InfoHub Logo

قىزىلوردا قالاسى №8 مەكتەپ-ينتەرنات
وقۋشىسى اسانوۆا گۇلسەزىم
تاربيەشىسى اياپوۆا راۋشان 

وتان وتباسىنان باستالادى دەپ بەكەر ايتپاعان. ءاربىر ادامزاتتىڭ — التىن ۇياسى دەسە الدىمەن وتباسى ويىمىزعا ورالا كەتەدى. بالا وتباسىندا اكەدەن اقىل، انادان مەيىرىم الادى. مەن ءوز وتباسىمدى ماقتان تۇتامىن. ءبىزدىڭ وتباسىن ۇلكەن وتباسى دەسە دە بولادى. مەن ءوز وتباسىم جايلى تولىعىراق ايتقىم كەلەدى. مەنىڭ وتباسىمدا جەتى ادام بار. ولار: اتام جانە اجەم، انام مەن اكەم، تاتەم مەن ءىنىم جانە مەن. ءبىزدىڭ وتباسىمىز باقىتتى. وتباسىنىڭ تىرەگى — سۇيىسپەنشىلىك، بىرلىك جانە سەنىم. وتباسى جوق ادام قاناتسىز قۇسپەن تەڭ. ال ءبىر-بىرىن سىيلاپ، ءبىرىن-بىرى سۇيىسپەنشىلىككە بولەپ وتىرعان وتباسىسى، بار ادامدار وتە باقىتتى جاندار. سەبەبى قانداي دا ءبىر قيىنشىلىق بولعان جاعدايدا، وتباسىڭنىڭ اۋىزبىرشىلىگى مىقتى بولسا، كەز كەلگەن قيىنشىلىقتان جۇمىلعان جۇدىرىقتاي وتە شىعاسىڭ. ال مەن ءوزىمدى ەڭ باقىتتى جانعا تەڭەيمىن. سەبەبى مەنىڭ وتباسىم قاسىمدا. ماعان اقىلىن ايتىپ وتىراتىن اتام، ماڭدايىم يىسكەپ اينالىپ وتىراتىن اجەم بار. وتباسىنىڭ بارلىق جاعدايىن جاساپ قامقورلىق كورسەتەتىن اكەم، ءدامدى اسىن دايىنداپ، كۇننىڭ شۋاعىنداي مەيىرىمگە بولەيتىن انام بار. بىلمەگەنىمدى ۇيرەتەتىن تاتەم، مەنىڭدە كىشكەنە بولسا دا ەرەسەك ەكەنىمدى ەسكە ءجيى تۇسىرەتىن ءىنىم بار. ءبىزدىڭ وتباسىنىڭ ەرەكشەلىگى داستارقان باسىندا ءاردايىم اتامنىڭ استى باستاۋىمەن جانە تاماقتان كەيىن باتا بەرگەن سوڭ عانا ورنىمىزدان تۇرامىز. اجەم ءبىر بىرىمىزگە سويلەگەندە جىلى دا مەيىرىممەن سويلەۋىمىزدى ءاردايىم ايتىپ وتىرادى. سەندەر ءبىر بىرىڭە قوناقسىڭدار. ءاردايىم ءبىر ءبىرىڭدى ءبىرىنشى كورگەندەي جانە ۇزاق ۋاقىتتا ساعىنىپ كورگەندەي باعالاڭدار دەيدى. مەن وتباسىمنىڭ وسى قالپىنان تايماي، باقىتتى عۇمىر كەشكەنىن قالايمىن.

---