مەنىڭ انام - ءمۇعالىم
مەنىڭ انام - ءمۇعالىم!
حالىقارالىق 8 - ناۋرىز انالار مەرەكەسىنە ارنالادى
الەمنىڭ جارىعىن، سىيلادىڭ سەن ماعان...
ءتۇن. ۇيىقتاپ كەتىپپىن. ءتۇن جارىمدا شامنىڭ جارىعىنان وياندىم. انام وياۋ وتىر ەكەن...
الدىندا جايىپ قويعان ەسكىرىڭكىرەگەن فوتوسۋرەتتەر. كوزىنە قاراسام، كوزى جاساۋراعان ءتارىزدى. شارشاعانننان با، الدە شاكىرتتەرىنە دەگەن ساعىنىشتان با، الدە...
«مەن، وياتىپ جىبەردىم بە دەگەن»، كوزىنەن وكىنىشتىڭ دە ءىزىن بايقادىم.
مەن بۇل ساتكە تاڭدانعان جوقپىن. ماعان تانىس جايت ەدى. ويتكەنى مەنىڭ انام - ءمۇعالىم!
مەنىڭ انام مەكتەپتە ءمۇعالىم، ال ۇيدە انا...
مەن انامنىڭ ماماندىعى ءمۇعالىم بولعانىنا ماقتانامىن، كەيدە اياپ كەتەمىن... ءيا، ءيا اياپ كەتەمىن...
كۇنى - ءتۇنى ىزدەنۋدەن ءبىر ءسات تايمايدى. مۇمكىن مەنىڭ انامنىڭ باسى كومپيۋتەر بولسا، جانىپ كەتەر مە ەدى...
- كىم ءبىلسىن؟ ازىلدەيمىن، ارينە...
ءبىر قىزىعى كەيدە مەن دە اناما ۇقساپ ءمۇعالىم بولعىم كەلەدى. نەگە دەيسىز عوي؟ انام تاريح ءپانىنىڭ ءمۇعالىمى. ءبىز قولىمىز قالت ەتسە، نەمەسە شاي ۇستىندە تاريحقا ءۇڭىلىپ كەتەمىز. كەيدە وزىمشە اناممەن پىكىر الماسۋ ساتىندە داۋلاسىپ قالاتىن كەزىم دە بولادى. سونداي ساتتەر ماعان قىزىقتى.
ماعان ۇنايتىنى: مەن ءوز حالقىمنىڭ تاريحىن، سالت - ءداستۇرىن، تاربيەسىن كۇندەلىكتى انامنان بويىما سىڭىرەمىن، ول ماعان «باعا» ءۇشىن ايتىلىپ جاتقان جوق، ول انامنىڭ تاربيەسى...
ەڭ قاتتى ۇنايتىنى: انام سول كەيبىر تاريحي كەسەنەلەرگە جازعى دەمالىسى كەزىندە كوزىمەن كورۋگە بارادى، مەنى دە الا بارادى. «كوزبەن كورىپ بارىپ، بالاعا جەتكىزسەم كەڭىرەك مالىمەت بەرە الامىن»،- دەپ سونداي كەزدەردە ەرەكشە قۋانىشقا بولەنىپ، ءبىر سەزىمگە بەرىلىپ كەتەدى. ىشىنەن بىردەڭەلەر ايتىپ، ءوز - وزىمەن كۇبىرلەپ، بىردەڭەلەردى جازىپ الىپ جاتادى. ۇيگە كەلگەندە ءۇي تىرشىلىگى، تاعى دا ساباققا دايىندىقتان قولى بوسامايتىن انام. قىدىرىپ جۇرسە دە شاكىرتتەرىنە بىردەڭەلەردى دايىنداپ جۇرەدى. ءبارىبىر دە وسىنداي ساتتەردە ماعان اناممەن سويلەسۋىمە، اناممەن جاقىن بولۋعا مۇمكىندىك تۋادى.
