ماگيسترانتتىڭ مۇمكىندىگى
قازىرگى تاڭدا ءبىلىم سالاسىنىڭ جۇيەسى سان ءتۇرلى قىرلارىمەن ەرەكشەلەنەدى. سونداي ءبىلىم سالاسىنىڭ جۇيەلەنگەن ورداسىنىڭ ءبىرى – ءال-فارابي اتىنداعى قازۇۋ بولىپ تابىلادى. كەز كەلگەنگە بۇيىرا بەرمەيتىن بۇل وردا قايناعان ستۋدەنتتەر وشاعى بولىپ تابىلادى. قازۇۋ-دىڭ ستۋدەنتتەرگە بەرەر مۇمكىندىكتەرى وتە كوپ. ال، ماگيسترانتتارعا بەرىلەتىن مۇمكىندىكتەردىڭ ءجونى مۇلدە بولەك. ۋنيۆەرسيتەتتىڭ 15 فاكۋلتەتى، 15 ءتۇرلى باعىتتاعى 180 ءتۇرلى ماماندىقتاردىڭ قاناتىن قايىرادى. ءاربىر فاكۋلتەتتىڭ كافەدرالارى وزدىگىنشە جاڭالىققا ۇمتىلىپ جۇمىس جاسايدى. جاڭالىعىمەن جارشى بولسىن دەپ، ۋنيۆەرسيتەتىمىزدىڭ ماگيسترانتتارىنا مەملەكەت گرانت ءبولىپ، تاڭداۋ تاقىرىبىنا بايلانىستى شەت ەلدىك تاجىريبە الماسۋ جۇيەسىن رەتتەپ قويعان. تاجىريبە بارىسىندا ماگيسترانتتار، رەسەيگە، تۋرسياعا، ەۋروپا ەلدەرىنە جانە ت.ب. 2 اپتالىق تاجىريبە الماسۋعا جانە سەمەسترلىك اۋىسىممەن وقۋعا بارا الادى. جاڭا دۇنيە جاستاردى قاناتتاندىرادى، بىلىمگە قۇشتارلىعىن اشادى. ومىرگە دەگەن تۇلعالىق كوزقاراسى بەلسەندى بولا تۇسەدى. تەك ارمان عانا ەمەس، قول جەتكىزۋگە بولاتىن مۇمكىندىك ەكەندىگىنە سەندىرەدى. جانە مىندەتتى تۇردە ستۋدەنتتەردە «ءوز ەلىمە جەتپەيدى ەكەن» دەگەن پاتريوتتىق سەزىمدى وياتادى. وسىنداي تاجىريبەدەن جاقىندا «ءال-فارابي اتىنداعى قازۇۋ-دىڭ، تاريح، ارحەولوگيا جانە ەتنولوگيا فاكۋلتەتىنىڭ «دۇنيە ءجۇزى تاريحى، تاريحناما جانە دەرەكتانۋ» كافەدراسىنىڭ جانە «قازاقستان تاريحى» كافەدراسىنىڭ ءبىر توپ ماگيسترانتتارى تۇركيانىڭ «ستامبۋل ۋنيۆەرسيتەتىندە» تاجىريبە الماسىپ كەلدىك.
