InfoHub Logo

ىقىلىم زاماننان كەلە جاتقان بوستاندىق پەن ازاتتىققا دەگەن قازاق جۇرتىنىڭ ۇمتىلىسى جانە سوعان قاتىستى كوزقاراسى ،مىنە بۇگىن بەيبىت ومىردە دە ءوزىنىڭ ءمانىن جويعان جوق،كەرىسىنشە،حالقىمىزدىڭ بودان بولعان جىلداردى ارا-تۇرا ەسكە الىپ،وتكەنگە وكىنىپ ەمەس،ماقتانىش،قۇرمەت سەزىمدەرىمەن قاراپ،ۇلى تاۋەلسىزدىگىمىزدى تاعى دا ءبىر قاستەرلەپ جۇرۋىنە باستاپ كەلە جاتقانداي. تاۋەلسىزدىك،شىنىندا كيەلى ۇعىم. سان عاسىردىڭ ساعىمدى جىلدارىندا اتى قالعان باتىر بابالارىمىز،ودان بەرىدە كەڭەستىك زاماننىڭ قىلىشىنان قان تامعان الاپات تۇسىندا قۇربان بولعان ارىس ازاماتتارىمىزدان كەيىن اشتىققا قارسى ءۇن كوتەرگەن قازاقتىڭ رىسقۇلوۆى،86-جىلعى قاندى قىرعىننىڭ قارلىعاشتارى، تەڭدىك اڭساعان ەلىمىزدىڭ ەركىن ويلى جاستارى وسىناۋ قىزىققا تولى قۋانىشتى كۇندەردى كورۋگە ءتيىستى ەمەس پە ەدى؟!

ءيا،وسىنداي قيامەتپەن كەلگەن اسىل ارماننىڭ قۇنىن سوزبەن ايتىپ جەتكىزۋ مۇمكىن بە؟ ءومىرىمىزدى شاتتىق پەن جاقسىلىققا تولتىرىپ،بولاشاقتىڭ جارقىن بولاتىنىنا سەندىرگەن قايران تاۋەلسىزدىك كوزدى اشىپ-جۇمعانشا جيىرما بەسكە دە كەلىپ قالىپتى.مەنىڭ وتانىم قازاقستان دەيتىن ءاربىر ازاماتتىڭ كوكەيىندە بۇل شاراپاتقا قالاي جەتكەنىمىز تۋراسىندا تولعانىستار جۇرەتىنى-وسى مامىراجاي زاماننىڭ نۇرىنا شومىلعان سانامىزدىڭ ۋاقىتپەن بىرگە وسىپ-وركەندەگەنىندەي جاڭارۋدىڭ باسى،جابىعۋدىڭ اياعى ەكنىن دالەلدەيتىن دۇنيە. جاقسى كۇندەرگە قالاي جەتسەك،ونى ساقتاپ ايالاۋعا دا سونشالىق ماحاببات پەن ىقىلاس،سەنىم مەن قولداۋ كەرەكتىگى ءبىزدى ويلاندىرۋى كەرەك جانە ءاردايىم جاسامپاز ەلىمىزدىڭ جارقىن بولاشاعىن ۇلكەن كۇش-قۋات،زور ەرىك-جىگەرمەن قارسى الۋعا مىندەتتى ەكەنىمىزدى ۇمىتپاۋىمىز كەرەك.

كەشەگى احمەت اعالارىمىز ارمانداعان ساۋاتتى قازاق بۇل كۇندە وركەنيەتكە ۇمتىلعان جاڭا مادەنيەت پەن سەرپىندى بىلىمگە قول جەتكىزىپ، وسى كۇنگە دەيىن جەتكەن تابىستارىمىزدى بەزبەندەي وتىرىپ،الداعى ۋاقىتتاردا قانداي يگىلىكتەرمەن بايۋعا بولاتىنىنا كوز جىبەرەمىز. تاۋەلسىزدىك تۋى جەلبىرەگەن 25 جىل قازاق ەلى ءۇشىن كوپتەگەن جاقسىلىقتىڭ نىشانى، جەمىستى جەتىستىكتەردىڭ تۇعىرى، وركەنيەتكە تالپىنۋ ارقىلى عاجايىپتاردىڭ جۇزەگە اساتىنىنا سەندىرگەن مولشىلىق،شەكسىز مۇمكىندىكتەر كەزەڭى بولدى دەگىم كەلەدى. راسىندا قازاقستان الەمدىك بيىككە ۇمتىلعان تانىمال مەملەكەت بولىپ،تورتكۇل دۇنيەنى وزىنە قاراتىپ وتىرعان دامۋشى مەملەكەت رەتىندە جان-جاعىمىزداعى ەلدەردى قىزىقتىرىپ،بارىنشا جاڭا زامان ساحناسىنا كوتەرىلگەن ەلگە اينالىپ ۇلگەردى.