كەيدە مەن انامدى باسقا بالالاردان قىزعاناتىن كەزىم دە بولادى. ءبىر كۇنى مەن ساحناعا شىعىپ قويىلىم قويۋعا دايىندالىپ جاتتىم. انامنىڭ سىنىبىنداعى اقبوتا ەسىمدى قىز دا سول كۇنى ساحناعا شىعىپ ءان ايتاتىن بولدى. مەنىڭ انام ماعان ەمەس اقبوتاعا كوبىرەك الاڭداپ، «اينالايىن، سەن ايتا الاسىڭ»،- دەپ ەركەلەتىپ تە قويادى. كيەتىن كيىمىنە دەيىن ءتۇن ورتاسى اۋعانشا دايىنداپ شىر - پىر بولدى. ال، مەن مىناۋ دۇرىس پا دەسەم دە، بۇرىس پا دەسەم دە ءيا دەپ جاۋاپ بەردى. مىنە، وسى كەزدە ايتەۋىر ءىشىمدى بەلگىسىز ءبىر كۇي اشۋ ما، ىزا ما، قىزعانىش پا كەرنەدى.
اقبوتا شىن مانىسىندە جاقسى ورىندا شىعىپ، ءىس - شارا سوڭىندا ەرەكشە اتالىپ ءوتتى. سول كەزدە مەن اناما جالت قارادىم. انامنىڭ كوزىندەگى قۋانىش الىستان - اق بايقالىپ تۇردى. مەن دە سول ساتتە انام ءۇشىن قاتتى قۋاندىم. «شاكىرت جەتىستىگى - ۇستاز ەڭبەگىنىڭ جەمىسى»،- دەپ بەكەر ايتىلماعان عوي. بۇل مەنىڭ انامنىڭ ەڭبەگىنىڭ جەمىسى. بۇنداي ساتتەر مەنىڭ انامنىڭ شاكىرتتەرى ءۇشىن ءتۇن ۇيقىسىن ءبولىپ، تۇنىمەن جاساعان ەڭبەگىنىڭ جەمىسى.
سول ساتتە مەن تۇسىنەمىن دە، ماقتان تۇتامىن. تەك ماعان ەمەس انامدى مەكتەپتەگى وقۋشىلارى دا، اتا - انالارى دا قۇرمەت تۇتادى. مۇنداي كەزدە جۇرەگىمدى قۋانىش كەرنەپ، بار الەمگە «مەنىڭ انام - ءمۇعالىم!»،- دەپ ايقايلاعىم كەلەدى.
ءشامشى اقىنىمىزدىڭ «الەمنىڭ جارىعىن، سىيلادىڭ سەن ماعان»،- دەگەن جولدارى ەرىكسىز ەسىمە ورالىپ «الەمنىڭ جارىعىن، سىيلادىڭ بار ەلگە»،- دەپ وزىمشە ىڭىلداپ قويامىن.
«انا ءبىر قولىمەن بەسىك تەربەسە، ەكىنشى قولىمەن الەمدى تەربەيدى»،- دەگەن ماقال ءبىر جاعىنان وسى ءمۇعالىم - انالارعا دا قاتىسى بار شىعار.
مەن ءۇشىن «ءتۇن ۇيقىسىن ءتورت ءبولىپ، تۇندە بەسىك تايانعان» انام، ءقازىر شاكىرتى ءۇشىن تۇندە قالام تايانىپ وتىراتىنىنا مەن كۋامىن. جالعىز مەن ەمەس بارلىق اناسى ءمۇعالىم بالالار كۋا.
بۇل مەنىڭ «ءمۇعالىم - انام» جايلى اقتارىپ وتىرعان سىرىم، انالار مەرەكەسىنە قارسى شابىت بەرىپ وتىر عوي. ەندەشە بارلىق «ءمۇعالىم انالاردى» مەرەكەلەرىمەن قۇتتىقتاپ، «وسى كۇنگە جەتكىزگەن اناما مىڭ العىس»،- دەي وتىرىپ، «مەنىڭ انام - ءمۇعالىم!» دەگەن ماقتانىشپەن ويىمدى اياقتايمىن.
سقو، تايىنشا اۋدانى،
چكالوۆ سەلوسى، «№2 چكالوۆ ورتا مەكتەبى» كمم
9 - سىنىپ وقۋشىسى باقىت جانەل
جەتەكشىسى: بوگەنبايەۆ بايعالي راحمانبەردييەۆيچ
حالىقارالىق 8 - ناۋرىز انالار مەرەكەسىنە ارنالادى
الەمنىڭ جارىعىن، سىيلادىڭ سەن ماعان...
