InfoHub Logo

وقو، شىمكەنت قالاسى،
№89 مەكتەپ - ليسەي باستاۋىش سىنىپ ءمۇعالىمى
جۋنسبەكوۆا ايناش ۋمەركۋليەۆنا

تاربيە ساعاتى 1 سىنىپ
ساباق تاقىرىبى: مەنىڭ وتانىم - قازاقستان!
ماقساتى: وتان تۋرالى بىلىمدەرىن نازارعا الا وتىرىپ، وتانىمىز – قازاقستان رەسپۋبليكاسى تۋرالى نە بىلەتىندىگىن سارالاۋ، العان مالىمەتتەر بويىنشا بىلىمدەرىن بەكىتۋ.
شەبەرلىك: وتاندى سۇيۋگە، ەلىمىزدىڭ رامىزدەرىن قاستەرلەۋگە، تۋعان ەلىنە دەگەن سۇيىسپەنشىلىگىن اتتىرۋ.
داعدى: وقۋشىلاردى ەلىن، جەرىن سۇيۋگە، بايلىعىن قورعاۋعا، ءوز ەلىنىڭ پاتريوتى بولۋعا داعدىلاندىرۋ.
ءتۇرى: ساياحات ساباق
ءادىسى: توپتىق جۇمىس، سۇراق - جاۋاپ، پىكىرتالاس، «زىمىران» سۇراقتار، «موزايكا» ءادىسى
كورنەكىلىكتەرى: جالاۋشا، سۋرەتتەر، پلاكات، سلايد

ساباقتىڭ بارىسى:
ءى ۇيىمداستىرۋ كەزەڭى.
حور: ءانۇران.
ساناماق بويىنشا 4 توپقا بولىنەدى
ءى توپ – «اۋدان»
ءىى توپ – «قالا»
ءىىى توپ – «وبلىس»
ءىV توپ – «رەسپۋبليكا»
- كانە، بالالار وتان دەگەن نە؟
- ادامنىڭ تۋىپ وسكەن جەرى، تۋعان - تۋىسقاندارى، ءبىز تۇراتىن اتامەكەن.
- بالالار ءبىزدىڭ وتانىمىز قالاي اتالادى؟
- ءبىزدىڭ - وتانىمىز قازاقستان.
- ەندەشە، بۇگىنگى تاربيە ساعاتىمىز «مەنىڭ وتانىم - قازاقستان» دەپ اتالادى.

ءىى. نەگىزگى ءبولىم.
بۇگىنگى ساباعىمىزدا ءتۇرلى - ءتۇستى ۇلتتىق ويۋلار جيناۋ ارقىلى بال جينايمىز.

