InfoHub Logo

تاقىرىبى: كىتاپ − ءبىلىم بۇلاعى
ماقساتى: ءبىلىمنىڭ كىلتى كىتاپ ارقىلى بەرىلەتىنىن ۇعىندىرۋ. كىتاپتىڭ ادام ومىرىندەگى ماڭىزى، عىلىم مەن ءبىلىمنىڭ پايداسى جايلى ءتۇسىندىرۋ. كىتاپقا دەگەن قىزىعۋشىلىعىن ارتتىرۋ. كىتاپتى كۇتىپ، ونى تازا، ۇقىپتى پايدالانۋعا ۇيرەتۋ.
كورنەكىلىگى: كىتاپ تۋرالى جازىلعان پلاكاتتار، كىتاپتار قورى، سىزبا.
جۇرگىزۋ ءادىسى: ويىن، سۇراق − جاۋاپ، كورنەكىلىك، اڭگىمە، كىتاپحاناعا ساياحات.
بارىسى: ءى. پسيحولوگيالىق دايىندىق.
− وقۋشىلاردىڭ نازارىن ساباققا اۋدارۋ.
− كىتاپ تۋرالى ماقال − ماتەلدى حورمەن ايتقىزۋ «كىتاپ − كوپ اقىلدىڭ قۇيىلعان كولى». ماعىناسىن اشىپ بەرۋ.
ءىى. نەگىزگى ءبولىم.
ا/ تاقىرىبى مەن ماقساتىن حابارلاۋ.

ءا/ سۇراقتارعا جاۋاپ الۋ.
بالالار، مىناۋ نەلەر؟ (كىتاپتار، ءبىرى ەسكى، ءبىرى جاڭا)
بۇل كىتاپتاردا نەلەر جازىلعان؟ وسى كىتاپ بىزدەرگە كەرەك پە؟ نەگە؟

ب/ ءبىزدىڭ ەلىمىزدە بىردە ءبىر بالا مەكتەپتەن تىس قالمايدى. جالپىعا بىردەي ءبىلىم بەرۋ تۋرالى مەملەكەتتىك ماڭىزى بار «ءبىلىم تۋرالى» زاڭ قابىلدانعان. ەلىمىزدە كىتاپ شىعارۋعا كوپ كوڭىل بولىنەدى. قازىرگى كەزدە مەكتەپ وقۋشىلارىنا وقۋلىقتار تەگىن بەرىلەدى. وعان كوپتەگەن قىرۋار اقشا جۇمسالادى. وقۋلىقتى، كوركەم ادەبيەتتى كۇتىپ ۇستاي بىلەيىك، ولاردى باسىپ شىعارۋعا اعا − اپالارىمىزدىڭ كوپ ەڭبەگى كەتتى.
ساعان ءبىلىم جەمىسىن
وقۋلىعىڭ بەرەدى.
تالاي ادام سول ءۇشىن
ماڭداي تەرىن توگەدى.
ورمانشى اعاشتاردى كەسەدى.
ماشينيست اعاشتى تاسيدى
زاۋىت قاعاز باسادى
عالىمدار، سۋرەتشىلەر
ءارىپ تەرۋشىلەر

وقۋلىقتى مەكتەبىڭ
بەرەر ساعان تەپ − تەگىن
بىلمەيسىڭ اۋ، سەن ءبىراق،
قانشاما ەڭبەك كەتكەنىن.

ۆ/ كەڭەستەر، ۇنەمى ەستە ساقتاپ ءجۇرۋ كەرەك.
☺كىتاپ بەتتەرىنىڭ بۇرىشتارىن بۇكتەمە.
☺كىتاپ مۇقاباسى بۇلىنبەس ءۇشىن قاپتاپ ال.
☺كىتاپ بەتتەرىن جىرتپا.
☺كىتاپقا سۋرەت سالما، جازبا.
☺تاماق ءىشىپ وتىرىپ كىتاپ وقىما.
☺كىتاپ بەتتەرىنىڭ اراسىنا قارىنداش، قالام سالما.

گ/ تىرەك − سىزبامەن جۇمىس.
ءىىى. قورىتىندى ءبولىم.
ا/ مەكتەپ كىتاپحاناسىنا قوناققا بارۋ.
كىتاپتار دا ادام سياقتى: ومىرگە كەلەدى، ءومىر سۇرەدى، قارتايادى، ولەدى. ولار دا ءبىز سياقتى اۋىرىپ قالۋى مۇمكىن. اۋىرعان جاعدايدا ولاردى ەمدەۋ قاجەت. سول ءۇشىن دە كىتاپتاردى ايالاپ ۇستاۋىمىز كەرەك. بۇگىن ءبىز كىتاپتاردا قوناقتامىز. ءبىزدى قورشاپ تۇرعان كىتاپتار. ول − كىتاپحانا. كىتاپحانادا ءوز ءوزىڭدى قالاي ۇستاۋ كەرەك؟
1. كىتاپحانادا شۋلاۋعا بولمايدى، ويتكەنى، باسقا ادامدارعا كەدەرگى كەلتىرەسىڭدەر.
2. كىتاپتى ۇقىپتى، تازا ۇستاۋ كەرەك. وزدەرىڭنەن كەيىن ونى كوپتەگەن بالالار وقيتىنىن ەستەن شىعارما.
3. كىتاپتى ۋاقىتىندا قايتار. ويتپەسە، باسقا وقۋشى كۇتىپ قالادى.
4. كىتاپتى جوعالتىپ الما.

ءا/ سۇراقتارعا جاۋاپ الۋ.
ب/ كىتاپ − جان ايناسى. ادال دوسىڭ. كىتاپتىڭ دا ارمانى بار. ول − لاس، ۇقىپسىز وقۋشىلاردىڭ قولىنا تۇسپەۋ. بىلىمگە قىزىعاتىن، ۇقىپتى بالالاردىڭ قولىنا تۇسسەك ەكەن دەپ ارماندايدى.