كەربەز قىز (ءىV نۇسقا)
ءبىر بايدىڭ جالعىز وسكەن ەركە توتاي قىزى بولىپتى. ءومىر تاقىرشىلدىعىن كورمەگەن. مول دۇنيەنىڭ كەڭ ورتاسىندا شالقىپ وسكەن قىزدىڭ سۇلۋلىعىنا كەربەزدىگى ساي كەلىپتى-مىس. سۇلۋ قىزعا ءدۇيىم ەلدىڭ تالاي بايىنىڭ كەربەزسىگەن ۇلدارى، ەل ءىشىنىڭ سۇلۋى اتانعان جىگىتتەرى ءسوز ايتقانىمەن قىز ونىڭ بىردە-بىرىنە ىقتيارلىق بەرمەيدى. تەڭىم ەمەس دەگەن جاۋاپ قايىرادى. ءسويتىپ ءجۇرىپ قىزدىڭ جاسى ءبىرتالايعا كەلەدى. ول سوندا دا ەشكىمدى ۇناتپايدى. قىزدىڭ بۇل قىلىعىنا «قىزىم وتىرىپ قالا ما» دەپ شەشەسى قاۋىپتەنەدى دە، قىزدىڭ جەڭگەلەرىن جۇمساپ سىرىن
سۇرايدى. سوندا قىز: «مەن ءبىر ءۇيدىڭ جالعىز قىزىمىن، اكە-شەشەم بارىن مەنىڭ الدىما توستى، توتىداي تاراپ ءوسىردى. سونىڭ ارقاسىندا كەربەز قىز اتاندىم. مەنىڭ وسى كەربەزدىگىمدى كىم سىبىزعىدا تارتادى، تەڭىم سول، سوعان بارامىن»، — دەيدى.
قىزدىڭ ءسوزى اۋىزدان-اۋىزعا تاراپ ەلگە جايىلادى. ەندى قىزعا جورعا مىنگەن ۇكىلى جىگىتتەر ەمەس، سىبىزعىشى جىگىتتەر كەلە باستايدى. قىز ولاردىڭ دا ەشبىرىنىڭ كۇيىن جاقتىرمايدى. ءسويتىپ جۇرگەندە، ءبىر كۇنى جالبىر شاپاندى سىبىزعىشى جىگىت كەلىپ: «سەنىڭ كەربەزدىگىڭ مەنىڭ مىنا كۇيىمنەن ارتىق قانداي ەدى؟!» — دەپ كۇيىن تارتادى. كەدەي جىگىتتىڭ كۇيىنە ريزا بولعان قىز سوعان قوسىلاتىنىن بىلدىرەدى. اكە-شەشەسى وتىز كۇن ويىن، قىرىق كۇن تويىن جاساپ، قىزىن سۇيگەن جىگىتىنە قوسىپ اتتاندىرادى. سونداعى جىگىتتىڭ تارتقان كۇيى وسى «كەربەز قىز» كۇيى ەكەن دەيدى.
You Might Also Like
-
مال شارۋاشىلىعىمەن كۇن وتكىزگەن قازاق حالقىنىڭ ەرتىس بويىن مەكەندەيتىن ءبىر توبى قۇنارلى ولكەنى قۇتتى قونىسقا بالاپ، ۇزاق جىلدارىن سول ارادا وتكىزەدى. ەرتىس بويىنىڭ ءشوبى قۇنارلى، سۋاتى مول بولعاندىق...
-
ەرتەرەكتە ءبىر كەدەيدىڭ بالاسى بولىپتى، سول كەدەي جىگىت اكەسىمەن بىرگە بايدىڭ مالىن باعىپ، جالشىسى بولادى. بايدىڭ دا، كەدەيدىڭ دە جالعىز-جالعىزدان عانا ۇلدارى بولسا كەرەك. اق پاتشانىڭ اسكەرىنە قىزمە...
