InfoHub Logo

اسەتوۆا زارينا ماحمۋت قىزى                                              
سىرىم اۋدانى جامبىل اۋىلى
جبب جامبىل نەگىزگى مەكتەبىنىڭ
باستاۋىش سىنىپ ءمۇعالىمى

«ەل ەسىندە ءبىر جىل قالعىن كەلسە-اس بەر، ون جىل قالعىڭ كەلسە-اعاش وتىرعىز، ال ماڭگى قالعىڭ كەلسە-بالا تاربيەلە»  دەيدى حالىق دانالىعى. مەن ءۇشىن ەڭ قاستەرلى دە، قاسيەتتى ماماندىق ول - ۇستازدىق.

«ۇستازدىق ەتكەن جالىقپاس، ۇيرەتۋدەن بالاعا» دەپ ۇلى اباي اتامىز ايتقان وسىناۋ قاستەرلى ماماندىقتىڭ يەسى اتانعانىما 3 جىلدان اسا ۋاقىت بولدى. قيىنى مەن جەڭىلى، قىزىعى مەن قۋانىشى مول بولعان ەڭبەك جولىنداعى پەداگوگيكالىق ۇستانىمىم - ۇنەمى جاڭالىققا ۇمتىلىپ، الدىڭعى قاتاردان كورىنۋ جانە ءار وقۋشىنىڭ بويىنان جاقسىلىق تاۋىپ، بۇلاقتىڭ كوزىن اشۋ ارقىلى بيىك ماقساتتارعا جەتەلەۋ.

«انا مەيىرىمى مەن ۇستاز مەيىرىمى ەگىز» دەمەكشى، ادام بالاسىنىڭ ومىرىندەگى قاسيەتتى انانىڭ ءبىرى بولىپ تابىلاتىن ۇستازدىق قىزمەت سونىڭ ىشىندە باستاۋىش سىنىپ ءمۇعالىمى بولۋ اسا جاۋاپكەرشىلىكتى ءىس دەپ بىلەمىن. وسىنداي جاھاندانۋ زامانىندا تۇسپا-تۇس كەلگەن ءبىزدىڭ   شاكىرتتەرىمىزدىڭ بويىندا ۇلتتىق رۋحىمىزدى ءسىڭىرىپ، ءتىلى مەن ءدىنىن، ءدىلىن بەرىك ۇستانعان ۇرپاق وقىتۋ، تاربيەلەۋ بارىسىندا باستاۋىش سىنىپ ءمۇعالىمىنىڭ موينىنا جۇكتەلەتىن مىندەت زور. مەنىڭ پەداگوگ رەتىندەگى باستى ۇستانىمىم - ءوز ۇلتىما رۋحاني دىڭگەگى مىقتى، قازاق ەلىن الەمدىك  كەڭىستىككە ەركىن سامعاتا الاتىنداي، ءبىلىم مەن تاربيە دەپ اتالاتىن قوس قاناتىن قومداعان زامانىنا ساي ۇرپاق تاربيەلەۋگە ءوز ۇلەسىمدى قوسۋ.

 ۇلى اباي “ادامنىڭ ادامشىلىعى جاقسى ۇستازدان بولادى”، دەپ ايتقانى بەلگىلى. ادامزات بالاسىنىڭ التىن ءتاجى، اسىلى پايعامبارىمىز  مۇحاممەد س.گ.س  حاديس شاريفىندە بىلاي دەيدى: «ادام بالاسىنىڭ بويىندا ءبىر كەسەك ەت بار، ەگەر سول ەت  دۇرىس بولسا، سول ادام دۇرىس  بولعانى، ال ەگەر سول ەت دۇرىس بولماسا وندا بارلىق  دەنە بۇلىنەدى».  ال ۇلى اعارتۋشى احمەت بايتۇرسىنوۆ: «مەكتەپتىڭ جانى — ءمۇعالىم. ءمۇعالىم قانداي بولسا، مەكتەبى ءھام سونداي بولماقشى، ياعني ءمۇعالىم ءبىلىمدى بولسا، بىلگەن ءبىلىمىن باسقاعا ۇيرەتە بىلەتىن بولسا، ول مەكتەپتەن بالالار كوبىرەك ءبىلىم ءبىلىپ شىقپاقشى. سولاي بولعان سوڭ، ەڭ اۋەلى، مەكتەپكە كەرەگى — ءبىلىمدى، پەداگوگيكا، مەتوديكادان حاباردار، وقىتا بىلەتىن ءمۇعالىم»، — دەگەن.

مەن اقپارات كەڭىستىگىنەن حابار الىپ، ساباقتاردىڭ قالاي ءوتۋ بارىسىن كورىپ، وزگە ۇستازداردان اقىل-كەڭەس الىپ وتىرامىن. ustaz.kz sabak.kz، bilimland ت.ب. كوپتەگەن سايتتارعا كىرىپ تۇرامىن.

باستاۋىش سىنىپتاردى وقىتۋ بارىسىندا ينتەراكتيۆتى مودۋلدىك  تەحنولوگيالاردىڭ ءادىسىن قولدانامىن.  كەلەشەكتە ءوز ادىستەمەلىك تەحنولوگيالارىم مەن ساباق ۇيرەتۋ شەبەرلىگىمدى جەتىلدىرۋ ءۇشىن مىناداي جۇمىستار جۇرگىزۋ قاجەت دەپ بىلەمىن:

— ۇزدىكسىز بىلىكتىلىگىمدى كوتەرىپ وتىرۋ؛

— ارنايى ادەبيەتتەردى وقۋ؛

— وقىتۋدىڭ جاڭا ادىستەرى مەن تەحنولوگيالارىن ەندىرىپ وتىرۋ؛

— وزىندىك ساراپ جۇرگىزۋ ارقىلى ۇزتازدىق شەبەرلىكتى جەتىلدىرۋ.

قازىرگى اقپاراتتىق تەحنولوگيانىڭ زامانىندا  ۇرپاعىمىزدىڭ بويىندا كىتاپ وقۋ ءۇردىسى كەنجەلەپ قالعان. وسى كەمشىلىكتى جويۋ بارىسىندا   شاكىرتتەرىمە كىتاپ وقۋعا كوپتەگەن تاپسىرمالار بەرەمىن. «پوەزيا باسپالداعى» اتتى ۇيىرمەمدە بالالاردى قازاق حالقىنىڭ مارجان  سوزدەرىمەن سۋسىنداتۋعا، كىتاپ وقۋعا باۋلىيمىن.

حالقىمىزدا «جاس كەلسە - ىسكە» دەگەن كەرەمەت ءسوزى بار. دەمەك مەن بويىمداعى جاستىق جىگەرىمدى، كۇش قۋاتىمدى، جاڭاشىلدىعىمدى شاكىرت  تاربيەلەۋگە جۇمساۋىم كەرەك دەپ ويلايمىن. بولاشاقتا ءوز وقۋشىلارىمدى بيىك بەلەستەردەن كورسەم، سول ءۇشىن ءوزىمنىڭ كىشكەنە دە بولسا   ۇلەسىم تيگەن بولسا، مەن ءوزىمدى باقىتتى ۇستاز، باقىتتى ادام دەپ بىلەمىن.

---