InfoHub Logo

ب ا ق وكىلدەرىنىڭ سۇراقتارىنا جاۋاپ بەرگەن ۆەدومستۆا باسشىسى وتكەن جىلى اتقارىلعان جۇمىستارعا توقتالىپ قانا قويماي، بيىلعى جوسپارىمەن دە ءبولىستى. ونىڭ ايتۋىنشا، وبلىستا جالپى ءبىلىم بەرۋ بويىنشا 146 مەكتەپ بار، ونىڭ ىشىندە – 134 مەملەكەتتىك، 5 - جەكەمەنشىك، 7 - كەشكى اۋىسىممەن وقىتادى. ال شاعىن جيناقتى مەكتەپتەر سانى – 12. وتكەن جىلى وقۋشىلار كونتينگەنتى – 127 168 قۇرادى، ال 2016 جىلى بۇل كورسەتكىش 119590 بولاتىن. ءۇش اۋىسىممەن جۇمىس جاسايتىن مەكتەپتەر سانى – 8، وندا ءبىلىم الىپ جاتقان وقۋشىلار سانى 1939-عا جەتكەن. ءوڭىر ەكونوميكاسىنىڭ دامۋىنا قاجەتتى مامانداردى دايىنداۋ ماقساتىندا وبلىس اكىمىنىڭ 250 گرانتى بولىنگەن.ەڭ باستىسىماڭعىستاۋدا اپاتتى جاعدايدا تۇرعان بىردە-بىر مەكتەپ جوق.

3-6 جاس ارالىعىنداعى بالالاردى مەكتەپكە دەيىنگى تاربيەمەن جانە وقىتۋمەن قامتۋ -93% قۇراعان. وبلىستا 262 مەكتەپكە دەيىنگى ۇيىم بار، ونىڭ 40% جەكەمەنشىك. وتكەن جىلى 26 مەكتەپكە دەيىنگى ۇيىم ىسكە قوسىلسا، بيىل 28 بالاباقشا پايدالانۋعا بەرىلەدى دەپ كۇتىلۋدە.

 «رۋحاني جاڭعىرۋ» باعدارلاماسى اياسىندا وتكەن جىلى العاش رەت وبلىستاعى بارلىق ءبىلىم بەرۋ ۇيىمدارىندا «جاسىل مەكتەبىم - جاسىل مەكەنىم» اتتى جوباسى ىسكە قوسىلدى. جوبا اياسىندا كەزەڭ-كەزەڭىمەن بارلىق مەكتەپتەردە جىلىجايلار سالىنىپ، مەكتەپ اۋلالارىن كوگالداندىرۋ ءجۇرىپ جاتىر. ايماقتىڭ كليماتتىق ەرەكشەلىگىنە بايلانىستى قولعا الىنىپ وتىرعان بۇل جوبا مەسەناتتار تاراپىنان قولداۋ تاپتى. بۇعان قوسا، ايماقتا 9 مەكتەپتىڭ قۇرىلىسى قارقىندى ءجۇرىپ جاتىر»، - دەدى وبلىستىق ءبىلىم باسقارماسىنىڭ باسشىسى زەينەپ تاستەمىروۆا.

سونىمەن قاتار، وسى ايدان باستاپ وقۋشىلارعا ءوز كاسىبىن اشۋدى ۇيرەتۋ ماقساتىندا وبلىستىڭ 30 مەكتەبىندە «كاسىپكەرلىك نەگىزدەرى» جاڭا جوباسى باستالدى. جاڭا فورماتتاعى بۇل جوبا وقۋشىمەن قاتار ونىڭ اتا-اناسىن دا كاسىپكەرلىككە ۇيرەتۋگە باعىتتالعان جانە وقۋشىلاردى جاس بيزنەس كوشباسشى بولۋعا تاربيەلەيدى.

جاھاندانۋ زامانىندا اقپاراتتىق ساۋاتتىلىقپەن قاتار، كوپتىلدى مەڭگەرۋ ماسەلەسى تۇر. وسى ورايدا، ق ر ءبىلىم جانە عىلىم مينيسترلىگى تاراپىنان 600-دەن استام ءمۇعالىم اعىلشىن ءتىلى كۋرستارىنان وتكەن. ال جەرگىلىكتى بيۋدجەت قارجىسىنا 300 اۋىل ءمۇعالىمى اعىلشىن ءتىلىن مەڭگەرۋدى جالعاستىرۋدا.

زەينەپ تاستەمىروۆا اعىمداعى جىلى اتقارىلۋى ءتيىس جۇمىس جوسپارىمەن دە ءبولىستى. ونىڭ ايتۋىنشا، بيىل«ءبىلىم ۇزدىگى-2018» وبلىس اكىمىنىڭ پرەمياسىن وتكىزۋ جوسپاردا بار. سونداي-اق، ءبىلىم بەرۋ ۇيىمدارى عيماراتتارىن اعىمداعى جانە كۇردەلى جوندەۋدەن وتكىزۋ، ماتەريالدىق-تەحنيكالىق بازاسىن نىعايتۋ، «بارشاعا  ارنالعان تەگىن تەحنيكالىق  جانە كاسىپتىك ءبىلىم» جوباسىن جۇزەگە اسىرۋ، ءبىلىم بەرۋ مەكەمەلەرىندەگى روبوتوتەحنيكا لابوراتوريالارىنىڭ سانىن ارتتىرۋ، ءدۋالدى وقىتۋدى ەنگىزۋ بويىنشا «جول كارتاسىن» ىسكە اسىرۋ، تەحنيكالىق جانە كاسىپتىك بىلىمبەرۋ ۇيىمدارىندا كرەديتتىك-مودۋلدىك وقىتۋ تەحنولوگيالارىن كەزەڭ-كەزەڭىمەن ەنگىزۋ سياقتى ءبىرقاتار مىندەتتەر تۇرعانىن ايتتى.

كامشات ءىزباساروۆا