InfoHub Logo

مەن – قازاقپىن مىڭ ءولىپ، مىڭ تىرىلگەن.

جورگەگىمدە تانىستىم مۇڭ تىلىمەن

جىلاعاندا جۇرەگىم، كۇن تۇتىلىپ،

قۋانعاندا كۇلكىمنەن ءتۇن تۇرىلگەن، - دەپ، جۇبان مولداعالييەۆ اتامىز جىرلاپ باستاعانداي، بۇل پوەمانىڭ ماعىناسىن اشۋعا ءبىراز تالپىندىم. “مەن قازاقپىن” دەپ، اتى ايتىلىپ تۇرعانداي، بۇل جىر قازاق حالقىنا ارنالعان. ءبىزدىڭ قازاق حالقى قانداي جاعداي بولسا دا، ەشقاشان ەكى ورتادا قالدىرماعان. ءارقاشان نامىس ءۇشىن، جەر ءۇشىن، كوك تۋىمىزدى ساقتاۋ ءۇشىن “مەن قازاقپىن” دەپ سوڭىنا دەيىن كۇرەسكەن. 

جۇبان مولداعالييەۆ جىرلاپ وتكەن: “پاك ءسابيمىن بەسىكتە ۋىلدەگەن،

داۋىرلەرمەن قۇرداسپىن، دانامىن مەن.” دەمەكشى، بۇل جىر-شۋماعىندا اقىن ءوزىنىڭ ەلى ءۇشىن نامىسىن كورسەتىپ، ايقىن دالەلمەن كورسەتىپ تۇر. 

ءبىزدىڭ ەل انا ءتىلىن قاستەرلەگەن، ءوزىنىڭ بويىنا ماقتانىشپەن مەڭگەرگەن حالىق. سايراي قالسا، تىلدەرىنەن بال تامعان، بالتا جۇزدەرى قاس باتىرمەن قايراسقان بۇل دا ءبىزدىڭ قازاق حالقىمىز. 

ءبىزدىڭ قازاق ەلى رۋلاردان قۇرالعان. دەسە دە ەشكىم رۋعا ءبولىنىپ، ءبىر-بىرىن جەر قىلماعان. اتا-بابامىزدان كەلە جاتقان سالت-داستۇرلەرىمىز ەش ۇمىتىلماي، ءالى كۇنگە شەيىن قاستەرلەپ كەلەدى. وسى كۇنگە جەتۋىمىزدىڭ ءوزى اتا-بابالارىمىزدىڭ ارقاسى دەپ بىلەمىن. سەبەبى، ولار كەلەشەك ۇرپاق ءۇشىن، جەرىمىزدى قورعاۋ ءۇشىن سوعىستان دا قاشپاعان. 

شىڭعىس حان جانە ودان جالعاسقان ۇرپاقتارى دا وسى كۇنگە دەيىن ەلىمىز ءۇشىن كۇرەسىپ كەلەدى. جالعىز جەردى باسىپ كىرگەندەرى ءۇشىن عانا ەمەس، انا ءتىلىمىزدى قور قىلعاندارعا سەس كورسەتىپ، ءتىلىمىز ءۇشىن دە سوعىساتىن. مىنە، وسى كۇننەن بۇگىنگى كۇنگە دەيىن قازاقتى ەشكىم قور قىلماي، سىيلاسىپ كەلەدى. 

ءبىزدىڭ ەل تاۋەلسىزدىك العان كۇننەن باستاپ قاي ەل بولماسىن، سىيلاستىقپەن قارايمىز. ولار دا ءبىزدىڭ ەلىمىزدى، جەرىمىزدى جانە دە سويلەپ جاتقان انا ءتىلىمىزدى سىيلاپ، قۇرمەتتەپ كەلەدى.

قورىتىندىلاي كەلسەك، جۇبان مولداعالييەۆتىڭ “مەن قازاقپىن” اتتى جىرىن ەشكىم وقىمادى ەمەس، ەشكىم تىڭدامادى ەمەس، بۇگىنگى كۇنىمىزگە دەيىن ءبارى وقىپ، تىڭداپ كەلەدى. ءتىپتى، قازىرگى ەر-ازاماتتارىمىز وسى جىردى مانەرلەپ، كوپتەگەن جەلىلەردە وقىپ، جىرلاپ جاتادى. ەگەر دە، بۇل جىر بولماسا، قازىرگى سانالى ۇرپاق قانداي بولار ەكەن، ءتىپتى، ەلەستەتە المايمىن. جۇبان مولداعالييەۆ اتامىزدىڭ ارقاسىندا قازاق دالاسى، قازاق حالقىنىڭ قانداي ەكەنىنەن كوزىمىزدى اشتىق. ءتىپتى، كوك تۋىمىزدىڭ قاسيەتى جايىندا، قازاق حالقىمىزدىڭ نامىسى جايىندا ناقتىلاپ تۇسىرگەن. كوپ بىلمەيتىن سىر، قۇپيالارىمىز وسى جىردا نىق جازىلعان دەپ ويلايمىن. 

بۇل جىردى ەستىمەگەن ادام جوق. كەلەشەك ۇرپاققا بۇل ۇلگى بولىپ وتەر، ءالى دە ۇمىتىلماي ەستە قالادى دەپ سەنەمىن.

امانگالييەۆا ديلناز ورىنگالييەۆنا 1 كۋرس ستۋدەنتى

---