مەن سەنى ساعىنعاندا،
قاراماي جاۋىندارعا، داۋىلدارگا،
قارسى قاراپ جۇزەمىن اعىندارعا،
كەۋدەمدە قيمىلداعان جانىم باردا،
مەن سەنى ساعىنعاندا،
ءبىر مينۋت تا قاقىم جوق دامىلدارعا.
مەن سەنى قىزعانامىن،
قىزعانىشتان مۇز شايناپ،
تۇز جالادىم.
شاڭقىلداپ الدىمنان شىق،
انا-قىران،
الىستان كەلەدى ۇشىپ مۇزبالاعىڭ.
تاكاپپار ەڭ، ورلىككە بولا تۋعان،
جەت تەزدەپ،
داۋىل تۇرعىز قاناتىڭنان.
سەن - مەندىك، مەن - سەندىكپىن، انا-قىران،
قىرانبىز، قىرانداردان جاراتىلعان!
ساعىنىشتىڭ ساعىمىن جامىلعاندا،
قاراماي قارا نوسەر قاعىنعانعا،
ساعان ۇشام،
قالمايدى سابىر جاندا،
مەن سەنى ساعىنعاندا، ساعىنعاندا...

---