ماسك زىمىرانىمەن ۇشىرىلعان قازاقستاندىق جەرسەرىك العاشقى سۋرەتىن ءتۇسىردى
بۇگىن، 14 جەلتوقسان كۇنى تۇندە قازاقستاندىق KazSTSat ميكروجەرسەرىگىنەن عارىشتا تۇسىرىلگەن العاشقى سۋرەت الىندى، دەپ «قازاقستان عارىش ساپارى» ۇك» اق-نىڭ باسپا ءسوز قىزمەتى حابارلايدى.
ەسكە سالا كەتەيىك، 2018 جىلدىڭ 4 جەلتوقسانىندا استانا ۋاقىتىمەن 00 ساعات 32 مينۋتتا كاليفورنياداعى ۆاندەنبەرگ بازاسىنان Falcon 9 Block 5 زىمىران-تاسىعىشى ۇشىرىلدى. ول زىمىران-تاسىعىش وربيتاعا شاعىن سپۋتنيكتەر مەن كۋبساتتاردى الىپ شىقتى.
ۇشىرىلعان قازاقستاندىق ەكى عارىش اپپاراتىنىڭ بىرەۋى - KazSTSAT - سالماعى 100 كەلىلىك تەحنولوگيالىق ماڭىزدى سپۋتنيك. شاعىن سپۋتنيك SSTL-X50 الاڭىندا قۇراستىرىلعان. وربيتانىڭ بيىكتىگى - 542 شاقىرىم. سپۋتنيكتى 2015 جىلدان باستاپ SSTL (Surrey Satellite Technology Ltd) اعىلشىن كومپانياسىنىڭ بازاسىندا «عالام» بىرلەسكەن كومپانياسىنداعى قازاقستاندىق ماماندار قۇراستىرعان.
قازاقستاننىڭ ەكىنشى عارىش اپپاراتى - سالماعى 5 كەلىلىك KazSciSat 1 كۋبساتى. ونى «عالام» بىرلەسكەن كومپانياسى (LLP Ghalam) قۇراستىرعان. عىلىمي نانوسپۋتنيك جەردىڭ ماگنيتتىك اۋماعىن ولشەۋگە ارنالعان.
وڭتۇستىك امەريكا اۋماعىنىڭ ۇستىمەن ۇشىپ وتكەن KazSTSat ارگەنتينانىڭ وڭتۇستىگىندەگى ءىرى كەمەجاي - ريو-گراندە قالاسىن سۋرەتكە ءتۇسىرىپ العان.
You Might Also Like
-
لۋسيي اننەي سەنەكا — ريمدىك ءستويسيزمنىڭ (راسيوناليستىك فيلوسوفيالىق ءىلىم) وكىلى. ونىڭ ەڭبەكتەرى سان عاسىرلار بويى وقىلىپ كەلە جاتىر. ونى وقىعاندار بەكەرگە اۋرە بولىپ جاتقان جوق. كورنەكت...
