InfoHub Logo

ددسۇ مەن دارىگەرلەردىڭ COVID-19 كوروناۆيرۋسىنان قورعانۋ جونىندەگى كەڭەستەرى:

قولدى ءجيى جۋۋ

قولدى كەم دەگەندە 20 سەكۋند سابىنمەن جۋىڭىز. سابىن مەن سۋ بولماعان جاعدايدا انتيسەپتيك قولدانىڭىز.
اسىرەسە سىرتتان ۇيگە نەمەسە جۇمىس ورنىنا كەلگەندە مىندەتتى تۇردە ءبىرىنشى كەزەكتە قولدى جۋىڭىز. ەگەر قولعا ۆيرۋس ىلىككەن جاعدايدا ونى سابىنمەن جۋۋ ارقىلى نەمەسە انتيسەپتيك ارقىلى ونى زالالسىزداندىرعان بولامىز.

جوتەلگەندە، تۇشكىرگەندە اۋىزدى جابۋ

جوتەلگەندە نەمەسە تۇشكىرگەندە ءبىر رەتتىك قاعاز سۇرتكىمەن اۋىز بەن مۇرىندى جابىڭىز، سۇرتكى بولماعان جاعدايدا قولدىڭ شىنتاق بولىگى ارقىلى جابىڭىز. سۇرتكىنى دەرەۋ قوقىس كونتەينەرىنە تاستاڭىز.
جوتەلگەندە نەمەسە تۇشكىرگەندە اۋىزدى جابۋ ارقىلى ۆيرۋستار مەن وزگە دە ميكرواعزالاردىڭ اۋاعا تارالىمىنىڭ الدىن العان بولامىز. ەگەر اشىق الاقانمەن جابىلسا، ميكروبتار ءسىزدىڭ قولىڭىزعا، سوسىن قولىڭىز ارقىلى وزگە زاتتارعا نەمەسە ادامدارعا ءوتۋى مۇمكىن. 

كوز، مۇرىن جانە اۋىزدى قولمەن ۇستاماۋ 

جۋىلماعان قولمەن كوز، مۇرىن، اۋىزدى ۇستاماعان ءجون. قولمەن كوپ نارسەلەردى ۇستايمىز، ونىڭ كەيبىرىندە ۆيرۋس بولۋى دا مۇمكىن. ۆيرۋس ىلىككەن قولمەن كوزدى، مۇرىندى نەمەسە اۋىزدى ۇستاۋ ارقىلى ۆيرۋستىڭ اعزاعا وتۋىنە جاعداي جاساعان بولامىز.  

قوعامدىق جەرلەردەن ۇزاق بولۋ جانە ماسكا تاعۋ

مۇمكىندىگىنشە قوعامدىق ورىنداردان، ادامدار كوپ شوعارلانعان جەرلەردەن ۇزاق تۇرعان ءجون. سىرتقا شىققاندا مەديسينالىق ماسكا تاعىپ شىعىڭىز.

فيزيكالىق كونتاكتتان شەكتەلۋ

ۆيرۋستىق جاعدايعا بايلانىستى مۇمكىندىگىنشە قول الىسىپ امانداسۋدان، بەت ءسۇيۋ، قۇشاقتاسۋدان تىيىلعان ءجون. ياعني اۋىزشا سالەمدەسۋمەن شەكتەلگەن ابزال. ويتكەنى ۆيرۋستار قولمەن بەرىلەدى.

قوعامدىق جەرلەردە ارا قاشىقتىق ساقتاۋ

قوعامدىق جەرلەردە ادامدارمەن كەم دەگەندە 1 مەترلىك قاشىقتىقتى ساقتاعان ءجون. ەگەر جانىڭداعى ادام دەرتكە شالدىققان بولسا، تۇشكىرگەندە نەمەسە جوتەلگەندە اينالاسىنا اۋا-تامشىلى جولمەن ۆيرۋس تاراۋى ىقتيمال.

بۇيىمداردى انتيسەپتيكتەرمەن ءسۇرتۋ

قوعامدىق ورىندا قولدانىلعان ءاميان، تەلەفون، سومكە سىڭدا زاتتاردى ۇيگە كىرگەندە مىندەتتى تۇردە انتيسەپتيكالىق مايلىقتارمەن ءسۇرتىڭىز. سىرتتا دا، ۇيدە دە ەڭ كوپ قولدانىلاتىن قۇرال ۇيالى تەلەفون بولعاندىقتان، ۇيگە كىرگەندە اسىرەسە تەلەفوندى ءسۇرتىپ زالالسىزداندىرۋدى ۇمىتپاڭىز.   

سالاۋاتتى ءومىر سالتىن ۇستانۋ

سالاۋاتتى ءومىر سالتى اعزانىڭ ينفەكسياعا قارسى توزىمدىلىگىن ارتتىرادى. سالاۋاتتى قورەكتەنۋگە، اقۋىز، دارۋمەندەر مەن مينەرالدارعا قانىق ازىقتاردى تۇتىنۋعا جانە فيزيكالىق تۇرعىدا بەلسەندى بولۋعا تىرىسىڭىز.

كوروناۆيرۋستىق ينفەكسيانىڭ بەلگىلەرى: تىنىس تارىلۋى، دەمىگۋ، جوتەل، تاماق اۋرۋى، دەنە قىزۋىنىڭ كوتەرىلۋى (38 گرادۋس جانە ودان جوعارى). ەگەر وزىڭىزدە وسى بەلگىلەردى بايقاساڭىز ۇيدە بولىڭىز جانە 103 نەمەسە 1406 نومەرلەرىنە حابارلاسىڭىز.

وقۋعا كەڭەس بەرەمىز:

كوروناۆيرۋستىق ىندەت كەزىندە ءوز ەكونوميكاسىن ساقتاۋ ءۇشىن ەلدەر قانشا قاراجات ءبولدى؟

---