ىزدەنگەن جەتەر مۇراتقا
بۇگىنگىدەي جاھاندانۋ زامانىندا ءبىلىم مەن عىلىم قاشاندا ءبىرىنشى ورىندا. مەملەكەتىمىزدىڭ دامىپ، جەتىلۋى ءۇشىن ساپالى ءبىلىمنىڭ كىلتى عانا بولاشاققا جەتەلەيدى. ارمان مەن ماقسات ۇندەسكەن تۇستا، تاڭداۋ مەن تالعامنىڭ ورنى ءبىر بولەك. مەنىڭ تاڭداۋىم قازاقستانداعى جوو-نىڭ كوش باسى ءال-فارابي اتىنداعى قازاق ۇلتتىق ۋنيۆەرسيتەتى بولدى. باستى ارمانىم وسى ۋنيۆەرسيتەتتىڭ قابىرعاسىندا ءبىلىم الىپ، ستۋدەنتتىك جىلدارىمنىڭ قىزىقتى كۇندەرىن وتكىزۋ ەدى. اللاعا شۇكىر! بۇل كۇندە ارمانىم ورىندالىپ، ءوز بيىگىنە دە جەتتى. ءال-فارابي اتىنداعى قازۇۋ – ەرەكشە مارتەبەسى بار قازاقستاننىڭ جەتەكشى كلاسسيكالىق ۋنيۆەرسيتەتى، كاسىبي ءبىلىم مەن عىلىمدى يننوۆاسيالىق دامىتۋدىڭ ۇلتتىق كوشباسشىسى، ەلىمىزدىڭ جوعارى وقۋ ورىندارى اراسىنداعى ءبىرىنشى قازاقستان رەسپۋبليكاسى پرەزيدەنتىنىڭ «ساپا سالاسىنداعى جەتىستىكتەرى ءۇشىن» سىيلىعىنىڭ يەگەرى. ۋنيۆەرسيتەتتە 15 فاكۋلتەت بار جانە 180 سالا بويىنشا ماماندار دايارلايدى. مەنىڭ فاكۋلتەتىم – فيلولوگيا جانە الەم تىلدەرى فاكۋلتەتى، فاكۋلتەتتە تالاي تانىمال، دارىندى تۇلەكتەر تۇلەپ شىققان. اتاپ ايتار بولساق: مۇحتار اۋەزوۆ، زەينوللا قابدولوۆ، ءابىش كەكىلبايەۆ، دۋلات يسابەكوۆ، نۇرلان ورازالين، تۇرسىنبەك كاكىشيەۆ، رىمعالي نۇرعالي، ماۋلەن بالاقايەۆ، سۇلتانعالي سادىربايەۆ، گۇلنار دۋسماتوۆا، بالعىنبەك يماشيەۆ، مۇحامەدجان تازابەكوۆ، جاننا قۋانىشيەۆا ت.ب. فاكۋلتەتىمىز ۋنيۆەرسيتەت ىشىندە «ەكىنشى ونەر ورداسى» دەگەن اتاق العان. وعان سەبەپ بارلىق شارالاردى ۇتىمدى ۇيىمداستىرىپ، ءبىلىم مەن ونەر سايىسىنىڭ ناتيجەسىندە ستۋدەنتتەر قاي كەزدە دە ءبىرىنشى ورىندا تۇر. ءبىزدىڭ كافەدرامىز – «جالپى ءتىل ءبىلىمى جانە ەۋروپا تىلدەرى» كافەدراسى. ۋنيۆەرسيتەتتىڭ شەتەلدەگى ءبىلىم وردالارىمەن بايلانىسى مەن قارىم قاتىناسىندا كافەدرانىڭ ۇلەسى زور. كافەدرادا تەوريا مەن تاجىريبەنى ورايلاستىرۋ ماقساتىندا بىرنەشە عىلىمي ۇيىرمەلەر ۇيىمداستىرىلعان. قازىرگى تاڭدا مەنىڭ مەڭگەرىپ جاتقان ماماندىعىم شەتەل ءتىلى: ەكى شەت ءتىلى، اكادەميالىق ءبىلىمنىڭ باكالاۆر دەڭگەيىن كورسەتەتىن