جاڭا ءعاسىر-بىلىم عاسىرى سانالعاننان باستاپ،قازاق جاستارىنىڭ جاhاندىق ءبىلىم مەن مادەنيەتكە سۋسىنداۋى قارقىندى دامىدى. وسىلايشا ورتا دەڭگەيدە وركەندەپ كەلە جاتقان قازاقستان تاۋەلسىزدىككە تاۋبە ەتىپ،شۋاقتى كۇندەردىڭ شاپاعاتىن سەزىنىپ كەلەدى.

ەلباسىمىز ەلىمىزدى الەۋمەتتىك-ەكونوميكالىق تۇرعىدان العا جەتەلەۋدى ەرتە قولعا الىپ،حالىقتىڭ بارلىق تۇستان ءال-اۋقاتىن جاقسارتۋعا وراسان قاجىر-قايرات جۇمسادى. اسىرەسە،ءبىلىم كوكجيەگىندەگى جاستاردىڭ ۇلەسىنە ەرەكشە كوڭىل ءبولىپ،ءبىلىم-عىلىم جۇيەسىندەگى وڭ وزگەرىستەردىڭ ورناۋىنا ىقپال ەتتى. ەلىن سۇيەتىن،حالقىن ارداقتايتىن،تاريحى مەن ءدىنىن،سالتىن قادىرلەيتىن قازاق قىزى رەتىندە مەن وسى ايتىلعان مازمۇندى ۇدەرىستەردىڭ بىردە –بىرىنەن قالىس قالعىم كەلمەيدى. مەن دە ۇلى قازاقستاننىڭ پەرزەنتىمىن،ۇلى تاۋەلسىزدىكتىڭ زامانداسىمىن،ەندەشە،ءوز زامانىمنىڭ وزەكتى وزگەرىستەرىنە نەمقۇرايدى قاراۋعا حاقىم جوق دەپ ەسەپتەيمىن. قازاقستانداي ەلىمىز بولعانىنا جۇرەكپەن قۋانۋ از شىعار،ونىڭ الاساپىران جىلداردان قالعان جان جاراسىن ەمدەيتىن جاڭارۋدىڭ جارشىسى، ىزگىلىكتىڭ ءىزباسارى بولا بىلسەم،جانى جاقسىلىقتى قالاپ تۇراتىن اقپەيىل قازاقتىڭ،اقجارقىن ۇلتتىڭ ۇرپاعى ەكەنىمدى دالەلدەر ەدىم. ءدال قازىرگى ۋاقىتتا كوز ىلەسپەس جىلدام دامۋعا ىلەسۋ دە وڭاي ەمەس،دەگەنمەن، ەلدى باستاپ،كوشتى تۇزەيتىن تۇلعالارىمىزعا سەنىپ،بەرىك تاۋەكەلمەن ماقساتتى باعىت الىپ كەلە جاتقانىمىز دا كوڭىلگە قۋانىش ۇيالاتادى.

رۋحى بيىك حالىقتىڭ بايلىعى دا،قۇندىلىعى دا ونىڭ وزىندەي دانا جانە ماڭگىلىك. ماڭگىلىك بولاتىنى عاسىرمەن قۇرداس،تارتىمدى بولاتىنى تابيعاتقا جاقىندىعىنان شىعار... قالاي بولعان دا دا حالقىمىز ءالى دە  مىڭ جاساپ،ارتقىعا ءىز قالدىراتىن كەمەڭگەر،دانىشپاندىعىنان  تانباعان «ناعىز قازاقتىعىن» ساقتاپ قالۋى ءتيىس. اقىن قادىر مىرزالييەۆ ولەڭدە ماقتاعان «وسى،مىنە،تانىپ قوي!» دەيتىندەي قازاقتىڭ كەلبەتى مەن بولمىسىن جان-تانىمىزبەن،وي-سانامىزبەن،ارەكەت-نيەتىمىزبەن بولاشاققا الىپ بارۋ،ءسويتىپ ول اماناتتى كەلەر ۇرپاققا تابىستاۋ-بىزگە،بارشامىزعا مىندەت. سەبەبى،بىزگە دە الدىڭعى جاقسىلار سولاي جاساعان،جاقسىلىقتى ءبىز عانا ەمەس،ءبىزدىڭ ۇرپاقتارىمىز دا كورۋى ءتيىس.

