InfoHub Logo

"مەنىڭ وتباسىم"
ماقساتى: بالالارعا وتباسى تۋرالى تۇسىنىك بەرۋ، ءوز جانۇياسى تۋرالى اڭگىمەلەۋگە ۇيرەتۋ. ويىن ارقىلى ەستە ساقتاۋ قابىلەتىن، قارىم قاتىناس داعدىلارىن دامىتۋ. وتباسىنا دەگەن سۇيىسپەنشىلىككە تاربيەلەۋ.
ادىستەر: اڭگىمەلەۋ، جۇمباق، تاقپاق ايتۋ، ويىن، سۇراق - جاۋاپ، سەرگىتۋ، شاتتىق شەڭبەرى.
كورنەكىلىكتەر: وتباسى سۋرەتتەرى، قۋىرشاقتىڭ كيىمدەرى، ماكەتى.

ساباقتىڭ بارىسى
شاتتىق شەڭبەرى:
كوتەرىلىپ شاڭىراق،
ۋىقتارى شانشىلار.
كەرەگەلەر كەرىلىپ،
ورىمدەي بوپ ورىلەر.
ءبارىمىز جۇرسەك اينالىپ،
كيىز ءۇي بولىپ كورىنەر.

- بالالار، ءبىز قانداي زاتتىڭ بەينەسىن جاسادىق؟
- ال، كيىز ۇيدە كىمدەر تۇرادى؟
- ولاردى ءبىر سوزبەن قالاي اتايمىز؟
- دۇرىس ايتاسىڭدار.
بۇگىنگى ءبىزدىڭ تاقىرىبىمىز ءوز وتباسىمىز تۋرالى بولماق.
بالالار، اينالامىزعا قاراساق، كوپتەگەن ۇيلەردى كورەمىز.
ول ۇيلەردە كىمدەر تۇرادى دەپ ويلايسىڭدار؟
- ءيا، بالالار، بارلىق ءۇيدىڭ ءوز وتباسى بولادى ولار ءبىر - بىرىمەن تاتۋ - ءتاتتى تۇرادى.
- قانە، بالالار مەن سەندەرگە ءبىر جۇمباق جاسىرايىن، شەشۋىن تاۋىپ كورەيىك.

جۇمباق: ونسىز قىزىق جوق ماعان، ونسىز باقىت جوق ماعان.
ول ءار بالانىڭ پاناسى، ول نە ەكەن، بالالار؟ (وتباسى)
- مىنە بالالار، بۇل جۇمباقتىڭ شەشۋى وتباسى ەكەن
- ولاي بولسا ءبارىمىز تاقتاعا نازار اۋدارايىقشى.
بۇل سۋرەتتە كىمدەردىڭ سۋرەتىن كورىپ تۇرسىڭدار؟
- ءيا، بۇل سۋرەتتە سۇيىسپەنشىلىگى مول، ءبىر - بىرىنە ىستىق ىقىلاسپەن، ايالى سەزىممەن قاراپ وتىرعان داستارحان باسىنداعى وتباسى مۇشەلەرىن كورىپ وتىرمىز.
وتباسى تۋرالى اڭگىمەلەۋ.
ويىن: " مىناۋ كىم؟"
ماقساتى: بالالاردى تاپقىرلىققا، ەستە ساقتاۋ قابىلەتىن دامىتۋعا باۋلۋ.
شارتى: وتباسىنداعى مۇشەلەردىڭ اتىن اتاپ، جاسىرىنعان وتباسى مۇشەسىن تابۋ.
سەرگىتۋ جاتتىعۋى: اتامنىڭ الىپ كۇرەگىن،
اۋلانىڭ قارىن كۇرەدىم.
اجەمە مەن قۇدىقتان،
سۋ اكەلىپ بەرەمىن.
ەدەندى دە جۋامىن،
شاڭ - توزاڭدى قۋامىن.
ويىن سۇراق: " كوڭىلدى دوپ"
- وتباسى مۇشەسىن اتا.
- وتباسىندا كىمدى جاقسى كورەسىڭ؟
- وتباسىندا كىمگە سىيلىق جاسايسىڭ؟
- اناڭا قالاي كومەكتەسەسىڭ؟
- ۇيگە قوناق كەلگەندى ۇناتاسىڭ با؟
- داستارحان باسىندا ءوزىڭدى قالاي ۇستايسىڭ؟
- ۇيدەگى ىنىڭە، قارىنداسىڭا قالاي كومەكتەسەسىڭ؟
- جارايسىڭدار، بالالار، وتە جاقسى.
ۇستەل ءۇستى ويىنى:
"قۋىرشاقتى كيىندىرەمىز"
ماقساتى: بالالاردى ادامگەرشىلىككە، سىيلاستىققا، مەيىرىمدىلىككە، شاپشاڭدىققا تاربيەلەۋ.
شارتى: قاتتى قاعازدان قيىلعان قۋىرشاق ماكەتىن كيىم ۇلگىسىمەن كيىندىرۋ.
بالالاردىڭ جۇمىسىن ماداقتاۋ.
- بالالار، قۋىرشاققا وتە جاقسى كيىمدەرىن كيىندىرە بىلدىڭىزدەر، ادامگەرشىلىك، مەيىرىمدىلىك قاسيەتتەرىڭىزدى كورسەتە بىلدىڭىزدەر.
- وتە جاقسى بالالار.

قورىتىندى: ءبىز بۇگىن وزىمىزگە ەڭ جاقىن، ەڭ قىمبات وتباسىمىز تۋرالى اڭگىمەلەدىك. ءبىز ولاردى جاقسى كورۋدى، سىيلاۋدى، كومەكتەسۋدى ۇيرەندىك. وتباسى ەڭ جاقىن ادامداردىڭ وشاعى ەكەنىن بىلدىك. ويىندار وينادىق. بۇگىنگى ساباققا وتە جاقسى قاتىسىپ، سۇراقتارعا جاۋاپ بەرە بىلدىڭدەر. ءبارىمىز بىرگە وتباسىمىزعا تىلەك سوزدەر ايتىپ، بۇگىنگى ساباعىمىزدى اياقتايمىز!