ءتۇن. ۇيىقتاپ كەتىپپىن. ءتۇن جارىمدا شامنىڭ جارىعىنان وياندىم. انام وياۋ وتىر ەكەن...
الدىندا جايىپ قويعان ەسكىرىڭكىرەگەن فوتوسۋرەتتەر. كوزىنە قاراسام، كوزى جاساۋراعان ءتارىزدى. شارشاعانننان با، الدە شاكىرتتەرىنە دەگەن ساعىنىشتان با، الدە...
«مەن، وياتىپ جىبەردىم بە دەگەن»، كوزىنەن وكىنىشتىڭ دە ءىزىن بايقادىم.
مەن بۇل ساتكە تاڭدانعان جوقپىن. ماعان تانىس جايت ەدى. ويتكەنى مەنىڭ انام - ءمۇعالىم!
مەنىڭ انام مەكتەپتە ءمۇعالىم، ال ۇيدە انا...
مەن انامنىڭ ماماندىعى ءمۇعالىم بولعانىنا ماقتانامىن، كەيدە اياپ كەتەمىن... ءيا، ءيا اياپ كەتەمىن...
كۇنى - ءتۇنى ىزدەنۋدەن ءبىر ءسات تايمايدى. مۇمكىن مەنىڭ انامنىڭ باسى كومپيۋتەر بولسا، جانىپ كەتەر مە ەدى...
- كىم ءبىلسىن؟ ازىلدەيمىن، ارينە...
ءبىر قىزىعى كەيدە مەن دە اناما ۇقساپ ءمۇعالىم بولعىم كەلەدى. نەگە دەيسىز عوي؟ انام تاريح ءپانىنىڭ ءمۇعالىمى. ءبىز قولىمىز قالت ەتسە، نەمەسە شاي ۇستىندە تاريحقا ءۇڭىلىپ كەتەمىز. كەيدە وزىمشە اناممەن پىكىر الماسۋ ساتىندە داۋلاسىپ قالاتىن كەزىم دە بولادى. سونداي ساتتەر ماعان قىزىقتى.
ماعان ۇنايتىنى: مەن ءوز حالقىمنىڭ تاريحىن، سالت - ءداستۇرىن، تاربيەسىن كۇندەلىكتى انامنان بويىما سىڭىرەمىن، ول ماعان «باعا» ءۇشىن ايتىلىپ جاتقان جوق، ول انامنىڭ تاربيەسى...
ەڭ قاتتى ۇنايتىنى: انام سول كەيبىر تاريحي كەسەنەلەرگە جازعى دەمالىسى كەزىندە كوزىمەن كورۋگە بارادى، مەنى دە الا بارادى. «كوزبەن كورىپ بارىپ، بالاعا جەتكىزسەم كەڭىرەك مالىمەت بەرە الامىن»،- دەپ سونداي كەزدەردە ەرەكشە قۋانىشقا بولەنىپ، ءبىر سەزىمگە بەرىلىپ كەتەدى. ىشىنەن بىردەڭەلەر ايتىپ، ءوز - وزىمەن كۇبىرلەپ، بىردەڭەلەردى جازىپ الىپ جاتادى. ۇيگە كەلگەندە ءۇي تىرشىلىگى، تاعى دا ساباققا دايىندىقتان قولى بوسامايتىن انام. قىدىرىپ جۇرسە دە شاكىرتتەرىنە بىردەڭەلەردى دايىنداپ جۇرەدى. ءبارىبىر دە وسىنداي ساتتەردە ماعان اناممەن سويلەسۋىمە، اناممەن جاقىن بولۋعا مۇمكىندىك تۋادى.
كەيدە مەن انامدى باسقا بالالاردان قىزعاناتىن كەزىم دە بولادى. ءبىر كۇنى مەن ساحناعا شىعىپ قويىلىم قويۋعا دايىندالىپ جاتتىم. انامنىڭ سىنىبىنداعى اقبوتا ەسىمدى قىز دا سول كۇنى ساحناعا شىعىپ ءان ايتاتىن بولدى. مەنىڭ انام ماعان ەمەس اقبوتاعا كوبىرەك الاڭداپ، «اينالايىن، سەن ايتا الاسىڭ»،- دەپ ەركەلەتىپ تە قويادى. كيەتىن كيىمىنە دەيىن ءتۇن ورتاسى اۋعانشا دايىنداپ شىر - پىر بولدى. ال، مەن مىناۋ دۇرىس پا دەسەم دە، بۇرىس پا دەسەم دە ءيا دەپ جاۋاپ بەردى. مىنە، وسى كەزدە ايتەۋىر ءىشىمدى بەلگىسىز ءبىر كۇي اشۋ ما، ىزا ما، قىزعانىش پا كەرنەدى.
