InfoHub Logo

دايىنداپ وتكىزگەن 3 - كۋرس ستۋدەنتتەرى
كۇزەنباي ب.ع.، ەردەنوۆا ن.ە.
ادىسكەر قۇلپەيسوۆا ن.ە.
«ماتەماتيكادان سىنىپتان تىس جۇمىستاردىڭ تەحنولوگياسى» اتتى ماشىق كەزىندە ساران قالاسىنداعى ورتا جالپى ءبىلىم بەرەتىن №4 مەكتەپتىڭ 8 «ا» جانە 8 «ۆ» سىنىبى وقۋشىلارىمەن وتكىزگەن سىنىپتان تىس جۇمىس ءتۇرى
تاقىرىبى: “ماتەماتيكالىق ساندىق”
سىنىپتار: 8
ماقساتى:
بىلىمدىلىك: وقۋشىلارعا سىنىپتان تىس جۇمىس بارىسىندا ماتەماتيكا پاندەرىنەن العان بىلىمدەرىن جيناقتاۋ، تولىقتىرۋ؛
دامىتۋشىلىق: وقۋشىلاردىڭ ويلاۋ قابىلەتىن، سانا - سەزىمىن جان - جاقتى دامىتۋ، زەرەكتىلىگىن قالىپتاستىرۋ. بەلسەندىلىگى مەن قىزىعۋشىلىعىن ارتتىرۋ، تانىمدىق، شىعارماشىلىق ىزدەنىستەرىن ۇشتاۋ؛
تاربيەلىك: وقۋشىلاردى جاۋاپكەرشىلىككە، شاپشاڭدىققا، ۇقىپتىلىققا، تاتۋلىققا تاربيەلەي وتىرىپ، تاپقىرلىققا باۋلۋ.
ساباقتىڭ ءتۇرى: سىنىپتان تىس جۇمىس
كورنەكىلىكتەر: ينتەربەلسەندى تاقتا، بۇكتەمە قاعازدار،” ءبىلىمدى ازامات - ەل ەرتەڭى”، “ادامنىڭ داڭقى – ونىڭ ويلاۋ قابىلەتىندە”، “بىلەگىنە سەنبە – بىلىمىڭە سەن” جازۋلارى، ۇپاي پاراقتارى
ءوتىلۋ بارىسى.
باقىت: سالەمەتسىزدەر مە قۇرمەتتى ۇستازدار جانە وقۋشىلار!

نازەركە: قايىرلى كۇن قۇرمەتتى قوناقتار! «ماتەماتيكالىق ساندىق» اتتى كەشىمىزگە قوش كەلدىڭىزدەر.

باقىت: الەمدىك وركەنيەتكە ۇمتىلعان تاۋەلسىز ەلىمىزدىڭ باستى قۇندىلىعى – ءبىلىمدى ۇرپاق. ءبىلىمدى ازامات – ەل ەرتەڭى.
نازەركە: ءيا، ەلىمىزدىڭ كەمەل كەلەشەگى – ءبىزدىڭ قولىمىزدا. ال ءبىزدىڭ قازىرگى مىندەتىمىز - ءتۇرلى پاندەردى يگەرىپ، تەرەڭ ءبىلىم الۋ. ال سونىڭ ىشىندە عىلىمداردىڭ پاتشاسى سانالاتىن ماتەماتيكا ءپانىنىڭ مەن ءۇشىن دە، مەنىڭ دوستارىم ءۇشىن دە الاتىن ورىن ەرەكشە. ءال - فارابي بابامىز ايتقانداي ماتەماتيكا باسقا عىلىمداردان جوعارى باعالانادى، ۇلى لومونوسوۆ
سوزىنشە ماتەماتيكا اقىل – ويدى تارتىپكە كەلتىرەدى، سوندىقتان ونى وقۋ كەرەك.
باقىت: بۇگىن ءبىزدىڭ كەشىمىزدە 8 “ا” جانە8 ″ۆ” سىنىپ وقۋشىلارى وزدەرىنىڭ ماتەماتيكا ءپانى بويىنشا بىلىمدەرىن كورسەتىپ، سىنعا تۇسپەكشى.
نازەركە:
كوڭىلدى تاپقىرلار، بىلگىرلەر
بار ءبىلىمىن الدارىڭا سالادى
كىم ءبىلىمدى، كوپ وقىعان بولسا، ەگەر
بۇگىنگى كۇن جەڭىمپازى بولادى.
ومىردە ويلاپ تۇرسا ءبارى دە ەسەپ
اۋىرساڭ ىشەر – تۇعىن ءدارى دە ەسەپ
ەسەپسىز سۇرگەن ءومىر مازمۇنسىز – اۋ
دۇنيەنىڭ بار تۇلعاسى ەسەپ دەسەك.
باقىت:
“تورىمىزدە وتىرار
ءادىلقازى القاسى.
سىزدەردەن ءادىل شەشىمدى
كۇتەدى بۇگىن بارشاسى.” دەپ ءبىز ءادىل مۇشەلەرىن انىقتاپ الىپ، سايىسىمىزدى رەتىمەن تانىستىرىپ وتسەك.
ءادىلقازى مۇشەلەرى:
--------------------------------------------
نازەركە: سايىس كەزەڭدەرى:
1) تانىستىرۋ.
2) ءۇي تاپسىرماسى؛
3) ماتەماتيكالىق لوتو؛
4) سيقىرلى تاياقشالار؛
5) ءبارى ءبىر ارىپتەن؛
6) جالعاسىن تاپ؛
7) سيقىرلى ارىپتەر؛
8) ەسەپشى دۇرىس بولسا، ەسەپ بۇرىس بولماس؛
9) فورمۋلانى بىلەسىڭ بە؟
10) قورىتىندى.

