InfoHub Logo

ءبىلىم بەرۋ سالاسى: قاتىناس. الەۋمەتتىك ورتا.
ءبىلىم كوزدەرى: قورشاعان ورتامەن تانىستىرۋ.
تاقىرىبى: قازاقستان رەسپۋبليكاسىنىڭ رامىزدەرى.
ماقساتى: قازاقستان رەسپۋبليكاسىنىڭ رامىزدەرىمەن تانىستىرۋ. رامىزدەردى تانىپ، ءبىلىپ، ايتىپ بەرۋگە ۇيرەتۋ. قازاقستان رەسپۋبليكاسىنىڭ رامىزدەرىنە قۇرمەتپەن قاراۋعا تاربيەلەۋ.
كورنەكىلىكتەرى: قازاقستان رەسپۋبليكاسىنىڭ رامىزدەرىنىڭ سۋرەتى، سلايد.
ءادىس - تاسىلدەرى: سوزدىك، كورنەكىلىك، ويىن.

ساباقتىڭ ءجۇرۋ بارىسى:
بالالار شاتتىق شەڭبەرىن قۇرىپ، ولەڭ جولدارىن ايتادى.
ءبىر شاڭىراق استىندا،
تاتۋ ءتاتتى تۇرامىز.
بىرگە ىشەمىز استى دا،
بىرگە سايران قۇرامىز.
سۇراقتارعا جاۋاپ الۋ.
- ءقازىر جىلدىڭ قاي مەزگىلى؟
- كوكتەم مەزگىلى نەشە ايدان تۇرادى؟
- كوكتەمدە قانداي وزگەرىستەردى بايقايسىڭدار؟ ت. ب.
كىرىسپە اڭگىمە
- بالالار، ءبىزدىڭ رەسپۋبليكامىز قالاي اتالادى؟
- باس - قالامىز قاي قالا؟
- ءبىزدىڭ ەلباسىمىز قازاقستان رەسپۋبليكاسىنىڭ پرەزيدەنتى نۇرسۇلتان ءابىش ۇلى نازاربايەۆ. نۇرسۇلتان نازاربايەۆ - ءوزى ەڭبەكقور، ءبىلىمدى، ىزدەمپاز. ول ءوزىنىڭ وسىنداي ەڭبەكقورلىعىنىڭ ارقاسىندا مەملەكەتىمىزدىڭ باسشىسى بولىپ وتىر.
قازاقستان رەسپۋبليكاسىنىڭ ءانۇرانىنىڭ ءانىن جازعان ءشامشى قالداياقوۆ، ءسوزىن جازعاندار - جۇمەكەن ناجىمەدەنوۆ، نۇرسۇلتان نازاربايەۆ. ءبىز ءاندى ورىنداعان كەزدە قولىمىزدى جۇرەكتىڭ تۇسىنا قويامىز. ويتكەنى ءبىز مەملەكەتىمىزدى جۇرەگىمىزبەن جاقسى كورەمىز.

تۋدىڭ ءتۇسى - كوك، تۋدىڭ سول جاق جيەگى قازاق حالقىنىڭ ويۋىمەن ورنەكتەلگەن. تۋدىڭ ورتاسىندا سارى ءتۇستى شۇعىلالى التىن كۇن. التىن تۇسپەن سارى ءتۇس بايلىقتى، مولشىلىقتى بىلدىرەدى. كۇننىڭ استىندا بۇركىت، قىران قۇس - ەركىندىك، بىرلىكتىڭ بەلگىسى.

قازاقستان رەسپۋبليكاسىنىڭ مەملەكەتتىك ەلتاڭباسى – دوڭگەلەك نىساندى جانە كوگىلدىر ءتۇس اياسىنداعى شاڭىراق تۇرىندە بەينەلەنگەن، شاڭىراقتى اينالا كۇن ساۋلەسىندەي تاراپ ۋىقتار شانشىلعان. شاڭىراقتىڭ وڭ جاعى مەن سول جاعىندا اڭىزدارداعى قاناتتى پىراقتار بەينەسى ورنالاستىرىلعان. جوعارعى بولىگىندە – بەس بۇرىشتى كولەمدى جۇلدىز، ال تومەنگى بولىگىندە «قازاقستان» دەگەن جازۋ بار.

بايتەرەك 2002 جىلى استانا قالاسىندا اشىلدى. بايتەرەك استاناداعىەڭ بيىك عيمارات. بايتەرەكتىڭ جوعارعى جاعىندا التىن تۇستەس شار ورنالاسقان.
- بالالار، رامىزدەر، قالالار تۋرالى قانداي تاقپاق، ماقالدار بىلەسىڭدەر؟

گاۋھار: اينىمايدى اسپاننان،
ءبىزدىڭ تۋدىڭ بوياۋى.
ونى حالىق قاشاندا،
بيىككە ءىلىپ قويادى.

ايارۋ: ەلتاڭباسى ەلىمنىڭ،
نەتكەن ءايبات، ادەمى،
تۇنىعىنداي كوڭىلدىڭ،
ورتادا - اسپان الەمى.

اتىراۋ وبلىسى، جىلىوي اۋدانى،
قۇلسارى قالاسى، № 19 جالپى ورتا ءبىلىم بەرەتىن مەكتەپتىڭ
شاعىن ورتالىق تاربيەشىسى سۇندەتوۆا كۇنزيرا راحىم قىزى

قازاقستان رەسپۋبليكاسىنىڭ رامىزدەرى. جۇكتەۋ