مەن ۇلگى تۇتقان جان.ول كىم؟
تالاي قيىندىقتى باستان كەشىپ،ەل تاعدىرى قىل ۇستىندە تۇرعاندا جانىن اياماي جاۋعا قارسى تۇرعان،بەيبىت كۇندەرى تۋعان جەردىڭ كوركەيىپ،قانات جايۋىنا ءوز ۇلەسىن قوسقان،بۇگىنگى تاڭدا مايدانگەرلەر اتانىپ وتىرعان قازالىلىق ازاماتتارىمىز از ەمەس.ونىڭ كوبى و دۇنيەلىك بولىپ وسى قىزىقتى دا جارقىن كۇندەردى كورە الماي كەتتى.قالعانى ساۋساقتىڭ سانىنا دا جەتپەيدى.
سولاردىڭ ىشىندە XXعاسىردىڭ الاپات سوعىسى ەكىنشى دۇنيەجۇزىلىك سوعىستىڭ ءبىر بولىگى سانالاتىن ۇلى وتان سوعىسىنا قاتىسىپ،ەر ەتىگىمەن سۋ كەشىپ،جەڭىستى سىيلاعان جانداردىڭ بىرى-مەنىڭ اتام،ۇلى وتان سوعىسىنىڭ ارداگەرى ابدىرەي ءابىش ۇلى بولاتىن.
مەنىڭ اتام 1941 جىلى 21 جاسىندا مايدانعا اتتانعان.102اتقىشتار ديۆيزياسى قاتارىندا شايقاسقان.شايقاس كەزىندە اياعىنان جارالانعان.سونىمەن قاتار اياعى ۇسىككە دە شالدىققان."ەر شەكىسپەي بەكىسپەيدى" دەمەكشى،مەنىڭ اتام جازىلىپ شىعىسىمەن مايدانعا قايتا اتتانادى.ال 1945جىلى 2مامىردا جەڭىس تۋىن تىگىپ،ەلىنە،حالقىنا ماڭگىلىك قۋانىش سىيلاعانداردىڭ قاتارىندا بولدى.
اۋىز تولتىرىپ ايتار ەرلىگى بار،مەن ءۇشىن ۇلگى تۇتارلىق الىپ تۇلعا سانالاتىن،وسى اشىق اسپان استىندا ءومىر ءسۇرۋىمىز ءۇشىن ۇلەسىن قوسقان اتامنىڭ ەرلىگى ەسكەرۋسىز قالماسىن دەپ وسى ءبىر ۇزىك سىرىمدى قاعازعا ءتۇسىرۋدى ءجون كوردىم.
مەنىڭ اتام ابدىرەي ابىشۇلى-مەن ءۇشىن ۇلگى تۇتارلىق تۇلعا.اتام ۇلگى بولارلىق ىستەرىمەن ماعان عانا اتا ەمەس،قازالىنىڭ ءاربىر جانى ەسكەرىپ،ەسىمىن جۇرەگىندە ساقتاپ،جاساعان ەرلىك ىستەرىن ماقتانىشپەن ايتا الاتىنداي بولسا دەيمىن.اتامنىڭ ەسىمىنە ءوز تۋعان جەرىندەگى كوشە اتاۋى بەرىلسە دەپ ويلايمىن.
You Might Also Like
-
بۇگىنگىدەي جاھاندانۋ زامانىندا ءبىلىم مەن عىلىم قاشاندا ءبىرىنشى ورىندا. مەملەكەتىمىزدىڭ دامىپ، جەتىلۋى ءۇشىن ساپالى ءبىلىمنىڭ كىلتى عانا بولاشاققا جەتەلەيدى. ارمان مەن ماقسات ۇندەسكەن تۇستا، تاڭداۋ مە...
-
ارالتوعاي اۋىلى، س.ورازالين اتىنداعى ورتا مەكتەپ 3-كلاسس وقۋشىسى: شوكەنوۆا جۇلدىزاي رىسكەلدى قىزى
