InfoHub Logo

وقۋشى شىعارماشىلىعى

مەنىڭ وقۋ قۇرالدارىم
مەنىڭ اتىم تولعاناي. مەن ەكىنشى سىنىپتا وقيمىن. مەن ءوزىمنىڭ وقۋ قۇرالدارىمدى تازا ۇستايمىن. ءار وقۋشى ءوزىنىڭ وقۋ قۇرالدارىن تازا ۇستاۋعا مىندەتتى. كىتاپتى جىرتپاي ۇقىپتى ۇستاۋىمىز كەرەك. سەبەبى كىتاپتىڭ ءبىز ءۇشىن بەرەرى كوپ. ءبىز سول كىتاپتان وقۋدى، جازۋدى ۇيرەنىپ ءبىلىمدى بولامىز. سوندىقتان مەن كۇندەلىكتى ساباعىما دايىندالىپ جۇرەمىن. سىنىپتاعى وزات وقۋشىلاردىڭ ءبىرىمىن. مەنىڭ اجەم كۇندە ساباقتان بەستىك باعا الۋىمدى تىلەيدى. مەن اجەمنىڭ ءسوزىن تىڭداپ، تىلەگىن ورىنداپ كۇندە بەستىك باعا الىپ كەلەمىن.

ءبىلىم كەرەك بارىنە
وقۋسىز ءبىلىم جوق،
ءبىلىمسىز كۇنىڭ جوق - دەمەكشى، ۇلكەن بول، كىشى بول بارلىق ادامعا وقۋ كەرەك. اسىرەسە مەكتەپ جاسىنداعى بالالارعا كوپ وقۋ كەرەك. مەن دە ۋاقىتىمدى ويىنمەن وتكىزبەي كوپ وقۋعا، كوپ بىلۋگە تىرىسامىن.

شەبەر اجە
ايمان اجەي بىزگە كورشى تۇرادى. ول كىسى نەشە بارساڭدا ءىس تىگىپ وتىرادى. ايمان اجەيدىڭ ۇيىندە نەشە ءتۇرلى توقىلعان كىلەم، الاشا، كەستە، تۇس كيىز بار.
مەن بارعان سايىن قىزىعا قارايمىن. ايمان اجەي ماعان ءىس تىگۋدىڭ قىرى مەن سىرىن ۇيرەتەدى. مەن دە ۇيرەنۋگە تىرىسامىن. ايمان اجە نەشە ءتۇرلى جىپتەن سومكە تىگەدى. ايمان اجە ماعان جانە ىنىمە قولعاپ پەن مويىن وراعىش توقىپ بەردى. ءبىز قۋانىپ اجەگە ريزاشىلىعىمىزدى بىلدىردىك. ايمان اجە ءبىزدىڭ كوشەدەگى ەڭ شەبەر جانە اقكوڭىل ادام.

مەكتەبىم
مەن ەركىنقالا مەكتەبىنە جاڭادان كەلدىم. سىنىپتاعى وقۋشىلارمەن تانىسىپ، جاڭا دوستار تاپتىم. ماعان بۇل مەكتەپ ۇنادى. ول ادەمى ءارى ۇلكەن مەكتەپ ەكەن. مەكتەپتە ۇستازدار كوپ ەكەن. بۇل مەكتەپتە بالالار ەكى مەزگىل وقيدى. مەنىڭ مەكتەبىمنىڭ جانىندا بالالار ساز مەكتەبى بار. مەن ەكىنشى سىنىپتى بىتىرگەسىن وسى ساز مەكتەبىندە وقىعىم كەلەدى. مەكتەپ مەنىڭ ەكىنشى ءۇيىم.