مىسىق نەگە تاماق ىشكەن سوڭ جۋىنادى؟
كۇندەردىڭ كۇنىندە ءبىر تورعاي ۇشىپ كەپ، ءبىر شارۋانىڭ قوراسىنا قونادى دا، شاشىلعان داندەردى تەرىپ جەي باستادى. مۇنى كورىپ، قوجايىنىنڭ مىسىعى ءبىر ءمۇيىستىڭ تاساسىندا تۇرىپ توريدى. اڭدىپ وتىرعان مىسىق ءبىر مەزەتتە شورشىپ بارىپ تورعايدى باس سالادى. قاناتىنان قاپسىرا تىستەپ تۇرىپ:
— ەندى ءبىر جاقسىلاپ توياتىن بولدىم! — دەيدى.
— ەي، مىسىق مىرزا، ۇيالساڭشى! جۋىنعاندى ۇمىتىپ باراسىز عوي، ءوزى! ءوزىڭىزدىڭ قوجايىنىڭىز دا، ونىڭ ايەلى دە، جۋىنعاننان كەيىن بارىپ تاماق جەيدى، — دەيدى تورعاي.
— ونىڭ دا دۇرىس ەكەن-اۋ، — دەپ مىسىق جاقسىلاپ جۋىنىپ، ءسۇرتىنۋ ءۇشىن الدىڭعى اياعىن تۇمىسىعىنا اپارادى.
سول كەزدە تورعاي، ۇزاق ويلانىپ جاتپاي، جالت بەرەدى! قاناتىن قاعىپ، ۇشادى دا كەتەدى! مىسىق ىزا بولادى. سودان بەرى قاراي مىسىق اتاۋلى تاماق جەگەننەن كەيىن جۋىناتىن بولعان ەكەن.
You Might Also Like
-
ەرتەدە قيار مەن قىرىققابات قول ۇستاسقان دوس بولىپتى. ءبىر كۇنى ەكى دوس سۋعا شومىلۋعا وزەنگە كەلىپتى. كەلگەن بەتتە قيار شەشىنىپ، سۋعا كۇمپ بەرىپتى دە، جۇزە باستاپتى. قىرىققابات بىر-بىرلەپ، قابات-قابا...