1. بالالار وتان تۋرالى ولەڭدەر وقىپ، ەلىمىزدى، جەرىمىزدى ماداقتاۋ بۇگىن ءبىزدىڭ ەنشىمىزدە. ەندەشە ونەرىمىزدى ورتاعا سالايىق. قورجىنىمىزعا ۇپاي جينايىق.
كورىنىس. (مۋزىكا ويناپ، اياعىن اقىرىن باسىپ اتا شىعادى. ورىندىققا كەلىپ، دەمالىپ وتىرادى. وسى كەزدە جۇگىرىپ نەمەرەسى شىعادى).
نەمەرەسى: اتا، نە ويلاپ وتىرسىز؟
اتاسى: ءا، بالام، اتاڭ نە ويلامايدى دەيسىن! سەنىڭ بولاشاعىڭدى ويلايمىن.
ەلىمىزدىڭ بولاشاعى جايلى، وتكەن ءومىر جايلى ويلايمىن.
نەمەرەسى: اتا، «وتكەن ءومىر» دەگەن نە؟
اتاسى: بالام، «وتكەن ءومىر» دەگەن سوناۋ ەجەلگى بابالارىمىزدان بەرگى وتكەن ءومىر جولى، بۇل تاريح ەمەس پە؟
نەمەرەسى: ول قانداي بولعان اتا؟
اتاسى: ەندەشە تىڭدا، بالام! سەن تاريحىڭدى، جەتى اتاڭدى بىلۋگە ءتيىسسىڭ. وتانى جوق ادام ناعىز باقىتسىز جان، ال ءبىز قازاق حالقى ناعىز ب ا ق قونعان تاۋەلسىز حالىقپىز. سەنىڭ اتا - بابالارىڭ بىرنەشە جىلدار بۇرىن وزبەكستان رەسپۋبليكاسىندا ءومىر ءسۇردى. ءوز وتانى قازاقستانعا كەلۋ ارمان بولاتىن. سول ارمانىمىزعا جەتۋگە ەل اعاسى يبادۋللا جانتورە ۇلىنىڭ ەڭبەگى زور بولدى. ول كىسى ءبىزدىڭ ءوز وتانىمىز قازاقستانعا قونىستانۋىمىزعا، سەندەردىڭ وسىنداي قالادا تۇرۋلارىڭا، مىناداي ءزاۋلىم مەكتەپتە وقۋلارىڭا وراسان زور ەڭبەك ەتتى. پرەزيدەنتىمىزدىڭ قولداۋىمەن، ەل اعالارىنىڭ ەڭبەكتەرىنىڭ ارقاسىندا وسىنداي «اسار» اتتى قالاشىق پايدا بولدى.
نەمەرەسى: اتا، ول كىسى قالاي مىقتى بولعان؟
اتاسى: بالام، ول كىسى تەرەڭ، جان - جاقتى ءبىلىمدى ادام. ەندىگى كەزدە تۋعان جەردى گۇلدەندىرەر ۇل - قىزى، مىنا، سەندەرسىڭدەر.
نەمەرەسى: اتا، ەندەشە مەن قازاقستاندى ودان ءارى دامىتۋ ءۇشىن ساباعىمدى وتە جاقسى وقيتىن بولامىن.
اتاسى: سولاي بولسىن بالام، سولاي بولسىن. (اتاسى مەن نەمەرەسى شىعىپ كەتەدى).
ءمۇعالىم: يا، بالالار، ءبىزدىڭ اتا - بابالارىمىز بۇدان بىرنەشە جىلدار بۇرىن
وزبەكستان رەسپۋبليكاسىندا جاساعانىن، پرەزيدەنتىمىزدىڭ قولداۋىمەن، ەل اعالارىمىزدىڭ ەڭبەكتەرىنىڭ ارقاسىندا ءوز وتانىنا قونىس اۋدارعانىن بىلدىك، ءبىزدىڭ «اسار» مولتەك اۋدانى ۇلكەن ەڭبەكتىڭ، بىرلىكتىڭ ارقاسىندا قۇرىلعانىنا كوز جەتكىزدىك.
ولاي بولسا، ەل اعالارىنا، اسارىمىزعا شاشۋىمىزدى شاشايىق!
(«اسار» تۋرالى ۆيدەو روليك كورسەتۋ)

انەل: اسار - اسار بولعانشا نە ءبىر كۇندەر ءوتتى عوي،
قانشا اسىل – ازامات ماڭداي تەرىن توكتى عوي.
ءوز قورىنان كەيبىرەۋ قوماقتى كومەك ەتتى عوي
ەلى ءۇشىن كەيبىرەۋ جانىن دا پيدا ەتتى عوي.
تار جول تايعاق كەشۋىن بىرلىكپەن جەڭىپ ءوتتى عوي
اساردىڭ حالقى مىنەكي - ماقساتىنا جەتتى عوي.
دۋلات:
ەلباسى كەلىپ ەلىنە، ۇندەۋىن ەلگە جولدادى،
ەلىمنىڭ وي - پىكىرىن دەن قويىپ ابدەن تىڭدادى،
ۋادە بەرىپ ەل - جۇرتتىڭ كوڭىلىن كوتەرىپ تاستادى،
پيلوتتىق جوبا «نۇرلى كوش» جۇمىسىن سولاي باستادى.

ۇلجامال:
كوپ ۇلتتىڭ ەڭبەك وكىلى ەڭبەك ەتتى ەسەلى
جەمىسىن كورىپ ەڭبەكتىڭ مەرەيلەرى وسەدى.
بوس جاتقان جەردىڭ ورنىنا، قۇردىعوي كوركەم جاس قالا
ەلگە ورالعان اعايىن قۇتتى بولسىن باسپانا.

ابىلاي:
قۇرىلىپ مەكتەپ، باقشاسى، سۋى مەنەن جارىق، گازى بار
جۇمىس ورنى بولسىن دەپ، قۇرىلدى الىپ زاۆودتار.
باۋ - باقشامەن، جىلى جاي، ساياباعى تاعى بار
قونىستانعان اسارعا ەلىمنىڭ سونداي باعى بار.