جوعارى بىلىكتى ماماندىقتاردىڭ ءبىرى بولىپ تابىلادى. جالپى ەكى شەت ءتىلىن بىردەي مەڭگەرىپ شىعارۋداعى ماقساتتاردىڭ ءبىرى ەلىمىزدەگى ءۇش ءتىلدى جەتىك مەنگەرگەن ازاماتتارىمىزدىڭ رەتىن كوبەيتۋ، سونداي-اق، وزگە ەلدەرمەن قارىم-قاتىناس تىلدەرىن ەلدە بارىنشا دامىتۋ. شەتەل ءتىلى: ەكى شەت ءتىلى ماماندىعىنىڭ وقىتۋ باعدارلاماسى نەگىزىنەن پەداگوگيكالىق باعىتقا كوپ كوڭىل بولەدى. سول سەبەپتى وسى ماماندىقتى الىپ شىققان بىتىرۋشىلەر كوبىنە ۇستاز بولىپ قىزمەت اتقارىپ ءجۇر. مەن بيىلعى جىلدىڭ ناۋرىز، ءساۋىر ايلارىندا اتىراۋ وبلىستىق دارىندى بالالار مەكتەپ-ينتەرناتىندا پەداگوگيكالىق تاجىريبەدەن ءوتتىم. وندا اعىلشىن تىلىنەن 6-7-سىنىپتارعا ساباق بەردىم. پەداگوگيكالىق تاجىريبەدە ۇستازدارىمنان العان ءبىلىمىمدى سارالاپ، ناتيجەلى بولۋى ءۇشىن تىندىرىمدى ەڭبەك اتقارۋعا تىرىستىم، اشىق ساباقتارىمدا جاڭاشىل ادىس-تاسىلدەردى قولداندىم. بالالارمەن تىعىز قارىم-قاتىناس جاساپ، « مەنىڭ بولاشاق ماماندىعىم» تاقىرىبىندا دوڭگەلەك ۇستەل جانە بىرنەشە ترەنينگتەر وتكىزدىم. بۇگىنگى ساپالى ءبىلىم – ەرتەڭگى جارقىن بولاشاق. ءبىلىم بەرۋ جۇيەسىندەگى وزگەرىستەردىڭ وڭ ناتيجە بەرۋى ءۇشىن ، مۇعالىمدەردىڭ ايانباي تەر توگۋى قاجەت! ەلباسىمىز «قازاقستاننىڭ بولاشاعى – جاستاردىڭ قولىندا» دەگەن، ولاي بولسا جۇمىلا كوتەرگەن جۇك جەڭىل، مەن دە قازاقستاننىڭ بولاشاعىنا، قازاق ءبىلىمىنىڭ وركەندەۋى جولىندا قولىمنان كەلگەنشە ەڭبەك ەتەمىن!
مىرزاحمەتوۆا جانار مۇرات قىزى،
قازۇۋ فيلولوگيا ادەبيەتتانۋ جانە الەم تىلدەرى فاكۋلتەتى 3-كۋرس ستۋدەنتى.
پراكتيكا جەتەكشىسى: الياكباروۆا ايگەرىم تىلەسبەك قىزى
You Might Also Like
-
قازاق حالقى ەجەلدەن-اق ۇلتتىعىمىزدى ۇلىقتاۋعا، قاسيەتتى قۇندىلىقتارىمىزدى قازىناداي ساقتاۋعا ەرەكشە ءمان بەرگەن. وسى ورايدا قازاقى ۇلتتىق سۋسىندارىمىزدىڭ قانداي تۇرلەرى بار؟ سول سۋسىندارىمىزدى كىمدە...
-
تالاي قيىندىقتى باستان كەشىپ،ەل تاعدىرى قىل ۇستىندە تۇرعاندا جانىن اياماي جاۋعا قارسى تۇرعان،بەيبىت كۇندەرى تۋعان جەردىڭ كوركەيىپ،قانات جايۋىنا ءوز ۇلەسىن قوسقان،بۇگىنگى تاڭدا مايدانگەرلەر اتانىپ وتىر...