باقىت: ال، ەندى ب ا ق پەن باپ سىنالار بۇل جارىسقا قاتىسىپ وتىرعان وقۋشىلارعا ءسات ساپار تىلەي وتىرىپ، سايىسىمىزدى باستايمىز.

نازەركە: مەيىرىمدى جۇرەكپەن،
اق پەيىلدى تىلەكپەن،
امانداسىپ الايىق،
ءبىر جادىراپ قالايىق - دەپ سايىسقا قاتىسۋشى توپتارمەن تانىس بولايىق. كەزەكتى تانىستىرۋعا بەرسەك.

ءى كەزەڭ: تانىستىرۋ:

8 “ا” سىنىپ:
“..................................” توبى
ۇرانى:
سالەمدەسۋى:
8 “ۆ” سىنىپ
“.................................” توبى
ۇرانى:
سالەمدەسۋى:

ءىى كەزەڭ: ءۇي تاپسىرماسى.
باقىت: ءبىز ەكى توپقا دا الدىن - الا ءۇي تاپسىرماسىن بەرگەن بولاتىنبىز. ءۇي تاپسىرماسىنىڭ شارتى ءار توپ ماتەماتيكا عالىمدارىنا بايلانىستى ءبىر قابىرعا گازەتىن شىعارىپ، سونى قورعاپ، تالداۋعا ءتيىس ەدى. ەندى توپ جەتەكشىلەرىن ورتاعا شاقىرايىق.
(توپ جەتەكشىلەرى ورتاعا شىعىپ ءوز قابىرعا گازەتتەرىن قورعايدى، جەرەبە ارقىلى قاي توپ ءبىرىنشى باستايتىنىن انىقتايمىز)

ءىىى كەزەڭ «ماتەماتيكالىق لوتو» ويىنى.
نازەركە: مۇندا 12 كارتوچكا دايىندالادى. ءار توپقا 6 كارتوچكادان. وسى 12 كارتوچكانىڭ سىرتىنا ءبىر تۇتاس ءبىر سۋرەت سالىنادى. توپتىڭ جەتەكشىسى كارتوچكالاردىڭ بىرەۋىن الىپ ءوز توبىنا وقيدى. توپ وقۋشىلارى تاپسىرمانى ورىنداپ، ءبىر وقۋشى جاۋاپتار تابلوسىنان جاۋاپ تاۋىپ، جاۋابى جازىلعان تورعا كارتوچكانى بەتتەستىرىپ جاپسىرادى. وسىلايشا جاۋاپتار تابلوسى ءتيىستى كارتوچكالارمەن جابىلعان كەزدە تابلو بەتىندە كارتوچكا سىرتىنداعى سىزىقتاردان ءبىر سۋرەت قۇراستىرىلادى.
1. شەڭبەرمەن ءبىر عانا ورتاق نۇكتەسى بار ءتۇزۋ (جاناما)
2. ءبىر نۇكتەدەن تارالعان، ەكى ساۋلەدەن قۇرالعان فيگۋرا. (بۇرىش)