شىمكەنتتە بالاباقشانىڭ تولەماقىسى قىمباتتادى
شىمكەنتتە بالاباقشانىڭ تولەماقىسى قىمباتتادى. قالا اكىمىنىڭ قاۋلىسىمەن تولەماقى وسى جىلدىڭ قاڭتار ايىنان باستاپ وسكەن.
قالالىق ءبىلىم ءبولىمىنىڭ ەسەپشىسى قارلىعاش ايتبەكوۆانىڭ ايتۋىنشا، بالاباقشالارداعى تولەمدەردىڭ سوماسى جاس ەرەكشەلەرىنە قاراي كوتەرىلگەن.
«شىمكەنت قالاسى اكىمى نۇرلان ساۋرانبايەۆتىڭ قاۋلىسىمەن بالاباقشاداعى ءبىر كۇندىك تولەماقى - 436 تەڭگە 75 تىيىن بولىپ وتىر. ياعني بۇرىنعى باعامەن سالىستىرعاندا 105 تەڭگە 69 تىيىنعا كوتەرىلگەن. ءبىر ايلىق تولەماقىسى - 9608 تەڭگە 5 تىيىن بولىپ بەلگىلەندى. ال، 3-7 جاس ارالىعىنداعى بالانىڭ ءبىر كۇندىك تولەماقىسى - 527 تەڭگە 94 تەڭگە بولىپ، 129 تەڭگە 16 تىيىنعا قىمباتتادى. ايلىق تولەمى 11 614 تەڭگە 68 تىيىنعا تۇراقتادى»، - دەدى قارلىعاش ايتبەكوۆا.
وتكەن 2017 جىلى اتا-انالار مەملەكەتتىك بالاباقشادا ءبىر بالاعا 8370 تەڭگەدەن تولەپ كەلگەن ەدى.
ءبىلىم ءبولىمى ەسەپشىسىنىڭ سوزىنشە، تولەماقىنىڭ وسۋىنە كاسىپكەرلەردىڭ ءۋاجى سەبەپ بولعان. مەملەكەت ەسەبىنەن قارجى الاتىن جەكەمەنشىك بالاباقشالاردا تاماقتىڭ نورماسى ءتيىستى تالاپتارعا ساي كەلمەيدى. ويتكەنى قازىرگى تولەماقى ول تالاپتاردى ورىنداۋعا جەتكىزىلكسىز ەكەن. وسىنى نەگىزگە العان ءوڭىردىڭ كاسىپكەرلىك پالاتاسى قالالىق ءبىلىم بولىمىنە تولەماقىنىڭ سوماسىن ءوسىرۋ قاجەتتىلىگى تۋرالى حات جولداپتى.
«وسى حاتتىڭ نەگىزىندە ءبىلىم ءبولىمى وبلىستىق ستاتيستيكا دەپارتامەنتىنە حات جولداپ، نارىقتاعى ءار ازىق-تۇلىكتىڭ باعاسى جەكە-جەكە الىندى. ءسويتىپ زاڭعى سايكەس ءبىر بالاعا بەرىلەتىن تاماقتىڭ كالكۋلياسياسى جاسالىندى. وسىنىڭ نەگىزىندە ءبىر كۇندىك تاماقتىڭ، ياعني قازىرگى كوتەرىلگەن باعا بەلگىلەندى. ودان كەيىن ەكى ساراپتامالىق قورتىندى الىنىپ، ونىڭ نەگىزىندە شىمكەنت قالاسى اكىمىنىڭ قاۋلىسى شىقتى»،- دەيدى قارلىعاش ايتبەكوۆا.
قازاقپارات
You Might Also Like
-
الماتى وبلىسى ەڭبەكشىقازاق اۋدانى ورىكتى اۋىلى ب.مايلين ورتا مەكتەبى كمم 2 «ءا» سىنىپ وقۋشىسى مۋحامەدجان فاتيما سىنىپ جەتەكشىسى: التىنبەكوۆا عاليا قاناتبەكوۆنا
