ساراپشى ماماندار سپورتشىلار ءۇشىن BCAA قاجەتتىلىگىن جوققا شىعاردى
بۇگىندە كاسىبي جانە اۋەسقوي سپورتشىلار اراسىندا تانىمال پرەپاراتتاردىڭ ءبىرى بولىپ تابىلاتىن BCAA ساراپشىلار تاراپىنان ايتارلىقتاي سىنعا ۇشىراپ جاتىر.
BCAA دەگەنىمىز نە؟
BCAA (ءبۇيىر بۇلشىقەتتەرىن كۇشەيتەتىن امين قىشقىلى) – كاسىبيلەر، ونىڭ ىشىندە بوديبيلدەرلەر اراسىندا ءجيى قولدانىلاتىن سپورتتىق ازىقتىق قوسپا.
فيتنەس-يندۋسترياسى قاتارداعى تۇتىنۋشىلار ءۇشىن BCAA قوسپاسىن جاقسى ساۋدالاپ كەلدى. سپورتزالدارعا ءجيى باراتىندار امين قىشقىلى ءمىنسىز دەنە ءمۇسىنىن ساقتاۋ ءۇشىن قاجەتتى قۇرالداردىڭ ءبىرى دەپ ءبىلدى. الايدا ساراپشى مامانداردىڭ پىكىرى باسقا. ولاردىڭ سوزىنە قاراعاندا، BCAA پايدالانۋ اقشانى بوسقا شاشقانمەن بىردەي.
BCAA كوپشىلىك جاعدايلاردا سۋعا ارالاستىرىپ ىشۋگە ىڭعايلى ەتىپ، ۇنتاق تۇرىندە شىعارىلادى. ول پايدالانار الدىندا سۋعا ەرىتىلەدى. سپورتزالدارعا ءجيى باراتىن ادامداردىڭ اراسىنان جاتتىعۋ كەزىندە نەمەسە جاتتىعۋدان كەيىن جارتىلاي ءمولدىر سۇيىقتىقتاردى ءىشىپ تۇرعانىن ءجيى بايقايمىز. ولاردىڭ پىكىرىنشە، وسى امين قىشقىلدارى بۇلشىقەت ماسساسىن ۇلعايتۋعا جانە بۇلشىقەرتتەردىڭ سىمباتتانا ءتۇسۋى ءۇشىن قاجەت بولاتىن اقۋىز سينتەزدەرىن بەلسەندى ەتەدى.
BCAA قۇرامىندا الماستىرىلمايتىن توعىز امين قىشقىلىنىڭ ۇشەۋى بار، ولار لەيسين، يزولەيسين جانە ۆالين. ولاردىڭ ۇلەسىندە بۇلشىقەت اقۋىزدارىنداعى امين قىشقىلدارىنىڭ شامامەن 35%-ى بار.
«اقۋىزدىڭ ءوزى شامامەن 20–22 امين قىشقىلدارىنان تۇرادى. ولاردىڭ توعىزى الماستىرىلمايتىن تۇرلەرىنە جاتادى، ياعني ولار ادام اعزاسىندا سينتەزدەلمەيدى. سوندىقتان دا ونىڭ اعزاعا سىرتتان كەلۋى قاجەت» ، – دەپ ءتۇسىندىردى MyProtei كومپانياسىنىڭ ديەتولوگى دجەنني بلوۋ.
ساراپشىنىڭ پىكىرىنشە، BCAA بۇلشىقەت ماسسالارىن وسىرۋگە نەمەسە ونى ۇستاپ تۇرۋ ءۇشىن، سونداي-اق ولار پروتەين كوكتەيلدەرگە قاراعاندار پايدالى. ايتالىق ونىڭ قۇرامىندا كومىرسۋتەكتەر نەمەسە مايلار جوق. بۇل ارىقتاعىسى كەلىپ جۇرگەندەر ءۇشىن تاپتىرماس قۇرال.
