ماماندىق تاڭداۋ - بورىشىم
ورازالينا ەركەناز مارات قىزى
بوگەتساي مەكتەپ-گيمنازياسى 9-سىنىپ وقۋشىسى
جەتەكشىسى: ب.ر.ماحانالينا
ادام وسە كەلە ءوز بولاشاعى جايلى كوپ ويلانادى ەكەن. جاستىق شاقتىڭ قالاي تەز ءوتىپ كەتەتىنىن دە بايقاماي قالادى. ومىردەگى باستى ماقسات وسى بەس كۇندىك جالعاننان ءوز ورنىن تابۋ ەمەس پە؟! مەن ءالى مەكتەپ تابالدىرىعىندا وقىپ جۇرگەن وقۋشىمىن، اتا-انامنىڭ كوزىنە كىشكەنتاي قىز بولسام دا، ءوز بولاشاعىم جايلى كوپ ويلانامىن. الداعى ءومىرىم قانداي بولماق؟ بولاشاقتا مەن كىم بولامىن؟ قانداي ماماندىق يەسى اتانامىن؟- دەگەن سۇراقتار ءجيى مازالايدى. جاي عانا ويلانۋدىڭ از ەكەندىگىن دە بىلەمىن. سوندىقتان دا قازىردەن باستاپ الدىما ماقسات قويىپ، وعان تاباندى تۇردە كىرىسىپ، ارمانىمنىڭ جەتەگىنە ەرىپ كەلەمىن. نەگىزىنەن ماماندىق تاڭداۋ دەگەن - ءوزىڭ اينالىسقىڭ كەلەتىن جۇمىستى تاڭداۋ عانا ەمەس، ءوزىڭ ارالاسقىڭ كەلەتىن ورتانى دا تاڭداۋ. ياعني قاراپايىم ءومىر ءسۇرۋ كوزى بولىپ تابىلاتىن جانە قانداي دا ءبىر دايىندىقتى، جاۋاپكەرشىلىكتى تالاپ ەتەتىن ەڭبەك قىزمەتىنىڭ ماڭىزدى بولىگى. بىرەۋلەر ءۇشىن - ول ويعا العان ارماننىڭ ورىندالۋى، وتباسى ءداستۇرىن جالعاستىرۋ، كەلەسى بىرەۋلەر ءۇشىن جاڭالىققا، دەربەستىككە تالپىنىس.
ەلباسى «ءبولاشاق-بىلىمدى جاستاردىڭ قولىندا» دەمەكشى ، ءبىزدىڭ بولاشاعىمىز - ءوز قولىمىزدا. كەلەشەگىمىزدى بۇگىننەن دە نۇرلاندىرا ءتۇسۋ ءوز قولىمىزدا. ال بولاشاعىمىز باياندى دا باقىتتى، نۇرلى دا شۋاقتى بولۋى ءۇشىن، مەنىڭ ويىمشا، ەڭ الدىمەن وزىنە لايىق ماماندىق يەسى اتانۋ. سەبەبى، ءار ماماندىقتىڭ وزىنە ءتان ەرەكشەلىكتەرى مەن ماڭىزى بار. مىسالعا ۇستازدىقتى الاتىن بولساق، ماعجان جۇمابايەۆ «قازاقتىڭ قانى دا ءبىر، جانى دا ءبىر جولباسشىسى - ءمۇعالىم» دەمەكشى، ۇستازدىق ەڭ جوعارىدا تۇراتىن، وتە قۇرمەتتى دە ءقادىرلى ماماندىق. ۇستاز الدىنداعى شاكىرتتى قانداي جولعا تۇسىرسە، شاكىرت سول باعىتتى ءومىر بويى ۇستانىپ جۇرەدى دەپ ويلايمىن. جالپى جالعىز ۇستازدىق قانا ەمەس، مەيلى شاحتەر بولسىن، اسپازشى، قۇرىلىسشى بولسىن، ءوز الدىندا جەكە ءبىر ماماندىق دەپ بىلەمىن.
ال ءوزىم جايلى ايتاتىن بولسام، بولاشاقتا قانداي سالادا جۇمىس ىستەيمىن؟ دەگەن سۇراققا مەن ويلانباستان بيولوگيا سالاسى دەر ەدىم. ەلباسىمىز ن.ءا.نازاربايەۆ «قازىرگى زاماندا بيولوگيا، حيميا، فيزيكا جانە ماتەماتيكا سالالارىنا جەتە كوڭىل ءبولىنسىن» دەمەكشى، مەن جەكە بيولوگيا سالاسىن ودان ءارى دامىتقىم كەلەدى. اتاقتى عالىمدار سياقتى جاڭالىقتار اشۋ - مەنىڭ باستى ماقساتىم. ارينە، بۇنىڭ بارلىعى دا ءقازىر ارمان بولسا دا، جوعارىعا كوتەرىلۋ جولىندا قيىندىقتار تۋىندايتىنىن بىلسەم دە، مەن بۇل ماقساتىما جەتەتىنىمە سەنىمدىمىن. سەبەبى، مەنىڭ ماقساتىم ايقىن ءارى ناقتى. الدىمەن ءوز تانداعان ماماندىعىم بويىنشا ءبىلىم الىپ، سودان كەيىن سول ماماندىعىم بويىنشا جۇمىس جاساپ، تاجىريبەلەر الىپ، جاڭالىقتار اشۋ. بۇل ويىمدى جۇزەگە اسىرۋ ماقساتىندا قازىرگى كۇننەن باستاپ مەن العا قاراي قادام باسۋدامىن.
You Might Also Like
-
قازاقستان - الەم ەلدەرىنە تاۋەلسىز جانە دەربەس مەملەكەت بولىپ بىرنەشە جىلداي تانىلىپ، ءار جىل سايىن ءبىز جاڭا دەڭگەيگە شىعا وتىرىپ جاڭا بيىكتىكتەرگە قول جەتكىزۋدەمىز. بۇل، ءتىپتى، ەشكىمگە جاڭالىق ەمەس...
-
اتاقتى اقساق تەمىر ءبىر اۋىلعا كەلگەندە، سول جەردەگى دومبىراشىلار تۇگەل جينالىپتى. دومبىراشىلار ءتۇرلى كۇيدى شەرتىپ، ءتاتتى اۋەندەردى توگىلدىرە تارتسا كەرەك. سولاردىڭ ءبارىن تاراتىپ جىبەرىپ، تارتقان كۇ...
