كۇشىك پەن مىسىق
اۋىلداعى كورشىلەس ەكى ءۇيدىڭ ءبىرىنىڭ الا مىسىعى بولدى.
ءبىر كۇنى قارا كۇشىك كورشىنىڭ باعىنا كىرىپ، سوندا جۇرگەن الا مىسىقتى تۋرا قۋدى.
مىسىق قاشىپ بارىپ، الما اعاشىنا شىعىپ كەتتى.
كۇشىك اعاش تۇبىنە كەلىپ: «ءاۋ-اۋ-اۋ، ءاۋ-اۋ-اۋ!» — دەپ، مىسىققا قاراپ شابالانىپ تۇرىپ الدى.
مىسىق تا وعان قۇيرىعىن قىبىرلاتىپ، بەلىن كۇجىرەيتىپ، پىرىلداپ ايبات شەكتى.
سول ساتتە جۇدىرىقتاي ءبىر قىزىل الما ساباعىنان ءۇزىلىپ، كۇشىكتىڭ باسىنا كەلىپ توپ ەتە ءتۇستى. كۇشىك قاڭق ەتە قالدى دا، «مىسىق ۇردى ەكەن» دەپ قاشا جونەلدى.
ول ەندى ءوز اۋلاسىنا بارىپ، تاعى دا مىسىق جاققا قاراپ شاۋىلدەپ تۇرعان. سول كەزدە مىسىق اعاشتان جەرگە قارعىپ ءتۇسىپ ەدى، ول «تاعى ۇرادى ەكەن» دەپ ويلاپ، جۇگىرىپ بارىپ ۇيشىگىنە كىرىپ كەتتى.
سودان باستاپ قارا كۇشىك الا مىسىقتى قۋمايتىن بولدى.
You Might Also Like
-
جاز. ورىستە لاق، قۇلىن، قوزى كەزدەسە كەتتى. ءىشى پىسقان ولار بىرىگىپ ويناماق بولدى. اۋەلى نەندەي ويىن قىزىق ەكەنىن تالقىعا سالدى.
-
الا مىسىقتىڭ كiشكەنتاي كۇنiنەن ماڭدايى تەرلەپ ەڭبەك ەتiپ، تاماق تاۋىپ iشكەن كۇنi جوق. باسقا مىسىقتارداي سارايدان تىشقان اۋلاۋ، قوجاسىنىڭ اس-سۋىن تىشقاننان قورعاۋ دەگەن وندا جوق. قايتا تىشقاندارعا ق...