ءنۇربيبى:
ەل باسقارعان اعالار، ەڭبەگىن ەل باعالار
جەتەلەپ ەلدى قاشاندا جەڭىستەرگە جەتە بەر.
دەندەرىڭ ساۋ بوپ شارشاماي،
مىڭ جاساي بەر - اعالار!
ءانيسا:
تىم اياۋلى مەكەندى قويناۋى قۇت
قونىستانعان بۇل جەرگە ورالمان جۇرت.
اتالادى مەكەنىم اسارىم دەپ،
كوك اسپانىن ەشقاشان جاپپاعان بۇلت.
ءمولدىر:
اسارىمدا مەكتەپ بار تاربيەنىڭ ۇيىتقىسى
بالا – باقشا مەشىت بار يماندىلىق بەلگىسى.
قاجەتتىنىڭ ءبارى بار تابىلادى نە كەرەك،
جاراسىپ تۇر ەمحانا ادامداردى ەمدەمەك.
دارحان:
ولكەم مەنىڭ كوركەيسىن داۋلەتپەنەن ب ا ق دارىپ،
سادۋللا اعاي ۇلەستى قوسار ءالى شاتتانىپ.
بەرەكە مەن بىرلىگى ىنتىماعى جاراسقان،
اسارىم مەنىڭ وسى دەپ ايتا الامىن ماقتانىپ.
قوڭىرات:
ون جىل بولدى اسارىم جايناپ كەلەدى،
حالىق سانى كوبەيىپ دامىپ كەلەدى.
ەل جاعدايىن جاساعان يبادۋللا اعاي،
تەك حالىقتىڭ العىسىن الىپ كەلەدى.
جۋماعالي:
اسارىم دا تولىپ جاتىر 10 جاسقا
ءبىزدىڭ اسار وزگەشە عوي، ءبىر باسقا
قۇلپىرادى جىلدان - جىلعا گۇلدەنىپ
ماڭگى جاسا وسىلايشا تۇرلەنىپ.

2. - بالالار، ءبىز قاي قالادا تۇرامىز؟
- شىمكەنت قالاسىندا
نەتكەن سۇلۋ، نەتكەن كوركەم،
وسى مەنىڭ تۋعان ولكەم! دەپ اقىن اعالارىمىز جىرلاعانداي سۇلۋ دا، كوركەم شىرايلى شىمكەنتكە ساپار شەگەمىز.
«مەنىڭ قالام»، «ءسوز ويلا، تەز ويلا» ءادىسى بويىنشا سۋرەتكە قاراپ اڭگىمە قۇراۋ.
3.- ءبىز قاي وبلىستا جاسايمىز؟
- وڭتۇستىك قازاقستان وبلىسىندا
- وڭتۇستىك قازاقستان وبلىسىندا قانشا اۋدان بار؟
- 14 اۋدان بار
ەندەشە «موزايكا» ءادىسى بويىنشا اۋدانداردى بىرىكتىرۋ ارقىلى وڭتۇستىك قازاقستان وبلىسىنىڭ كارتاسىن جاسايىق.
ولاي بولسا وبلىس ورتالىعىنا قاراي ساپارىمىزدى جالعاستىرايىق.

- وڭتۇستىك قازاقستان وبلىسى جايلى مالىمەت...

4. – ءبىز قاي رەسپۋبليكادا جاسايمىز؟
- قازاقستان
- رەسپۋبليكاعا ساياحاتىمىزدى جالعاستىرامىز.

5. وقۋشىلار وتان تۋرالى ولەڭ وقيدى
اسەليا: وتان - مەنىڭ اتا - انام،
وتان - دوسىم، باۋىرىم،
وتان - ولكەم استانام،
وتان - اۋدان، اۋىلىم.
نۇردوس: وتاندى ءبىز اتامەكەن،
دەپ ايالاپ اتايمىز.
ويتكەنى ونى مەكەن ەتكەن.
بابامىز بەن اتامىز.
بايداۋلەت: ازاماتقا لايىق،
وتانىمنىڭ ۇلىمىن.
وتانىمدى قورعايتىن،
ازاماتتىڭ ءبىرىمىن.

تولىق نۇسقاسىن جۇكتەۋ