مەكتەپتەردەگى جاڭا باعدارلاما وقۋ ۇلگەرىمىن 2 ەسە ارتتىرادى - بعم
ق ر ءبىلىم جانە عىلىم ۆيسە-مينيسترى اسحات ايماعامبەتوۆ جالپى مەكتەپتە قانداي باعدارلامالار ەنگىزىلىپ جاتقانىن ءتۇسىندىردى.
«ءاردايىم نازاربايەۆ زياتكەرلىك مەكتەبى باعدارلاماسىنا قاتىستى توقتالعاندا، ادامدار ول جەردە دارىندى بالالار وقيتىنىن جانە وسى باعدارلامانى جالپى مەكتەپتەرگە ەنگىزۋدىڭ قاجەتى قانشا ەكەنىن ايتادى. بۇل تۇرعىدا ايتارىم، نازاربايەۆ زياتكەرلىك مەكتەپتەرى باعدارلاماسى جاڭارتىلعان مازمۇن اياسىندا ءدال سول قالپىندا جالپى ءبىلىم بەرەتىن مەكتەپتەرگە ەنگىزىلمەيدى. ياعني ءبىزدىڭ مەكتەپتەرگە نازاربايەۆ زياتكەرلىك وقۋ ورىندارى تاجىريبەسى مەن ۇستانىمدارى بويىنشا بەيىمدەلگەن باعدارلامالار ەنگىزىلۋدە»، - دەپ توقتالدى ايماعامبەتوۆ.
وسى ورايدا ول جاڭا باعدارلامانى ەنگىزۋدىڭ الدىندا ولار 30 قاناتقاقتى مەكتەپتە اپروباسيادان وتكەنىن، سونىمەن قاتار 16 باقىلاۋ مەكتەپتەرى بولعانىن ەسكە سالىپ ءوتتى. جۇرگىزىلگەن مونيتورينگ ناتيجەسىندە، جاڭارتىلعان مازمۇن اياسىنداعى باعدارلامالار وقۋ ۇلگەرىمىن ەكى ەسەگە ارتتىرۋعا ىقپال ەتەتىندىگى انىقتالدى. قاناتقاقتى مەكتەپتەر اراسىندا اۋىلدىق ءارى قالالىق ءبىلىم وردالارى بولدى.
ۆيسە-مينيستردىڭ سوزىنە قاراعاندا، قازىرگى كەزدە مەكتەپتەردىڭ 70 پايىزعا جۋىعى جاڭا تۇرلەنگەن كابينەتتەرمەن قامتاماسىز ەتىلدى. بىرنەشە جىل بويى وسىنداي كابينەتتەرمەن ءارى جابدىقتارمەن قامتۋ ءۇشىن ماقساتتى ترانسفەرتتەر بولىنۋدە.
ونىڭ اتاپ وتۋىنشە، مۇعالىمدەردىڭ بىلىكتىلىگىن ارتتىرۋ قادامدارى دا وزگەردى. وسى ورايدا ولار كۋرستاردى جاڭارتىلعان مازمۇنمەن ءوتىپ جاتىر.
قازاقپارات
You Might Also Like
-
"قاراكەمەر كاسىپتىك كوللەدجى" مكقك 09-ەد توبىنىڭ ستۋدەنتى: جۇرتباي جاناربەك ماتەماتيكا ءپانىنىڭ وقىتۋشىسى: كوشمۋراتوۆا امانگۋل كاليبايەۆنا
-
بۇگىندە كاسىبي جانە اۋەسقوي سپورتشىلار اراسىندا تانىمال پرەپاراتتاردىڭ ءبىرى بولىپ تابىلاتىن BCAA ساراپشىلار تاراپىنان ايتارلىقتاي سىنعا ۇشىراپ جاتىر.
