مەكتەپ الەمىن وزگەرتەتىن - ۇستازدار: ەلوردادا حالىقارالىق كونفەرەنسيا باستالدى
ەلوردادا مىڭنان استام پەداگوگتىڭ قاتىسۋىمەن ءحى حالىقارالىق عىلىمي-تاجىريبەلىك كونفەرەنسيا ءوتىپ جاتىر.
«جىل سايىن وتەتىن بۇل كونفەرەنسيانى نۇر-سۇلتان قالاسى اكىمدىگى مەن «نازاربايەۆ زياتكەرلىك مەكتەپتەرى» دەربەس ءبىلىم بەرۋ ۇيىمى بىرلەسە ۇيىمداستىرۋدا. كونفەرەنسيانىڭ «مەكتەپ الەمىن وزگەرتەتىن - ۇستازدار» دەپ اتالۋ سەبەبى - بيىل مەملەكەت تاراپىنان ۇستاز مارتەبەسىنە ۇلكەن كوڭىل ءبولىنىپ وتىر»، - دەدى كونفەرەنسيانىڭ اشىلۋ سالتاناتىندا ءسوز سويلەگەن نۇر-سۇلتان قالاسى اكىمى التاي كولگىنوۆ.
ول ەلباسى نۇرسۇلتان نازاربايەۆتىڭ تاپسىرماسىنا سايكەس، ەلىمىزدە العاش رەت پەداگوگ مارتەبەسى تۋرالى زاڭ جوباسى ازىرلەنىپ جاتقانىن دا اتاپ ءوتتى.
«بۇل شەشىمدى قوعام بولىپ قۇپتاپ وتىرمىز. ءمۇعالىمدى قولداۋ - بولاشاعىمىزدى قولداۋ. مەملەكەت باسشىسى قاسىم-جومارت توقايەۆ بيىل مۇعالىمدەردىڭ قاتىسۋىمەن وتكەن تامىز كەڭەسىندە مەملەكەتتىڭ ءبىلىم سالاسىنا ەرەكشە دەن قويىپ، كوڭىل اۋداراتىنىن كورسەتتى. ءمۇعالىم جالاقىسىنان باستاپ ماتەريالدىق-تەحنيكالىق بازا مەن جاڭا مەكتەپتەر سالۋعا قاتىستى ۇلكەن جوبالار ىسكە اسۋدا»، - دەدى ەلوردا اكىمى.
كونفەرەنسياعا ەلىمىزدىڭ ءار وڭىرىنەن كەلگەن مۇعالىمدەر، عالىمدار، ءبىلىم مەكەمەلەرىنىڭ باسشىلارى، سونداي-اق اقش، ۇلىبريتانيا، يزرايل، نورۆەگيا، فرانسيا، يسپانيا، رەسەي، تۇركيا، جالپى العاندا 17 مەملەكەتتىڭ وكىلدەرى قاتىسۋدا.
You Might Also Like
-
مەكتەپ –ءومىر، ىزگىلىككە باستايتىن،
-
ءومىردىڭ ارتقان جۇگىنە، مويىماپسىڭ دا سىنباپسىڭ. ۇڭىلەم جۇرەك تۇبىنە، شەشۋىن ىزدەپ جۇمباقتىڭ.
