ماڭعىستاۋلىق 15 وقۋشى تۇركيادا ءبىلىم الاتىن بولدى
اقتاۋدا «Sabanci University» جانە «Compass Education» اگەنتتىگىنىڭ ۇيىمداستىرۋىمەن حالىقارالىق وليمپيادا جەڭىمپازدارى انىقتالىپ، وقۋ گرانتى جانە ارنايى ستيپەنديالار تاعايىندالدى.
ايتا كەتۋ كەرەك، 11 سىنىپ وقۋشىلارى اراسىندا وتكەن وليمپياداعابارلىعى 214 وقۋشى قاتىسىپ، ونىڭ 56-سى قورىتىندى تۋردان سۇرىنبەي وتكەن. ناتيجەسىندە،تۇركيانىڭ «Sabanci» ۋنيۆەرسيتەتىندە ماڭعىستاۋلىق 15 وقۋشى ءبىلىم الاتىن بولدى. ونىڭ 6-ى 25%، تاعى 6 وقۋشىعا 50% جانە 2 وقۋشى 75% جەڭىلدىك بەرىلىپ وتىر. ال 100% جەڭىلدىك، ياعني تەگىن گرانتتى اقتاۋ قالاسىنداعى مامانداندىرىلعان ەكونوميكالىق ليسەيىنىڭ 11ء-شى سىنىپ وقۋشىسى اقمارال امانتۇردييەۆا ۇتىپ الدى. ول ەندى 4 جىل بويى تۇركيانىڭ استاناسى ستامبۇل قالاسىنداعى «Sabanci University» تەگىن ءبىلىم الاتىن بولادى.
«مەن اعىلشىن ءتىلىن تەرەڭىرەك وقۋدى 10-شى سىنىپتا باستادىم. ەڭ الدىمەن«Compass Education» ورتالىعىندا اعىلشىن ءتىلى كۋرسىنا قاتىستىم. بوس ۋاقىتىمدى ءتيىمدى وتكىزۋ ءۇشىن قولىمنان كىتاپ تۇسپەدى. شەتەلدە ءبىلىم الۋ مۇمكىندىگى تۋرالى مەكتەپتە مۇعالىمدەردەن ەستىگەن ەدىم. سول كۇننەن باستاپ ءتىل ۇيرەنۋگە بەل بۋدىم. ال وليمپيادا كەزىندە ەكى تۋردان ءوتتىم. ءبىرىنشىسى – تەست. ال ەكىنشىسى - سۇقبات. ينجەنەر ماماندىعىن تاڭدادىم. قۋانىشىمدا شەك جوق. وز-وزىمە سەنە الار ەمەسپىن»، - دەيدى ول.
شاراعا ماڭعىستاۋ وبلىسىنىڭ كاسىپكەرلەر پالاتاسىنىڭ وكىلدەرى، وبلىستىق ءبىلىم باسقارماسىنىڭ ورىنباسارى گۇلميرا مامايەۆا، اتا-انالار جانە مۇعالىمدەر قاتىستى. سونىمەن قاتار، شاراعا ارنايى تۇركيانىڭ «Sabanci University» ايماقتىق ديرەكتورى ەبرۋ كوچكەلىپ، وقۋ گرانتىن جانە ستيپەنديالاردى ءوز قولىمەن وقۋشىلارعا تابىس ەتتى.
«Compass Education» شەتەلدە ءبىلىم بەرۋ اگەنتتىگىنىڭ ديرەكتورى ايجان قۇلجابايەۆانىڭ ايتۋىنشا، تۇركيانىڭ «Sabanci» ۋنيۆەرسيتەتىمەن ءوزارا ىنتىماقتاستىق ورناعان. ەندى«Compass Education» الداعى 3 جىل بويى ماڭعىستاۋلىق وقۋشىلاردىڭ شەتەلدە ءبىلىم الۋىنا قول ۇشىن سوزۋعا دايىن.
«ءبىز اقتاۋدا ءوز جۇمىسىمىزدى وتكەن جىلى قىركۇيەك ايىندا باستادىق. جوعارى سىنىپ وقۋشىلارىن شەتەلدە ءبىلىم الۋىنا ىقپال ەتۋگە دايىنبىز. قىسقا مەرزىمدى كۋرستان وتەمىن دەۋشىلەرگە دە قولداۋ كورسەتىلەدى.ءبىز تەك تۇركيا عانا ەمەس، الەمنىڭ كوپتەگەن بەلدى وقۋ ورىندارىمەن قويان-قولتىق جۇمىس جاسايمىز. سوندىقتان دا، بيىل 10-شى سىنىپتا وقىپ جاتقان وقۋشىلاردىڭ قۇلاعىنا التىن سىرعا. 11 سىنىپتى اياقتايمىن دەگەنشە، اعىلشىن ءتىلىن بارىنشا تەرەڭىرەك مەڭگەرىپ، كەلەسى جىلى وسىنداي وليمپياداعا قاتىسىپ، گرانت نەمەسە ستيپەنديا جەڭىپ الۋعا مۇمكىندىك بەرىلەتىنىن قاپەرىڭىزگە بەرەمىز»، - دەيدى ول.
«Compass Education» شەتەلدە ءبىلىم بەرۋ اگەنتتىگىوقۋشىلارعا تەك جولداما بەرىپ قانا قويماي،العاشقى ءبىرىنشى كۋرستى اياقتاعانشا ستۋدەنتپەنتىعىز بايلانىس ورناتىپ وتىرادى. سەبەبى بۇل ستۋدەنت ءۇشىن بەيىمدەلۋ كەزەڭى. سول كەزەڭنەن سۇرىنبەي وتكەن سوڭ، قالعان وقۋ جىلدارىندا ستۋدەنت ءوزىن-وزى الىپ كەتۋى ءتيىس. بولاشاق ستۋدەنتتىڭ قاجەتتى قۇجاتتارىن جيناقتاۋدى ءوز مىندەتىنە الادى. ۆيزا راسىمدەپ، وقۋشىلارعا ءبىلىم الاتىن وقۋ ورنى، سول مەملەكەت تۋرالى تولىققاندى اقپارات الۋ ءۇشىنالدىن-الا ارنايى ترەنينگ ۇيىمداستىرادى.ساباق باستالعان بويى ستۋدەنتتىڭ ساباعىن، ءتارتىبىن، تۇرمىستىق جاعدايىنقاداعالايدى. سونداي-اق، اتا-انالاردى دا بۇل پروسەسستەن تىس قالدىرمايدى.
كامشات ءىزباساروۆا
You Might Also Like
-
الماتى وبلىسى ەڭبەكشىقازاق اۋدانى ورىكتى اۋىلى ب.مايلين ورتا مەكتەبى كمم 3 «ءا» سىنىپ وقۋشىسى ءالىمجان ايسۇلۋ سىنىپ جەتەكشىسى: وسپانوۆا ايمان نۋربوپايەۆنا
-
ادامدا بۇيرەك ءوز قىزمەتىن تۋا ورىنداي باستايدى. ءبىراق جاس بالالاردا بۇيرەك قىزمەتىنىڭ ءبىرقاتار كورسەتكىشتەرى كوپشىلىك جاعدايدا تومەن بولادى، تەك بالا ەكى جاسقا تايانعاندا عانا ەرەسەك ادام دەڭگەيىنە ...
