كەلىننىڭ قۇرساعىندا التىن جاتىر
ءبىر كۇنى قازىبەك ءبيدىڭ اتاسى شانشار بي ءوز اۋىلىمەن باسقا جاققا كوشەتىن بولىپتى. تاڭ قىلاڭ بەرە كوشكەن ەل كەيدە كوز بايلانا، كەيدە اقشام اۋعاندا، سۋدىڭ ۇشىراسۋىنا بايلانىستى، قونۋعا توقتايدى ەكەن. وتى-سۋى كەلىسكەن جەرگە بىرەر كۇن ەرۋ قىلسا، تاقىرعا تاپ بولعاندا كوپ بوگەلمەي، ۇدەرە كوشەدى. سونداي سالقار كوشتىڭ ۇستىندە اۋىل ادامدارى ەل يەسى شانشار اقساقالعا كەلىپ، بالاسى كەلدىبەكتىڭ اياعى اۋىر كەلىنشەگى توقمەيىل كەيىندەپ قالعانىن، ەرۋ قىلعان جەرگە ءالى جەتپەي جاتقانىن حابارلايدى. مۇنى ەستىگەن ابىز قارت جىگىتتەرگە: «كەلىننىڭ اتى بولدىرىپ قالعان-اۋ شاماسى، الدىنان مەنىڭ قارا جورعامدى جىبەرىڭدەر. باسقا جىلقى ونى كوتەرە المايدى، ويتكەنى كەلىننىڭ ىشىندە التىن جاتىر عوي»، — دەپتى. ءسويتىپ، اۋىل ادامدارى توقمەيىلدىڭ الدىنان شانشار ابىزدىڭ قارا جورعاسىن الىپ شىعادى. ەرۋ قىلعان جەرگە ول دا تاياپ قالعان ەكەن، جورعا بارعان سوڭ: «اتاسىنىڭ اتىنا كەلىنى مىنگەنى جاراماس، وبال بولار. مەن ەرتوقىمنىڭ ۇزەڭگىسىنەن ۇستاپ-اق بارايىن» — دەپ، اۋىلعا جاياۋلاپ جەتكەن ەكەن. كەلىسىمەن تولعاتىپ، تال تۇستە بوسانادى. سوندا تۋعان نارەستە قازىبەك بي كورىنەدى.
وسى ءبىر قىپ-قىسقا وقيعادا قانداي تەرەڭ ءمان جاتىر دەسەڭىزشى. بۇل جەردە شانشار ابىزدىڭ كورەگەندىگى مەن كەلىنى توقمەيىلدىڭ تەكتىلىگىن بايقاماۋ مۇمكىن ەمەس. شانشار بي كەلىنىنىڭ ءاربىر ارەكەتىنە، سوزىنە، ىسىنە، ونىڭ ارعى تەك-تامىرىنا قاراپ، دۇنيەگە قانداي بالا اكەلەتىنىن بۇرىننان-اق ءبىلىپ، كۇتىپ جۇرگەن عوي.
ال كەلىنى بولسا، اتاسىنىڭ مىنگەن اتىنا ءمىنۋدى ءجونسىز ساناپ، سول جەردىڭ وزىندە ءوز تەكتىلىگىن ءبىلدىرىپ وتىر. الىپ انادان تۋادى دەگەن وسى شىعار...
اسىلبەك اۋەزحان ۇلى
You Might Also Like
-
شەكەردىڭ ورنىنا بالدى قولدانىپ كوردىڭىز بە؟ شايىڭىزعا نە بولماسا سۇتىڭىزگە شەكەردىڭ ورنىنا بال قوسىپ كورىڭىز. ارينە شەكەرسىز ىشەتىندەر بولەك. ءبىراق بالالاردىڭ قورەگىنە شەكەردىڭ ورنىنا بال قولدانىڭىز.
