ماڭدايدا ءبىر تال شاشىم اعارىپتى،
بەلگىسى بولعاي-داعى «دانالىقتىڭ».
ىعىسىپ، قاراقۇسقا بارا جاتىر،
كەكىلى كەشەگى اناۋ بالالىقتىڭ.
اعارسىن شاشىم، مەيلى، اعارماسىن،
الاڭ بوپ اۋىرماعاي وعان باسىم.
جاستىقتىڭ وتى سونەر، وتى سونەر،
قىزۋى بويدا ءبىراق جوعالماسىن.
جانار تاۋىم بار ەدى عوي كەۋدەمدە،
جالىن اتىپ، جانا-جانا سونگەن بە؟!
تاس قايناتىپ، جاتۋشى ەدى، وت بۇركىپ،
تاستاي قاتىپ، تىنعان با ەندى، ولگەن بە؟
ءبىر جانار تاۋ جاتۋشى ەدى توسىمدە،
جانا-جانا اينالعان با وشۋگە؟1
قىزىل-كۇرەڭ الاۋ وتتىڭ ورنىندا،
قىلىمسىعان قىز-ساعىمدار كوشۋدە.
جانار تاۋىم بار ەدى عوي ورتەنگەن،
جالىنى ونىڭ نەگە مۇنشا ەرتە ولگەن؟!
...وتىرىپ اپ سونگەن وشاق باسىندا،
قورقىت اتام قىل قوبىزىن شەرتەم مەن.

---