InfoHub Logo

جازدا تازا اۋادا بارىنشا ۇزاق جۇرگىڭ كەلەدى، ساياباقتا دەمالعىڭ كەلەدى، كوككە جاتىپ، جايقالعان گۇلدەردىڭ حوش يىسىنە بولەنگىڭ كەلەدى. الايدا تاماشا دەمالىستى مازاسىز ماسالار قۇرتۋى مۇمكىن. Bilim-all.kz ماسالاردان قۇتىلۋ ءۇشىن قانداي تابيعي يىستەردى پايدالانۋ كەرەكتىگىن بىلدىرەدى.

ۆانيلين

^{© Dionisvera / shutterstock.com}

ءۆانيليندى بالالار كرەمىمەن 1:10 پروپورسيادا ارالاستىرىپ، دەنەنىڭ اشىق بولىكتەرىنە جاعۋ كەرەك. سونىمەن قاتار ۆانەليندى سۋعا ارالاستىرىپ، ەرىتىندىنى تەرى مەن كيىمنىڭ اشىق جەرلەرىنە سەپسە بولادى.

 

ءانىس، قالامپىر، ناسىبايگۇلدىڭ ەفير مايلارى

^{© Kerdkanno / shutterstock.com}

قالامپىر، ناسىبايگۇل، ءانىس، ەۆكاليپت ەفير مايلارى ماسالاردى ۇركىتۋگە كومەكتەسەدى. ول ءۇشىن مايلاردى دەنەنىڭ اشىق جەرلەرىنە جاعىپ (ءبىر ستاقان سۋعا 5-10 تامشى) نەمەسە وتقا – شاققا، الاۋعا، حوش ءيىس شىعاراتىن شامعا نەمەسە قىزدىرىلعان تاباعا تامىزىپ جىبەرۋ كەرەك. بۇعان قوسا ماقتانى وسى مايلارعا باتىرىپ، تەرەزەنىڭ الدىنا قويىپ قويسا بولادى.

 

ايۋ بادامنىڭ بۇتاعى

^{© LidiaLydia / shutterstock.com}

ايۋ بادامىنىڭ جاس شىبىعىن بولمەگە قويىپ قويىڭىز – ولار قىزاناق جاپىراعىنىڭ ءيىسى سياقتى ماسالاردى ۇركىتەدى. الايدا اباي بولىڭىز، ايۋ بادامىنىڭ وتكىر ءيىسى ۇيقىڭىزعا كەدەرگى كەلتىرۋى مۇمكىن، سوندىقتان تۇندە بۇتاعىن جاتىن بولمەدەن شىعارىپ تاستاۋ كەرەك.

 

قالامپىر

^{© Curioso / shutterstock.com}

ءبىر ستاقان سۋعا 5 گ قالامپىر سالىپ، 15 مينۋت قايناتىڭىز. قايناتپانىڭ 10 تامشىسىن 1 ۇلكەن قاسىق كەز كەلگەن اتىرمەن ارالاستىرىپ، دەنەنىڭ اشىق جەرلەرىنە جاعىڭىز. وسىلايشا 2 ساعات بويى قىدىرۋعا بولادى: ماسالار مەن شىركەيلەر سىزگە جولامايتىن بولادى.

 

ارشا بۇتاقتارى

^{© Kaushik Ranjan Haldar / shutterstock.com}

ەگەر كوككە دەمالۋعا شىقساڭىز، الاۋعا ارشا بۇتاقتارىن تاستاي سالىڭىز.

 

بالقاراعاي مايى

^{© Jelena Yukka/ shutterstock.com}

بالقاراعاي مايىنىڭ ءيىسى ماسالاردى عانا ەمەس، شىبىندار مەن تاراقانداردى دا ۇركىتەدى.

 

جۋسان قايناتپاسى

^{© Pawle / shutterstock.com}

جۋسان تامىرىنىڭ قايناتپاسىمەن بەتىڭىزدى جۋساڭىز، بىردە ءبىر ماسا تيىسپەيدى. شابىلعان تامىرلاردىڭ ءبىر ۋىسىنا 1،5 ل سۋ قۇيىپ، قايناتۋ كەرەك تە 20-30 مينۋتقا قويىپ قويۋ كەرەك.

 

تۇيمەداق

^{© Irina Burakova / shutterstock.com}

ماسالارعا قارسى ەجەلگى حالىق ءتاسىلى – پارسى، دالماتتىق نەمەسە كاۆكازدىق تۇيمەداق (پيرەترۋم دەگەن دە سول). تۇيمەداقتىڭ وسى ءتۇرىنىڭ كەپتىرىلىپ، ۇساقتالعان گۇلشوعىرلارى، ساباقتارى مەن جاپىراقتارى جاندىكتەردىڭ جۇيكە جۇيەلەرىنە اسەر ەتەدى. پاتەر نەمەسە ءۇيدىڭ بۇرىشتارىنا وسى گۇلدىڭ ساباقتارىن قويىپ قويسا جەتكىلىكتى.

 

بيدايىق قايناتپاسى

^{© bogdan ionescu / shutterstock.com}

ەرتەدە ماسالار مەن باسقا دا قان سوراتىن جاندىكتەردى ۇركىتۋ ءۇشىن ەڭ كوپ تارالعان ءارامشوپ – بيدايىق تامىرىنىڭ قايناتپاسىن قولدانعان. شابىلعان بيدايىق تامىرىنىڭ ءبىر ۋىسىنا 1،5 ل سۋ قۇيىپ، اشىق سارى تۇسكە بويالعانشا 3 رەت قايناتىڭىز. وسى قايناتپامەن بەتىڭىز بەن قولىڭىزدى جۋىڭىز، بىردە ءبىر ماسا جولامايتىن بولادى.

 

ناسىبايگۇل جاپىراقتارى

^{© Africa Studio / shutterstock.com}

ۇساقتاپ تۋرالعان جاس مويىل نەمەسە ناسىبايگۇل جاپىراقتارىن قولدانۋعا بولادى – بولمەگە قويىپ قويۋعا نەمەسە دەنەنىڭ اشىق جەرلەرىنە جاعۋعا بولادى.

---