InfoHub Logo

ساباقتىڭ تاقىرىبى: كومەكتەس سەپتىك.
ماقساتى: بىلىمدىلىك كومەكتەس سەپتىك تۋرالى تۇسىنىك بەرۋ، كومەكتەس سەپتىگىنە قويىلاتىن سۇراقتارمەن تانىستىرۋ، جالعاۋلارىن مەڭگەرتۋ.
دامىتۋشىلىق: وقۋشىلاردىڭ توپپەن جۇمىس ىستەۋ، ويلاۋ، ەستە ساقتاۋ، زەردەلەۋ قابىلەتتەرىن دامىتۋ، وقۋشىلاردىڭ ءسوز بايلىعىن ارتتىرۋ، ساۋاتتى جازۋ داعدىلارىن جەتىلدىرۋ سويلەۋ داعدىلارىن دامىتۋ
تاربيەلىك: ساۋاتتىلىققا، دۇرىس، مادەنيەتتى سويلەي بىلۋگە، جىلدامدىققا، ۇقىپتى، تازا جازۋعا تاربيەلەۋ.
ساباقتىڭ ءتۇرى: جاڭا ساباق
ساباقتىڭ ءتيپى: جاڭا ءبىلىمدى مەڭگەرتۋ.
ساباقتىڭ ءادىس – تاسىلدەرى: توپپەن جۇمىس، سۇراق – جاۋاپ، وي قوزعاۋ، تالداۋ، جيناقتاۋ
ساباقتىڭ كورنەكىلىكتەرى: سەپتىكتەر كەستەسى، سۋرەتتەر، گرافوپروەكتور، سلايد.
ءپانارالىق بايلانىس: مۋزىكا، انا ءتىلى، ادەبيەت
ساباقتىڭ بارىسى: ءى. ۇيىمداستىرۋ كەزەڭى.
ا) سالەمدەسۋ، وقۋشىلاردى تۇگەندەپ، ساباققا نازارلارىن اۋدارۋ.
ءا) توپقا ءبولۋ
ساباقتى باستاماس بۇرىن مىناداي ءبىر ولەڭ شۋماعىن تىڭداساق.
ال، قانەكەي، بالالار،
بەرى قاراي قارايىق.
قاجەت قۇرال، كىتاپتى،
الدىمىزعا الايىق.
الاڭداماي باسقاعا،
ساباققا نازار سالايىق.
دۇرىس جاۋاپ شەشىمىن،
مۇقياتپەن تابايىق
- بالالار، ءقازىر قانداي ساباق ەكەنىن ەسكە ءتۇسىرىپ جىبەرەيىكشى
- ءقازىر قازاق ءتىلى ساباعى.
- جارايسىڭدار، بالالار! بالالار، بۇگىن بىزدە ەرەكشە ساباق بولماق، ويتكەنى بىزگە كوپ قوناقتار كەلىپ وتىر.
- بالالار، كوك تۋىمىز ءاردايىم بيىكتەن كورىنۋ ءۇشىن، ءبىز ساباعىمىزدى «وتە جاقسى» دەگەن باعاعا وقىپ، تاۋەلسىزدىككە ءبىز دە ءوز ۇلەسىمىزدى قوسۋىمىز كەرەك.
ولاي بولسا ساباعىمىزدى باستايىق.
ءىى. ماقسات قويۋ كەزەڭى: ساباقتىڭ تاقىرىبىن، ماقساتىن حابارلاۋ.
وقۋشىلاردىڭ سەپتىك تۋرالى العان بىلىمدەرىن كەڭەيتۋ؛ كومەكتەس سەپتىگى تۋرالى تۇسىنىك بەرۋ، كومەكتەس سەپتىگىنە قويىلاتىن سۇراقتارمەن تانىستىرۋ، جالعاۋلارىن مەڭگەرتۋ، كومەكتەس سەپتىكتەگى سوزدەردىڭ جالعاۋىن اجىراتا الۋىن ءتۇسىندىرۋ، بەكىتۋ.
ءىىى. ءۇي تاپسىرماسىن سۇراۋ.
كەرەكتى سوزدەر: تەرەزە، گۇلگە، قايشىنىڭ، ايازدان، ايداردى، كۇرەستە، تاۋدان، ورماندا، قالانىڭ، اسقارعا، كىتاپ، شەلەكتى.
ءىۇ. جان - جاقتى بىلىمدەرىن تەكسەرۋ.
