InfoHub Logo

قازىرگى كەزەڭدە رەسپۋبليكامىزدا ءبىلىم بەرۋدىڭ جاڭا جۇيەسى جاسالىپ، قازاقستاندىق ءبىلىم بەرۋ جۇيەسى الەمدىك ءبىلىم بەرۋ كەڭىستىگىنە ەنۋگە باعىت الۋدا. مەملەكەتتىك ءبىلىم ستاندارت دەڭگەيىندە وقىتۋ ءۇردىسىن ۇيىمداستىرۋ جاڭا پەداگوگيكالىق تەحنولوگيالاردى ەندىرۋدى مىندەتتەپ وتىر. جاڭا پەداگوگيكالىق تەحنولوگيا ماقساتى – وقىتۋدى ىزگىلەندىرۋى، ياعني وقۋ قۇرالدارى وقۋشىلاردىڭ وزدىگىنەن تانىمدىق ىس-ارەكەتىن جۇرگىزە الاتىنداي بولۋى كەرەك. ولاردى نەمىس ءتىلىن وقىتۋدا ءتيىمدى ەتىپ پايدالانۋ ۇستاز بىلىمدىلىگىنە بايلانىستى. نەمىس تىلىنە ۇيرەنۋ وتە كۇردەلى جانە جەكە ۇدەرىس. بۇل جولدا ادام كوپ ەڭبەكتەنىپ ماڭداي تەرىن توكسە عانا قانداي دا ءبىر جەتىستىككە جەتەدى. ارينە، وقۋشىنىڭ تىلدىك داعدىلاردى مەڭگەرۋ ساپاسى ءمۇعالىمنىڭ بىلىكتىلىگىنە تىكەلەي بايلانىستى. ال كەمبريدج باعدارلاماسى ۇستازداردىڭ كاسىبي بىلىمىندەگى جاڭاشىلدىقتى تالاپ ەتەدى. ءمۇعالىمنىڭ كۇندەلىكتى وتكىزەتىن ساباعى قازىرگى زامان تالابىنا ساي ءار قيلى وزگەرىسكە ۇشىراپ وتىرۋى ءتيىس. ساباقتىڭ قىزىقتى ءارى تارتىمدى ءوتۋى ۇستازدىڭ شەبەرلىگىنە بايلانىستى ەگەر دە نەمىس ءتىلى ءمۇعالىمى وقۋشىنىڭ قىزىعۋشىلىعىن ارتتىرا الماسا بەرگەن گرامماتيكالىق ءبىلىم ەش ناتيجە بەرمەيدى. جاڭا تەحنولوگيانىڭ باستى ماقساتى وقۋشىلار اراسىندا ىنتىماقتاستىق اتموسفەراسىن تۋعىزۋ، بالانى وقىتا وتىرىپ ۇيرەتۋ ويىندارىن پايدالانۋ ونىڭ ەركىندىگىن، بەلسەندىلىگىن دامىتۋ، ءوز بەتىنشە جانە توپپەن جۇمىس جاساۋعا، ءوز بەتىنشە شەشىم قابىلداۋعا داعدىلاندىرۋ. جاڭا تەحنولوگيا تۇرلەرىن نەمىس ءتىلى ءپانىنىڭ ساباقتارىندا پايدالانۋ، وقۋشىنىڭ تىلدىك قابىلەتىنىڭ دامۋىنا، العان گرامماتيكالىق ءبىلىمىنىڭ نەگىزىندە نەمىس تىلىندە سويلەي ءبىلۋ داعدىلارىنىڭ قالىپتاسۋىنا اكەلەدى. جاڭا تەحنولوگيانى قولدانۋ مىنا كەزەڭدەردە ىسكە اسادى: ءى كەزەڭ: وقىپ-ۇيرەنۋ (نەمىس ءتىلىنىڭ گرامماتيكاسىمەن، سوزدىك قورى جانە وقىلىم داعدىلارىمەن تانىسۋ)؛ ءىى كەزەڭ: مەڭگەرۋ (وقۋشىلاردىڭ العان تىلدىك بىلىمدەرىن ەستە ساقتاپ، وزگەلەرگە ءتۇسىندىرىپ بەرە الۋ قابىلەتى)؛ ءىىى كەزەڭ: ومىرگە ەندىرۋ (بالالاردىڭ نەمىس تىلىندە سويلەپ، ءوز ويىن جەتكىزە الۋى)؛ IV كەزەڭ: دامىتۋ (وقۋشىلاردىڭ قوسىمشا ىزدەنىپ، وزدەرىنىڭ نەمىس ءتىلىن مەڭگەرۋ دەڭگەيىن جوعارىلاتۋعا كۇش سالۋى). مەڭگەرۋدىڭ ءار كەزەڭدەگى دەڭگەيىنە ءوتىپ وتىرعان سايىن ىنتا، موتيۆ، بەلسەندىلىك، بىلىك پەن داعدى دا ءوسىپ وتىرادى. ەندەشە نەمىس ءتىلىن وقىتۋداعى جاڭا تەحنولوگيالار جۇيەسىن وقۋ پروسەسىنە ەنگىزۋ – ءبىلىم ساپاسىن قاجەتتى دەڭگەيدە قامتاماسىز ەتۋگە ونى كوتەرۋگە، ءتىپتى باسقارۋدى قامتاماسىز ەتۋگە مۇمكىندىك بەرەدى.

---