InfoHub Logo

مەكتەپ –ءومىر، ىزگىلىككە باستايتىن،

بىلىم-تەمىر، مىڭ جىلدا توت باسپايتىن.

جان دۇنيەڭە جيھاز جاساپ جينايتىن،

ۇستاز-ۇستا، سوم تەمىردى جاسقايتىن.

ءبىر قىزىعى، وسى دۇنيەدەن حابارسىز جاڭا تۋعان سابيدەن وسە كەلە، بۇكىل الەمدى اۋزىنا قاراتقان دانا دا، ۇلى ويشىل دا شىعادى. وزىنە اقىل تولىستىرىپ، ءبىلىمىن شىڭداۋدا ول ءبىر ادامعا ەرەكشە قارىزدار ەكەنىن ۇمىتپايدى. ول كىم؟ ارينە، ول-ۇستاز.ءۇستاز-وز بىلگەنىن وزگەلەرگە ۇيرەتۋدەن ەش جالىقپايتىن،شاكىرتىن ومىرگە باۋلۋشى، وعان ومىرلىك ازىق بولارلىق پايدالى ءبىلىم مەن جانىنا ىزگىلىكتىڭ ءنارىن ەگۋشى، قارا مەن اقتى، جاقسى مەن جاماندى، وبال مەن ساۋاپتى ۇيرەتىپ، ادامگەرشىلىك قاسيەتتەردى ءسىڭىرۋشى، ءوزىنىڭ تاجىريبەسىمەن بولىسەتىن ادال جاناشىرى، ءارى اقىلشىسى. جالپى ايتقاندا، بۇگىنگى قوعامدى العا سۇيرەيتىن وزىق ويلى شاكىرت تاربيەلەۋشى، ءوز ۋاقىتىن اياماي، وزگەنىڭ باقىتىن ايالاۋشى تۇلعا.ۇستاز –ءپاندى ۇيرەتۋمەن عانا شەكتەلمەي، شاكىرتتەرىنە ومىرلەرىنە دۇرىس اقىل-كەڭەس  بەرىپ،ادامگەرشىلىك پەن مەيىرىمدىلىككە، يماندىلىققا قاتار باۋلىعان، ءجۇرىس-تۇرىسى،مىنەزىمەن جاقسى ۇلگى-ونەگەسىن كورسەتكەن.

وقۋ، ءبىلىم، عىلىم، مادەنيەت، ادەپ، تاربيە-بارىن ۇستازدان ۇيرەنگەن شاكىرت ۇستازدى ءوز اتا-اناسىنان  كەم كورمەگەن.ۇستازدىڭ العىسىن الماسا، العان ءىلىمنىڭ بەرەكەسىن كورە المايتىندىعىنا سەنگەن.

مەكتەپ-اناڭ،مەيىرلەنە سۇيەتىن،

ساعان ارنار اق تىلەگىن، نيەتىن.

تەك سوعان ءىي، مىناۋ كوركەم تىرلىكتە،

كەزى كەلسە، ءور باسىڭدى يەتىن.

ارينە، ۇستاز جۇگى – اۋىر جۇك. ۇستازداردىڭ اسەرلى ۇنمەن، اسىقپاي مانەرلەپ سويلەگەن سوزىنەن ءاربىر وقۋشىعا دەگەن قامقورلىقتىڭ، انالىق، اكەلىك سەزىمنىڭ دانا ويدىڭ ىستىق لەبى ەسىپ تۇراتىنى انىق. حالقىمىزدىڭ ۇلى باتىرى باۋىرجان مومىش ۇلى “ۇستازدىق - ۇلى قۇرمەت. سەبەبى، ۇرپاقتاردى ۇستاز تاربيەلەيدى. بولاشاقتىڭ باسشىسىن دا، داناسىن دا، عالىمىن دا، ەڭبەكقور ەگىنشىسىن دە، كەنشىسىن دە ۇستاز وسىرەدى... ومىرگە ۇرپاق بەرگەن انالاردى قانداي ارداقتاساق، سول ۇرپاقتى تاربيەلەيتىن ۇستازداردى دا سونداي ارداقتاۋعا مىندەتتىمىز” دەگەن.