1) شىعىس سەپتىكتەگى سوزدەر قانداي سۇراقتارعا جاۋاپ بەرەدى؟
2) شىعىس سەپتىك جالعاۋلارىن اتاڭدار؟
- وتە دۇرىس بالالار، وتكەن ساباقتى جاقسى مەڭگەرىپپىز.
1. قىزىعۋشىلىعىن وياتۋ. «پىكىر الىسۋ»
بالالار، ءقازىر قاي مەزگىل؟- قىس.
قىستا اۋا - رايى قالاي بولادى؟- سۋىق، بوران، قار جاۋادى
قىستا قانداي سپورتپەن شۇعىلداناسىڭدار نەمەسە قىسقى سپورتتىڭ قانداي تۇرلەرىن بىلەسىڭدەر؟- شاڭعى، كونكي، حوككەي ويىندارى، شانا.
دۇرىس بالالار، ەندى كۇندەلىكتى تەلەديداردان ەستىپ جۇرسىڭدەر، جاقىندا قانداي دۇنيەجۇزىلىك جارىس باستالادى؟ كىم بىلەدى؟
قىسقى ۋنيۆەرسيادا.
ءيا، دۇرىس XXVIII قىسقى دۇنيەجۇزىلىك ۋنيۆەرسيادا 2017 جىلى 28 قاڭتار مەن 8 اقپان ارالىعىندا الماتى قالاسىندا وتەدى. الدىن الا مالىمەت بويىنشا، وعان 50 ەلدەن بەس مىڭنان استام ستۋدەنت قاتىسادى. شامامەن ءۇش مىڭعا جۋىق ەرىكتىلەر قاتارىن جۇمىلدىرۋ جوسپارلانۋدا. ۋنيۆەرسيادا اياسىندا قازاقستاندا سپورتتىڭ 13 تۇرىنەن (8 مىندەتتى جانە 5 قوسىمشا) جارىستار جوسپارلانعان. الماتىدا وتەتىن 2017 جىلعى دۇنيەجۇزىلىك قىسقى ۋنيۆەرسيادانىڭ تۇمارى رەتىندە سۇڭقار تاڭدالدى. تۇماردى ۇسىنۋشىلاردىڭ پىكىرىنشە، سۇڭقار جىلدامدىقتى، جەڭىلدىكتى، كۇش - قۋات پەن جەڭىسكە دەگەن قۇلشىنىستى بەينەلەيدى. لوگوتيپ ايقىن كورىنەتىن ديناميكالىق ءپىشىنى بار سۇڭقار قاناتى تۇرىندە جاسالعان. وسى سيمۆولعا وراي، الماتىداعى ۋنيۆەرسيادانىڭ ۇرانىنا «قاناتىڭدى كەڭ سەرپى!» تىركەسى تاڭدالدى. ءبارىمىز وسى جارىستا قازاقستاندىقتارعا جانكۇيەر بولايىق!
ءيا، بولامىز.
ەندەشە «جانكۇيەر»، «جەڭىس»، «جارىس» دەگەن سوزدەردى ءىىى توپ سەپتەيىكشى.
ا. س. جانكۇيەر
ءى. س. جانكۇيەردىڭ
ب. س. جانكۇيەرگە
ت. س. جانكۇيەردى
ج. س. جانكۇيەردە
ش. س. جانكۇيەردەن
ءۇ. جاڭا ماتەريالدى ءتۇسىندىرۋ.
1.«وي قوزعاۋ»
- بالالار، «جاردەمدەس، قول ۇشىن بەر» دەگەن ءسوزدى باسقاشا قالاي ايتۋعا بولادى؟
- كومەكتەس
دۇرىس ايتاسىڭدار، كومەكتەس دەيدى. ياعني، بالالار، بۇگىنگى وتەتىن ساباعىمىزدىڭ تاقىرىبى نە ەكەن؟
كومەكتەس سەپتىگى.
ءيا، بۇگىنگى ساباعىمىزدىڭ تاقىرىبى «كومەكتەس سەپتىگى» ەكەن.
ءمۇعالىمنىڭ تۇسىندىرمەسى. كومەكتەس سەپتىكتەگى سوزدەر كىممەن؟ نەمەن؟ كىمدەرمەن؟ نەلەرمەن؟ دەگەن سۇراقتارعا جاۋاپ بەرەدى.
