InfoHub Logo

ءبىلىم بەرۋ سالاسى: كوممۋنيكاسيا
ۇيىمداستىرىلعان وقۋ قىزمەتى: سويلەۋدى دامىتۋ.
تاقىرىبى: مەنىڭ وتباسىم.
ماقساتى: بالالارعا وتباسى مۇشەلەرى تۋرالى تۇسىنىك بەرۋ. وتباسىنداعى ءوزارا سىيلاستىق قارىم - قاتىناس داعدىلارىن دامىتۋ. ۇلكەنگە ىزەت كورسەتىپ، كىشىگە قامقور بولا بىلۋگە، ادامگەرشىلىككە تاربيەلەۋ.
قولدانىلاتىن كورنەكى قۇرالدار: سلايد، ديداكتيكالىق ماتەريالدار، بۋكلەت، سۋرەتتەر
ءادىس - تاسىلدەرى: ءتۇسىندىرۋ، سۇراق - جاۋاپ، ويىن.

موتيۆاسيالىق - قوزعاۋشىلىق
شاتتىق شەڭبەرى: ارايلاپ تاڭ اتتى،
التىن ساۋلە تاراتتى.
قايىرلى كۇن،
قايىرلى تاڭ، دوستار.
سەندەردى كورسەم قۋانام.

ۇيىمداستىرۋشىلىق - ىزدەنىستىك
- بالالار ءقازىر جىلدىڭ قاي مەزگىلى؟
- قىس ايلارىن بىلەسىڭدەر مە؟

- قىس مەزگىلىنىڭ باسقا مەزگىلدەردەن
ايىرماشىلىعى قانداي؟
- قىس مەزگىلى نەسىمەن قىزىقتى؟

- بالالار بۇگىن ءبىز وتباسى تۋرالى اڭگىمەلەسەمىز. وتباسى دەگەن ءسوزدى قالاي تۇسىنەسىڭدەر؟ وتباسى دەگەنىمىز اتا - انا جانە جاقىن تۋىستارىڭىز، ياعني ءبىر ۇيدە تۇراتىن ادامدار. ۇيدەگى اتالارىڭ مەن اجەلەرىڭ وتباسىنداعى ەڭ ۇلكەندەر، سوندىقتان سەندەر ولاردى قۇرمەتتەپ، سىيلاۋلارىڭ كەرەك. ال اكە مەن انا سەندەردىڭ ەڭ جاقىن ادامدارىڭ. (سلايد كورسەتە وتىرىپ، وتباسى مۇشەلەرىن تانىستىرۋ). - بۇلاردى ءبىر سوزبەن قالاي دەپ ايتامىز؟
- اجەمىز، اتامىز، انامىز، اكەمىز، اعا - اپكەلەرىمىز ءبىزدى ەركەلەتىپ اتايدى. ولار سەندەردى «كۇنىم، ايىم، جۇلدىزىم» دەپ اسپانداعى عاجايىپ نارسەلەرگە تەڭەيدى.
- قانە، وتباسىندا سەندەردى كىمدەر جانە قالاي ەركەلەتەدى ەكەن. ەسىمىزگە ءتۇسىرىپ ايتىپ كورەيىكشى.

- وتباسى تۋرالى قانداي تاقپاق بىلەسىڭدەر؟

1 - بالا:
وتباسى ول باقىت،
وتباسى ول اتا - انا،
وتباسى ول شاڭىراق.

2 - بالا:
اتامنان باستالار،
اجەمنەن قوستالار.
وتباسى مىنالار،
ەڭ جاقىن ادامدار.

3 - بالا:
اتادان اقىل الامىز،
اتامىز ءبىزدىڭ پانامىز.
اتامىز ءبىزدىڭ دانامىز،
اتاداي ادام بولامىز.

4 - بالا:
اتا مەنەن انانىڭ،
ايتقان ءتىلىن الامىن.
ۇلكەن - كىشى جۇمساسا،
قايدا بولسىن بارامىن.

سەرگىتۋ ءساتى: تەربەلەدى اعاشتار،
جەل ەسەدى الدىمنان.
كىپ - كىشكەنە اعاشتار،
ءبىپ - بيىك بوپ وسەدى.

ساناماق:
باس بارماعىم - اتام ءۇيدىڭ داناسى،
بالاڭ ۇيرەك - اجەم وتاۋ پاناسى.
ورتان تەرەك - اكەم ءۇيدىڭ تىرەگى،
شىلدىر شۇمەك انام، شاڭىراق اجارى.
كىشكەنە بوبەك - مەن ءبارىنىڭ بازارى

ديداكتيكالىق ويىن: «بەس ساۋساق». ويىن شارتى: تاقتاعا بەس ساۋساق ىلىنەدى. بەس ساۋساققا وتباسى مۇشەلەرىنىڭ سۋرەتتەرىن ءبىر - بىرلەپ جاپسىرىپ، اتاپ
شىعادى.

مەيىرىم شەڭبەرى: شەڭبەرگە تۇرىپ ءوز وتباسىلارىنا ارناپ جىلى لەبىزدەرىن ايتادى.

اتىراۋ وبلىسى، جىلىوي اۋدانى،
قۇلسارى قالاسى، № 19 جالپى ورتا ءبىلىم بەرەتىن مەكتەپتىڭ
شاعىن ورتالىق تاربيەشىسى سۇندەتوۆا كۇنزيرا راحىم قىزى

مەنىڭ وتباسىم. جۇكتەۋ