بالا بويىنا اتا-انادان كەيىنگى اقىل-وي، ادامگەرشىلىك، ادەپتىلىك، ار-ۇيات، ۇلتتىق سانا-سەزىمدى ءسىڭىرۋشى ادام – ءمۇعالىم.ۇستاز دا ديقان سياقتى. ول ءار ادامنىڭ جانىنا ءبىلىم ءدانىن سەبەدى. ءار شاكىرتىن ايالاپ ءوسىرىپ، ءومىر اتتى شەكسىز عالامعا توپشىسىن قاتايتىپ ۇشىرادى. دالىرەك ايتساق، ادامدى ءومىر سۇرۋگە، قيىندىققا توتەپ بەرە بىلۋگە  تاربيەلەيدى. سول ءۇشىن بويىنداعى اسىل قاسيەتتەرىن شاكىرتتەرىنە ءسىڭىرىپ، تەر توگەدى. «ۇستازى مەيىرلى بولسا، شاكىرتى پەيىلدى بولار» دەگەن اتالى ءسوزدىڭ ءسوزى ۇستاز بەن شاكىرتتىڭ اراسىنداعى سۇيىسپەنشىلىكتى كورسەتەدى.

ەلباسى ن.ءا.نازاربايەۆتىڭ   «ەلىمىزدىڭ ەرتەڭى-جاس ۇرپاقتىڭ قولىندا،جاس ۇرپاقتىڭ تاعدىرى- ۇستازدىڭ قولىندا» دەگەن ۇلاعاتتى ءسوزىنىڭ استارىندا  سالماقتى وي جاتىر ەمەس پە؟!  پەداگوگ   مارتەبەسىن   كوتەرۋ-  جاڭاشىل پەداگوگتى  قالىپتاستىرۋدىڭ جارقىن  جولى .سەبەبى، جاس ۇرپاققا ءبىلىم بەرەتىن ءاربىر پەداگوگ اسقان تالعامپازدىقپەن، شىعارماشىلىقپەن، ىزدەنىمپازدىقپەن  جۇمىس جاساسا، ودان اسقان باقىت بار ما! مارتەبەلى ءمۇعالىم بەينەسىن  كورۋ، وعان تالاپ قويۋ، مەكتەپتەگى باسشى تالابىنىڭ ءبىر فورماسى بولۋى ءتيىس. مەكتەپكە كەلەتىن ءاربىر مامانعا  تالاپ قويۋ، ماماندىعى اياسىندا كونكۋرس  ۇيىمداستىرۋ، مەكتەپتىڭ قامقورشىلىق كەڭەستەرى مەن ءبىلىم ءبولىمىنىڭ ماماندارىمەن بىرلەسىپ ناقتى جۇمىس جاساۋ ارقىلى جۇمىسقا قابىلداۋ قاجەت.سوندا عانا پەداگوگ مارتەبەسىنىڭ جارقىن ۇلگىسىن كورە الامىز دەپ ويلايمىن.

جاڭاشىلدىق ەسىلەدى ىسىنەن،

پەداگوگتار قاي ىستە دە كوسىلگەن.

رۋحاني ازىق سىيلار ۇرپاققا،

پەداگوگتار جاساي بەرسىن ىسىمەن.

«ادامداردىڭ ەڭ جاقسىسى-باسقالارعا پايداسى تيگەنى» دەگەندەي ەرتەڭگى ءومىردىڭ نۇرلى، باياندى دا باقىتتى بولۋىن قالاعان ءاربىر پەندە ۇستازعا قۇرمەتپەن قاراۋدى، وعان قۇرمەت كورسەتۋدى وزىنە قاستەرلى بورىش دەپ ەسەپتەۋى ءتيىس.

ەسەنبايەۆا باگيلا اۋەزحانوۆنا

---