اقبوتا شىن مانىسىندە جاقسى ورىندا شىعىپ، ءىس - شارا سوڭىندا ەرەكشە اتالىپ ءوتتى. سول كەزدە مەن اناما جالت قارادىم. انامنىڭ كوزىندەگى قۋانىش الىستان - اق بايقالىپ تۇردى. مەن دە سول ساتتە انام ءۇشىن قاتتى قۋاندىم. «شاكىرت جەتىستىگى - ۇستاز ەڭبەگىنىڭ جەمىسى»،- دەپ بەكەر ايتىلماعان عوي. بۇل مەنىڭ انامنىڭ ەڭبەگىنىڭ جەمىسى. بۇنداي ساتتەر مەنىڭ انامنىڭ شاكىرتتەرى ءۇشىن ءتۇن ۇيقىسىن ءبولىپ، تۇنىمەن جاساعان ەڭبەگىنىڭ جەمىسى.
سول ساتتە مەن تۇسىنەمىن دە، ماقتان تۇتامىن. تەك ماعان ەمەس انامدى مەكتەپتەگى وقۋشىلارى دا، اتا - انالارى دا قۇرمەت تۇتادى. مۇنداي كەزدە جۇرەگىمدى قۋانىش كەرنەپ، بار الەمگە «مەنىڭ انام - ءمۇعالىم!»،- دەپ ايقايلاعىم كەلەدى.
ءشامشى اقىنىمىزدىڭ «الەمنىڭ جارىعىن، سىيلادىڭ سەن ماعان»،- دەگەن جولدارى ەرىكسىز ەسىمە ورالىپ «الەمنىڭ جارىعىن، سىيلادىڭ بار ەلگە»،- دەپ وزىمشە ىڭىلداپ قويامىن.
«انا ءبىر قولىمەن بەسىك تەربەسە، ەكىنشى قولىمەن الەمدى تەربەيدى»،- دەگەن ماقال ءبىر جاعىنان وسى ءمۇعالىم - انالارعا دا قاتىسى بار شىعار.
مەن ءۇشىن «ءتۇن ۇيقىسىن ءتورت ءبولىپ، تۇندە بەسىك تايانعان» انام، ءقازىر شاكىرتى ءۇشىن تۇندە قالام تايانىپ وتىراتىنىنا مەن كۋامىن. جالعىز مەن ەمەس بارلىق اناسى ءمۇعالىم بالالار كۋا.
بۇل مەنىڭ «ءمۇعالىم - انام» جايلى اقتارىپ وتىرعان سىرىم، انالار مەرەكەسىنە قارسى شابىت بەرىپ وتىر عوي. ەندەشە بارلىق «ءمۇعالىم انالاردى» مەرەكەلەرىمەن قۇتتىقتاپ، «وسى كۇنگە جەتكىزگەن اناما مىڭ العىس»،- دەي وتىرىپ، «مەنىڭ انام - ءمۇعالىم!» دەگەن ماقتانىشپەن ويىمدى اياقتايمىن.
سقو، تايىنشا اۋدانى،
چكالوۆ سەلوسى، «№2 چكالوۆ ورتا مەكتەبى» كمم
9 - سىنىپ وقۋشىسى باقىت جانەل
جەتەكشىسى: بوگەنبايەۆ بايعالي راحمانبەردييەۆيچ
You Might Also Like
-
ماقساتى: بالالارعا جولدا ءجۇرۋ ەرەجەسىن ۇيرەتە وتىرىپ، جول رەتتەۋشىنى مەڭگەرتۋ، بىلىمدەرىن پىسىقتاۋ. كوشەدە ءجۇرۋ ەرەجەسىن ءبىلۋ ارقىلى، ءوز ويلارىن اشىق ايتۋعا داعدىلاندىرۋ.
