InfoHub Logo

ءبىلىم بەرۋ سالاسى: دەنساۋلىق
وقۋ ءىس - ارەكەتى: دەنە تاربيەسى
وقۋ ءىس - ارەكەتىنىڭ تاقىرىبى: كوكتەمگى ورمانعا ساياحات
ماقساتى:
بىلىمدىلىگى: بالالارعا زاتتى بيىكتىككە لاقتىرۋعا، بۇكتەلگەن قولدىڭ جازىلۋ ەكپىنىمەن لاقتىرۋ كۇشىن بەرۋدى ۇيرەتۋ.
دامىتۋشىلىعى: بالالاردىڭ سۋدىڭ قۇرىلىمى تۋرالى تۇسىنىكتەرىن كەڭەيتىپ، سوزدىك قورىن مولايتىپ، تىلدەرىن دامىتۋ.
تاربيەلىگى: ۇيىمشىلدىققا، دوستىققا تاربيەلەۋ.

وقۋ ءىس - ارەكەتىنىڭ بارىسى.
سالەمەتسىڭدەر مە، بالالار. بۇگىنگى ءبىزدىڭ دەنە تاربيەسى وقۋ ءىس - ارەكەتىمىز تاڭقالارلىق، ويتكەنى بىرىنشىدەن بىزگە قوناقتار كەلىپ وتىر. بالالار ەندى قوناقتارمەن امانداسايىق.
بالالار: سالەمەتسىزدەر مە، اپايلار.
تاربيەشى: ەكىنشىدەن ءبىز ءقازىر سەندەرمەن ساياحاتقا اتتانامىز.
بالالار ءقازىر جىلدىڭ قاي مەزگىلى؟
بالالار: كوكتەم.
تاربيەشى: دۇرىس ايتاسىڭدار.
ەندى مەن سەندەرگە «كوكتەم ورنەگى» اتتى ولەڭ وقىپ بەرەيىن.
قار ەرىدى، سۋ اقتى،
كۇندەر كەلدى شۋاقتى.
بايتاق دالا كەلبەتى،
تۇكتى كىلەم سياقتى.
كوككە بوياپ ءوڭىردى،
كوكتەم كەلدى كوڭىلدى.
تاربيەشى: بالالار ەندى جۇمباق شەشەيىك، وسى جۇمباقتى شەشۋ ارقىلى ءبىز سەندەرمەن ساياحاتقا قايدا باراتىنىمىزدى بىلەمىز.
وسەدى اعاشى دا، شىرشاسى دا، ەمەنى،
قۇستار مەن جان - جانۋاردىڭ مەكەنى. (ورمان)

تاربيەشى: دۇرىس ايتاسىڭدار جارايسىڭدار، ءبىز سەندەرمەن ساياحاتقا كوكتەمگى ورمانعا اتتانامىز.
(ورمان شۋى، قۇساردىڭ اندەرى تۋرالى مۋزىكا وينايدى).
كوزگە جاتتىعۋ:
جۇم دا، اش كوزىڭدى سەن،
تۇر عوي مىنە، كوكتەمگى الەم.
وڭ جاعىڭدا شىرشا، سول جاعىڭدا ەمەن،
مۇنداعى ەرتەگى الەمىنە تاڭعالامىن مەن.

تۋىنداعان جاعداياتتاردى شەشۋ.
تاربيەشى: بالالار سەندەر بىلەسىڭدەر مە، دالادا قار جاتقان كەزدە وتە كوپ قوقسىقتار جينالىپ قالىپتى (قاعاز، اعاش بۇتاقتارى جانە كوپتەگەن باسقاداي دا قوقسىقتار) ءبىز سەندەرمەن ورماندى قوقسىقتان تازارتا الامىز با؟
بالالار: ءيا.
تاربيەشى: وندا سەندەرگە مىنانداي سيقىرلى قاپتار كومەكتەسەدى. بالالارعا سيقىرلى قاپتار تاراتىلادى. بالالار قاپتاردى قولدارىنا الادى.
شەڭبەر بويىمەن جۇرەدى.
ءبىز ورمانعا كىرەمىز،
بار قوقسىقتى تەرەمىز.
شوپتەر ءوسىپ شىقسىن دەپ.
بۇتاقتاردى شابامىز،
(بالالار بۇتاقتاردى شاپقان سياقتى قولدارىن سەرمەيدى، قاپقا سالادى)
1. ءقازىر قاپتارىڭدى جاۋىپ، وڭ يىقتارىڭا اسىپ، اياقتارىمىزدىڭ ۇشىمەن جۇرەمىز.
2. ەندى سول يىقتارىڭا اسىپ، وكشەمىزبەن جۇرەمىز.
3. ەندى اينالامىز.
(قاپتارى قولدارىندا، العا قاراي اينالىپ، قولدارىن العا سوزادى)
4. (سۋدىڭ اعىسى مۋزىكا وينايدى)
- ءقازىر بالالار اياعىمىز سۋ بولماس ءۇشىن قاپتارىمىزدى اياقتارىمىزعا كيىپ، سۋدان وتەمىز.(مۇرىنىمىزبەن تەرەڭ دەم الىپ، اقىرىن اۋزىمىزدان دەمىمىزدى شىعارامىز)
- مىنا جەردە تاستار ولاردان سەكىرەمىز.
جالپى دامىتۋشى جاتتىعۋلار:
1. بالالار ەندى ارى قاراي ءبىز ۆەلوسيپەدپەن بارامىز. (3 - 4 رەت)
(بالالار قاپتارىنا وتىرىپ، قولدارىن ارتقا قويىپ، اياقتارىمەن پەدالدى اينالدىرادى).
2. ەندى قاپتارىمىزعا جاتىپ، اياقتارىمىزدى تىك كوتەرەمىز. (3 - 4 رەت)
3. قاپتاردى اياقتارىمىزعا كيىپ، شەڭبەرمەن العا قاراي اينالامىز.(3 - 4 رەت)
4. ءقازىر اياقتارىمىزداعى قاپتارىمىزدى شەشىپ، ولاردى جوعارى لاقتىرىپ ەكى قولىمىزبەن ۇستاپ الۋعا تىرىسامىز. (3 - 4 رەت)
(بالالار اياقتارىنداعى قاپتارىن شەشىپ ورىندارىنان تۇرادى، قاپتاردى جوعارى لاقتىرىپ، ەكى قولدارىمەن قاعىپ الادى. قاپتارىن سەبەتكە جيناپ سالادى)
مۋزىكا وينالادى.
كوكتەمگى ورمانعا ساياحات. جۇكتەۋ