كومەكتەس سەپتىگى اتاۋ سەپتىككە – مەن،- بەن،- پەن جالعاۋلارى جالعانۋ ارقىلى جاسالادى. بۇل جالعاۋلاردى كومەكتەس سەپتىك جالعاۋلارى دەپ اتايدى.
ءا) بالالار، ەندى شاعىن ەرتەگىمەن تانىسايىق. توپ بويىنشا ەرتەگىنى تىڭداڭدار، نە تۋرالى ەكەنىن تۇسىنەيىك. سوڭىنان سەپتىك جالعاۋلارى بار سوزدەردى تابايىق. قاي توپ كوپ ءسوز تابادى، ۇپايدى كوپ جينايدى ەكەن كورەيىك. توپتار ايتقان سوزدەردى ساناۋ، ماداقتاۋ، باعالاۋ.
ەرتەگى « سەپتىكتىڭ جەتى ۇلى».
ەرتە، ەرتە، ەرتەدە قازاق ءتىلى جەرىندە، زات ەسىمنىڭ ەلىندە سەپتىك دەگەن قاريا بولىپتى. ونىڭ جەتى ۇلى بولىپتى: اتاۋ، ىلىك، بارىس، تابىس، جاتىس، شىعىس، كومەكتەس.
ءبىر كۇنى قاريا بالالارىن شاقىرىپ الىپ بىلاي دەپتى:
بالالارىم سەندەر تالابى بار ەرتەڭىن ويلار ۇلىمسىڭدار، سوندىقتان ءبىر اپتا ۋاقىت بەرەمىن، جان - جاقتى باقىلاپ ومىرگە كەرەك قۇرالدارىڭدى تاۋىپ كەلىڭدەر.
ۋاقىت جەتىپ بالالار ورالىپتى.
- قانە ولجالارىڭدى كورسەتىڭدەر – دەپتى اكەسى.
اتاۋ كىم؟ نە؟
ىلىك كىمنىڭ؟ نەنىڭ؟
بارىس كىمگە؟ نەگە؟
تابىس كىمدى؟ نەنى؟
جاتىس كىمدە؟ نەدە؟
شىعىس كىمنەن؟ نەدەن؟
كومەكتەس كىممەن؟ نەمەن؟
ەندى وسى اكەلگەندەرىڭە سۇيەنىش تاۋىپ كەلىڭدەر؟
ىلىك سەپتىك - نىڭ،- ءنىڭ،- دىڭ،- ءدىڭ،- تىڭ،- ءتىڭ
بارىس سەپتىك - عا،- گە،- قا،- كە
تابىس سەپتىك - نى،- ءنى،- دى،- ءدى،- تى
جاتىس سەپتىك - دا،- دە،- تا،- تە
شىعىس سەپتىك - نان،- نەن،- دان،- دەن،- تان،- تەن
كومەكتەس سەپتىك - مەن،- بەن،- پەن.
باسى سالبىراپ اتاۋ كەلدى؟
نەگە كەشىكتىڭ؟ – دەيدى – اكەسى.
ەشتەڭە تاپپادىم.
سەپتىك 6 بالاسىنا: «سىننان جاقسى وتتىڭدەر».
اتاۋدى كەشىرىڭدەر، اعالارىڭ عوي. «بىرلىك بار جەردە، تىرلىك بار»، ءبارىڭ بىرلەسىپ ەڭبەك ەتىپ، قانداي قيىندىق بولسا دا جەڭەسىڭدەر دەپ ويلايمىن.
سەپتىك اتاي دۇرىس ايتادى «بىرلىك بار جەردە، تىرلىك بار». ەندەشە بۇگىنگى ساباقتا دا بىرلەسە وتىرىپ، كەلەسى تاپسىرمالاردى ورىندايىق.
ب) داپتەرمەن جۇمىس. كوركەم جازۋ
جاقسى كومەك ەتەدى،
جامان كۇلىپ كەتەدى.

الماتى وبلىسى، رايىمبەك اۋدانى،
جالاناش اۋىلى، ج. ەرمەگيايەۆ اتىنداعى
ورتا مەكتەپتىڭ قازاق ءتىلى مەن ادەبيەتى ءپانى
ءمۇعالىمى قۋاتبەكوۆا اسىلحان تۋرسىن قىزى

تولىق نۇسقاسىن جۇكتەۋ
پرەزەنتاسياسىن جۇكتەۋ