InfoHub Logo

سىنىپتان تىس ءىس - شارا: «ماتەماتيكا الەمىنە ساياحات»
ماقساتى:
1. ماتەماتيكا ساباعىندا العان ءبىلىمىن ومىردە پايدالانا ءبىلۋ.
2. تەز ويلاۋعا، شاپشاڭ ەسەپتەۋگە باۋلۋ، وي - ءورىسىن كەڭەيتۋ. ماتەماتيكا ءپانىن ۇيرەنۋگە دەگەن قىزىعۋشىلىعىن ارتتىرۋ.
3. وقۋشىلار اراسىندا ءوزارا كومەك ۇعىمىن، ۇجىمدىققا، ەپتىلىككە، دوستىققا تاربيەلەۋ.
كورنەكىلىگى: گەومەتريالىق فيگۋرالار، ناقىل سوزدەر، ساندار، تانگرام سۋرەتتەرى.

ساباقتىڭ بارىسى:
ءى. ۇيىمداستىرۋ كەزەڭى:
پسيحولوگيالىق دايىندىق.
ءمۇعالىم:
- قايىرلى كۇن قىمباتتى قوناقتار، ويىنعا قاتىسۋشىلار! سىزدەردى بۇگىن كورىپ وتىرعانىمىزعا وتە قۋانىشتىمىز. «ماتەماتيكا - ەلىنە ساياحات» ويىنىنا قوش كەلدىڭىزدەر. بۇگىنگى ويىن توپتىق سايىس تۇرىندە وتەدى.
ماتەماتيكا سىرلارى،
قىزىقتىردى بىزدەردى.
ويىنعا بىرگە قاتىسۋعا،
شاقىرامىز سىزدەردى -
ءبىزدىڭ بۇگىنگى ماقساتىمىز ماتەماتيكا ءپانىنىڭ وتە جاۋاپتى ەكەندىگىن بىلە وتىرا،
سانداردىڭ عاجايىپ الەمىنە ويشا ساياحات جاساپ، ونىڭ بايلىعىن كورە ءبىلۋ جانە مۇمكىندىگىنشە وقۋشىلاردى قىزىقتىرا ءبىلۋ.
(وقۋشىلاردى توپقا ءبولۋ، توپ اتتارىن انىقتاۋ)
- بۇگىنگى ويىنعا قاتىسۋشى توپتارمەن تانىستىرۋعا رۇقسات ەتىڭىزدەر.
«وندىقتار» توبى،«بىرلىكتەر» توبى،
«جۇزدىكتەر» توبى
- ال، توپ مۇشەلەرى دايىنسىڭدار ما؟
- ويىندى باستايىق!!!
1 - توپ «بىرلىكتەر»
ۇرانى: «بىلەكتى ءبىردى جىعادى
ءبىلىمدى مىڭدى جىعادى»
2 - توپ «وندىقتار»
ۇرانى: «وقى دا ءبىل
وينا دا كۇل»
3 - توپ:
«جۇزدىكتەر» توبى
«بىلەگىڭە سەنبە، بىلىمىڭە سەن».
ءمۇعالىم:
ال، كەلىڭدەر، كەلىڭدەر،
بىرىڭە – ءبىرىڭ ەرىڭدەر.
ءبىلىمىڭدى تەكسەرىپ،
سىنعا ءتۇسىپ كورىڭدەر.
بۇگىنگى ويىنىمىز 5 اينالىمنان تۇرادى. ءاربىر اينالىمنىڭ ۇپاي ساندارى ەسەپتەلەدى. ولاي بولسا الدىمەن بۇگىنگى سايىسىمىزدىڭ جوسپارىمەن تانىسايىق:
1 «ويلان، تاپ»
2 «ەسەپكە كىم جۇيرىك؟»
3 «بليس – تۋرنير»
4 جۇمباقتار
5 «كىم جىلدام؟»
6 لوگيكالىق تاپسىرما

قاتىسۋشىلارعا ساتتىلىك تىلەي وتىرىپ، سايىسىمىزدى باستايمىز.
ءى. «ويلان، تاپ» ماتەماتيكالىق جۇمباق ەسەپتەر بەرىلەدى.
«بىرلىكتەر» توبى
كولدەن ۇشقان 15 قاز
قايتىپ قوندى 9 قاز
قونبادى ونىڭ نەشەۋى
كانە، كىم تەز تابادى؟ (6)

بەس بۇتاقتى اعاشتا،
بۇتاق سايىن ءبىر الما
بىرەۋىن بەر ماراتقا
سوندا قالماق نەشە الما (4)
«وندىقتار» توبى
1. ءبىر - بىرىمەن جارىسقان
ءتورت ايۋ، ءبىر ارىستان.
ەكى قويان، ءبىر تۇلكى،
ءبارى نەشەۋ كىم ءبىلدى؟ (8)

2. ۇشەۋى قىزىل، ۇشەۋى اق
وڭ قولىمدا نەشە الما؟
تورتەۋى قىزىل، تورتەۋى اق
سول قولىمدا نەشە الما؟ (6 جانە 8)
«جۇزدىكتەر» توبى
1. تۇيە، بوتا ماڭ باسقان
ءتورت اياعىن تەڭ باسقان.
شۇناق قۇلاق بەس ەشكى
قوس لاقپەن قوس ەشكى.
ءتورت قوزىلى ەكى قوي
ءبارىن بىرگە ساناپ قوي. (17)

2. اۋلادا 3 ۇيرەك،
قورادا 1 ۇيرەك.
1 ۇيرەك تىعىلدى،
1 ۇيرەك جىعىلدى.
قالعانى نەشە ۇيرەك؟ (2)

ءىى. ومىردە ويلاپ تۇرساڭ، ءبارى دە - ەسەپ.
اۋىرساڭ، ىشەتۇعىن ءدارى دە - ەسەپ.
ەسەپسىز سۇرگەن ءومىر مازمۇنسىز اۋ،
دۇنيەنىڭ بار تۇلعاسى ەسەپ دەسەك - دەپ،
«ەسەپكە كىم جۇيرىك؟»سايىسىندا بەرىلگەن
ەسەپتەردى شىعارۋ كەرەك. ءۇش توپقا ءۇش بەتكە جازىلعان ەسەپتەر بەرىلەدى. ءار توپتان
5وقۋشى كەزەك شىعىپ ەسەپتەردى شىعارادى.
«ەسەپكە كىم جۇيرىك؟»
1. 80 - 29 □51 ------ 15+37□ 52 ------ 14+45 □ 59 ------ 66+5 3□119 -------- 19+43=62
2. 62+28 □ 90 ------ 41 - 19□ 22 ------ 38 - 19 □ 19 ------ 2 7+7 3□ 100 ------ 57 - 34=23
3. 28+37=65 -------- 46+14=60 -------- 55+28=83 --------- 51+29=80 ---------- 62+38=100

شىعىس قازاقستان وبلىسى،
كۋرچاتوۆ قالاسى،
باستاۋىش سىنىپ ءمۇعالىمى
لەيمەنوۆا مادينا ارينوۆنا

ماتەماتيكا الەمىنە ساياحات. جۇكتەۋ