شەتەلدىك عىلىمي ىس-تاجىربيەنىڭ العاشقى كۇنى ستامبۋل ۋنيۆەرسيتەتىنىڭ فارابي-ەۆرازيا زەرتتەۋ جانە وقىتۋ ورتالىعىنىڭ مەڭگەرۋشىسى، پروفەسسور ابدۋللاح كىزىلدجپەن تانىسۋدان باستالىپ، ودان ءارى فارابي-ەۆرازيا زەرتتەۋ جانە وقىتۋ ورتالىعىنداعى تاعىلىمداما ماسەلەلەرى بويىنشا قۇجاتتاردى قاراپ، تاجىربيە الماسۋ باعدارلاماسىمەن تانىستىرۋ جۇرگىزىلدى. عىلىمي تاعىلىمناما بارىسىندا ماگيسترانتتار ءوز كەزەگىندە ستامبۋل ۋنيۆەرسيتەتىنىڭ ورتالىق كىتاپحاناسىنا بارىپ، ونداعى عىلىمي كىتاپ قورىمەن تانىسىپ، ديسسەرتاسيالىق جۇمىستارىنا بايلانىستى بيبليوگرافيالىق تىزىمدەرمەن تانىستى. سونداي-اق شەتەلدىك ءىس –تاجىربيە بارىسىندا ماگيسترانتتارعا ءوز ديسسەرتاسيالارىنا قاتىستى ستامبۋل ۋنيۆەرسيتەتىنىڭ ماتەريالدىق-تەكنيكالىق بازاسىمەن تانىستىرۋ شارالارى جۇرگىزىلدى. ىس-تاجىربيەدەن ءوتۋ بارىسىندا بولاشاق تاريحشى ماگيسترانتتار ستامبۋل ۋنيۆەرسيتەتىنىڭ فارابي-ەۆرازيا زەرتتەۋ ورتالىعىنىڭ پروفەسسورى ابدۋللاح كىزىلدجىكتىڭ «وسمان يمپەرياسىنىڭ گەوگرافيالىق ايماعى» اتتى سەمينارىنا جانە وسى فارابي-ەۆرازيا زەرتتەۋ ورتالىعىنىڭ عىلىمي كومەكشىسى وتانداسىمىز، دوكتور وراز ساپاشيەۆتىڭ «عىلىمي زەرتتەۋ تاقىرىپتارىن تاڭداۋداعى كەيبىر ماسەلەلەر» اتتى سەمينارلارىنا قاتىسىپ، تاجىربيە جيناقتادى.
ماگيسترانتتار ءوز كەزەگىندە ستامبۋل قالاسىنداعى ءىرى تاريحي ماڭىزى بار كەشەندەرگە ونىڭ ىشىندە: اييا-سوفيا مەشىتىنە، سۇلتان-احمەت مەشىتىنە، توپقاپى سارايىنا، دولماباحچە سارايىنا، ستامبۋل قالاسىنداعى ارحەولوگيا مۇراجايى مەن موزايكالار مۇراجايىن ارالاپ، ەكسكۋرسيا جۇرگىزدى. شەتەلدىك عىلىمي ىس-تاجىربيەنىڭ قورىتىندىلاي كەلە تاريحشى ماگيسترانتتار ستامبۋل ۋنيۆەرسيتەتىنىڭ فارابي-ەۆرازيا زەرتتەۋ ورتالىعىنىڭ ارنايى سەرتيفيكاتتارمەن ماراپاتتالدى. شەتەلدىك عىلىمي ىس-تاجىربيەدەن ءوتۋ ماگيسترانتتارعا تەك ديسسەرتاسيالىق جۇمىسقا ماتەريالدار جيناقتاۋ عانا ەمەس، تۇركيالىق عالىمداردىڭ ەڭبەكتەرىنە باقىلاۋ جۇرگىزۋ ارقىلى عىلىمي زەرتتەۋ ءادىسىن تۇسىنۋگە مۇمكىندىك بەرەدى.
ن.س. تاستانبەك ءال - فارابي اتىنداعى قازۇۋ - دىڭ 2 كۋرس ماگيسترانتى
گ.س. بەدەلوۆا ءال - فارابي اتىنداعى قازۇۋ - دىڭ ت.ع.ك.، اعا وقىتۋشىسى
You Might Also Like
-
جۇقا تەرەزەنىڭ الدىندا وتىرىپ الىستان كەلە جاتقان ءبىر ادامدى كورەدى. بۇل قارىزىن قايتارىپ الۋعا كەلە جاتقان كىسى ەكەنىن تانىپ، جۇقا ايەلىنە جالما-جان:
-
ءبىر بايدىڭ ءسادۋ دەگەن جالعىز بالاسى ءبىر كۇنى اڭعا شىقپاقشى بولادى. ءبىراق ول بۇل ساپار ادەتتەگىسىندەي قاسىنا كىسى ەرتپەيدى، «بىرەۋ الىپ بەرگەن اڭدى قايتەيىن، مەن دە ءوز بەتىممەن ولجا تابامىن&ra...