«ەگەر سىزگە ارتىق سالماقتان ارىلۋ جانە بۇلشىقەتتەر كولەمىن ۇلعايتۋ كەرەك بولىپ BCAA كومەگىنە جۇگىنسەڭىز، وندا ءسىز ارتىق قۇنارلى زارتتارى جوق الماستىرىلمايتىن امين قىشقىلدارىن ءوزىڭىزدىڭ اعزاڭىزعا قابىلداي الاسىز»،- دەيدى ماماندار.
الايدا كەيبىر ساراپشىلار BCAA-دا قۇنارلىلىق جوق دەگەن ءسوزدى جالعان دەپ ەسەپتەيدى. ولار BCAA-نىڭ گراممىندا التى كيلوكالوريا بار، ال جالپى سارىسۋ پروتەيننىڭ گراممىندا ءتورت ككال بار ەكەنى انىقتالعان. BCAA باستى ارتىقشىلىعى بولىپ ونىڭ قۇرامىنىڭ لەيسين، يزولەيسين جانە ۆالين سياقتى امين قىشقىلدارىنا باي بولۋى. ءسميتتىڭ ايتۋىنا قاراعاندا، BCAA-نىڭ ستاندارتتى مولشەرىن (10 گ) قاراپايىم سارىسۋمەن (15 گ) الماستىرۋعا بولادى جانە ول الدەقايدا ارزانىراق شىعادى.
«BCAA سارىسۋ سياقتى جۇمىستى اتقارادى، الايدا ونىڭ باعاسى قىمبات»، – دەپ ءتۇسىندىردى دەربەس جاتتىقتىرۋشى گارري سميت.
اتالعان برەندىك تاۋارعا ۇلەستەس بولىپ تابىلمايتىن جاتتىقتىرۋشىلار مەن ديەتولوگتار وزدەرىنىڭ كليەنتتەرىنە BCAA قابىلداۋعا كەڭەس بەرمەيدى. ونىڭ ۇستىنە، مۇنداي سپورتتىق تاعامدىق قوسپانى ەۋروپالىق وداق رەسمي تۇردە قابىلداعان جوق. سوندىقتان دا قازىرگى كەزدە ونىڭ ادام دەنساۋلىعىنا وڭ اسەرى تۋرالى ناقتى دالەلدەر جوق.
گارري ءسميتتىڭ پىكىرىنشە، BCAA قوسپاسىن پايدالانۋ – بۇل اقشانى جەلگە شاشۋمەن بىردەي.
«جۇرگىزىلگەن 13 زەرتتەۋدىڭ توعىزى BCAA-نىڭ ادام اعزاسىنا قاندايدا ءبىر وڭ ىقپال جاسامايتىندىعىعى كورسەتتى»، - دەيدى.
سونداي-اق سميت انورەكسيامەن اۋىرعان ادامداردا تابەتتى ىنتالاندىرۋ قۇرالى رەتىندە پايدالاناتىندىعىن، سوندىقتان ول فيتنەس-ماقساتقا قولجەتكىزۋگە كەدەرگى كەلتىرەتىندىگىن العا تارتادى.
Harley Street ديەتولوگى رياننون لامبەرت BCAA پايدالى ەكەندىگى تۋرالى عىلىمي دالەلدەردىڭ جوق ەكەندىگىن، سونىمەن قاتار ماماندار ونى شەكتەن تىس پايدالانۋ باسقا امين قىشقىلدارىنىڭ سىڭىرىمدىلىگىن تومەندەتۋگە الىپ كەلۋى مۇمكىن ەكەندىگىن ەسكەرتەدى.
دەرەككوزى: independent.co.uk
You Might Also Like
-
ق ر ءبىلىم جانە عىلىم ۆيسە-مينيسترى اسحات ايماعامبەتوۆ جالپى مەكتەپتە قانداي باعدارلامالار ەنگىزىلىپ جاتقانىن ءتۇسىندىردى.
-
ماركەتولوگتار العىڭىز كەلمەگەن زاتقا اقشاڭىزدى شىعارۋ ءۇشىن وسى ايلالاردى قولدانادى.