تاۋەلسىز قازاقستان-اۋقىمدى ۇعىم. كولەمدى اقپارات.شەكسىزدىك سيمۆولى. مەن سونداي بايتاق الەمدە  ءوزىمنىڭ كىشكەنتاي نۇكتە ەكەنىمدى بىلسەم دە،سول ۇلان عايىر الەمنىڭ ءبىر قاجەتىنە ۇلەس قوسا الاتىنىما سەنىمدىمىن. مەنىڭ ارمانىم-تىنىش دۇنيەنىڭ تىنىمسىز قىزىعىنا تويمايتىن جاقسى تالاپتى جاستاردىڭ ساناسى اشىق بولسا ەكەن جانە ءوز ەلىنە تىلىمەن ەمەس،جان جۇرەگىمەن جانى اشيتىن ادام بولىپ قالىپتاسسا دەيمىن. زامان زىرعىعانمەن،ۋاقىت كوشىنە ەرۋگە قاشاندا ءبىزدىڭ العىر حالقىمىزدىڭ شاماسى دا،كۇش-قايراتى دا جەتكەن. ەندىگى ءبىزدىڭ مىندەتىمىز- ءوزىمىز جاقسى كورەتىن،وزگەلەر قىزىعاتىن بەرەكەلى باقىتىمىز-تاۋەلسىزدىككە كوزدىڭ قاراشىعىنا قاراعانداي قاراپ،ەڭبەكپەن باقىتىمىزدى ودان ءارى باياندى ەتۋگە كۇش سالۋ. تاۋەلسىز قازاقستاننىڭ تاۋەلسىز ويلايتىن بىلىمگە قۇشتار جاسى بولعاندىقتان،ەلىمىزدىڭ وتكەنىن سىيلاپ،قۋات الىپ،بۇگىنىنە شۇكىرلىك ەتىپ،بولاشاعىنا سۇبەلى ۇلەس قوسسام دەگەن ويلارىم دا بار. ساباق بارىسىندا العان كەرەمەت ءبىلىم كوزى مەنى كۇن سايىن، سايىن دالانىڭ تاۋسىلماس ارماندارىمەن ارباپ،العا جەتەلەيدى. نە دەگەن ۇشان-تەڭىز ءبىلىم مەن عىلىم! وسىنىڭ ءبارىن ءبىزدىڭ العىر اتا-بابالارىمىز مەڭگەرىپ،كەيىنگە قالدىردى. ءبىز سولاردان قانشا دامىعان داۋىردە ءومىر ءسۇرىپ جاتقاندىقتان،ولاردان دا كوپ ءبىلىمدى بولۋعا ءتيىستى ەكەنىمىزدى ويلايمىن. ويلايمىن دا،قايران قالام. قازاق دەگەن تۋمىسىنان كەڭدىككە قۇشتارلىعىمەن، ءبىلىمدى يگەرگىشتىگىمەن، ونەرگە بەيىمدىگىمەن جات جۇرتتى تاڭقالدىرىپ كەلگەن. سولاي ەكەن، ءبىز دە جاڭالىققا قولى بارىنشا جەتىپ تۇرعان باقىتتى ۇرپاق ەكەنىمىزگە قۋانىپ،تەرەڭ عىلىمنىڭ تۇنىعىنا كوز تاستاپ،ءوز بولاشاعىمىزدى ءوزىمىز بۇرىنعىدان دا قۋاتتى،قايراتتى ەتۋگە قادام  باساتىن ۋاقىت جەتتى.

ەلىمىزدىڭ باقىتى-ەركىندىگىندە. بايلىعى-تىنىشتىعىندا. قۋاتى-ونەرى مەن بىلىمىندە. بولاشاعى- پاراساتتى جاستارىندا. سول پاراساتقا لايىق تۇلعا بولۋ ءار جاستىڭ ارمانى بولسا،قازاق ەلى كورەگەن بابالار كوكسەگەن،مۇراتى ايقىن ماڭگىلىك ەل بولاتىنى انىق. شەت مەملەكەتتەردە ءبىلىم الىپ جاتقان قانشاما جاستىڭ بولاشاققا ارناعان ماقسات-مۇددەسى ەل بولاشاعىمەن مۇددەلەس بولاتىن بولسا،وندا ءبىزدىڭ ءوزىمىز ارمانداعان ماڭگىلىك باقىتتى ەلگە اينالاتىنىمىزعا سەنۋگە بولادى. جاقسى وي،جاقسى ءۇمىت، اسىل ارماندار عانا ادامدى العا جەتەلەگەن. ءبىزدىڭ تاۋەلسىز، جاس،جاس تا بولسا جاسامپاز مەملەكەتىمىزگە تاۋەكەلشىل،باستاماشىل قامقور قايراتكەرلەرىمىزدىڭ قولداۋى كەرەك. جاڭالىققا قاراي بار پارمەنىمەن جان سالىپ قادام باسقان مەنىڭ وتانىم قازاقستانداي ەل باسقا ەش جەردە جوق. مەن ءوز ەلىممەن،ونىڭ ءمولدىر اۋاسى،كوركەم تابيعاتى،دارحان دالاسى،جومارت پەيىلى،كەڭ جۇرەكتى بولمىسىمەن ءبىر ءومىر ماقتانامىن جانە ونىڭ ءوزىم قولداي الاتىن ءاربىر ارەكەتىنە تامشىداي ۇلەسىمدى قوسا ءجۇرىپ،ءسات سايىن باقىتتىڭ نە ەكەنىن سەزىنەتىنىمە قۋانامىن. مىنە،مەن ءوز ەلىمدى،تاۋەلسىز قازاقستانىمدى وسىلاي سۇيەمىن!

---