ بەتكە ۇستار كوركى، قازاق ۇلتتىق ۋنيۆەرسيتەتىنىڭ ستۋدەنتى اتانۋ ءاربىر ءبىتىرۋشى تۇلەكتىڭ ەڭ ۇلكەن ارمان ماقساتى ەكەنى انىق. الەمدىك ۋنيۆەرسيتەتتەرمەن باقتالاسا الاتىنداي دارەجەگە يە قارا شاڭىراقتىڭ 87 جىلدىق تاريحى بار، سوناۋ ءابىش كەكىلبايەۆ، ءازىلحان نۇرشايىقوۆ، ءقادىر مىرزا ءالى، تۇمانباي مولداعالييەۆ سىندى وتكىر ءسوزدى اقىن جازۋشىلارىمىزدىڭ ءىزىن جالعايتىن بولاشاق قازۇۋ – دىڭ تۇلەگى بولۋ زور قۋانىش.
قازاق ۇلتتىق ۋنيۆەرسيتەتى- رەسپۋبليكاداعى بارلىق جوعارى ءبىلىم بەرۋ جۇيەسىنىڭ تىرەگى جانە بىلىكتى ماماندار مەن ءبىلىمدى ستۋدەنتتەردىڭ ورداسى. ءال-فارابي اتىنداعى قازۇۋ قازاقستاننىڭ جوعارعى وقۋ ورىندارىنىڭ باس رەيتينگىسىنىڭ كوشباسشىسى. بۇل مەكەمە كوپ جىلدىق وقۋ جانە عىلىمي جۇمىس تاجىريبەسىنە باي. 1934 جىلى ىرگەسى قالانعان ءبىلىم ورداسى كۇننەن-كۇنگە الەمدىك ءبىلىم بەرۋ جۇيەسىندە وزىندىك ورنىن ايقىنداپ كەلەدى. قازۇۋ قۇرامىندا ءقازىر 16 فاكۋلتەت، 98 كافەدرا، 32 عىلىمي-زەرتتەۋ ينستيتۋتتارى مەن ورتالىقتارى، 2000-نان استام پروفەسسورلار، دوكتورلار، عىلىم كانديداتتارى مەن فيلوسوفيا دوكتورلارى ۋنيۆەرسيتەتتە قىزمەت اتقارادى. بۇل فاكۋلتەتتە جۋرناليستيكا ماماندىعىن وقىتۋ سالاسىندا كوپ جىلدىق تاجىريبەسى بار، جوعارى كاسىبي وقىتۋشىلار ءبىلىم بەرەدى.
ءقازۇۋ-نىڭ قابىرعاسىندا، قازاق ادەبيەتىنىڭ مايتالماندارى، ۇلت زيالىلارى قانىش ساتبايەۆ، مۇحتار اۋەزوۆ، ەرمۇحان بەكماحانوۆ، الكەي مارعۇلان سىندى اسا كورنەكتى عىلىم مەن مادەنيەت قايراتكەرلەرى ستۋدەنتتەرگە ءدارىس وقىعان اۋديتوريالارىندا ءقازىر ءبىز ءبىلىم الىپ جاتىرمىز.
كوركىنە كوز تويمايتىن، قازۇۋ –ءنىڭ قالاشىعىندا كۇندەلىكتى ءجۇرۋدىڭ ءوزى ءبىر عانيبەت. الماتىنىڭ اۋاسى تاماشا،قازۇۋ قالاشىعى ۇلكەن، جاتاحاندادا بار جاعدايىمىز جاسالعان. وسىلاي ءجۇرىپ،ۋنيۆەرسيتەتىمىزدە قىزىقتى ستۋدەنتتىك شاقتىڭ كۋاسى بولامىز دەپ سەنەمىز. الەمدىك دەڭگەيدەگى وسىنداي ۋنيۆەرسيتەتتە وقۋ ءبىز ءۇشىن ماقتانىش. قورىتىندىلاي كەلە، ەلىمىزدەگى جەتەكشى ورىندا تۇرعان ءبىلىم ورداسىنىڭ كەلەشەگى كەمەل، بولاشاعى جارقىن بولارى ايدان انىق.
ءال-فارابي اتىنداعى قازاق ۇلتتىق ۋنيۆەرسيتەتى
جۋرناليستيكا فاكۋلتەتى، باسپا ءىسىنىڭ
2 كۋرس ستۋدەنتتەرى: انۋاربەك الۋا، اۆەلبەكوۆ دياس، ايدارحان ارۋجان
You Might Also Like
-
…مەزگىل تۇسكە تاياپ قالعان. گاز پليتاسىنا شاي قويىلىپ، قايناعانشا بۇگىنگى گازەتتەردى قاراپ وتىر ەدىم، ەسىك سىنىپ كەتەردەي تارسىلدادى. ۇيدە جالعىز وتىرعان سوڭ ءارى ادەتتەگىدەن تىس مىنا تارسىلدى...
-
كەسۋ قارۋىنىڭ ەرتەدە قولدانىلعان ەكى ءجۇزدى، ءتۇزۋ كەلگەن ءتۇرى — «سەمسەر». ال سىرتىنا قاراي ءيىلىپ، قايقى كەلگەن ءبىر ءجۇزدى قارۋ «قىلىش» دەپ اتالادى. قىلىشتىڭ وتە قايقى بو...
