InfoHub Logo

سۇتتەن ءدامى ءتىل ۇيىرەتىن كوكتەيل جاساۋدى بىلەسىز بە؟ سىزدەرمەن سۇتتەن جاسالاتىن كوكتەيلدەردىڭ كەرەمەت رەسەپتەرىمەن بولىسپەكشىمىز. ال ەندى، بلەندەرلەرىڭىزدى دايىنداڭىزدار!

ءبارىمىز قاراپايىم ءۇش ينگرەديەنتتەن – بانان، ءسۇت جانە بالمۇزداقتان ءدامدى ءسۇتتى كوكتەيلدى جىلدام دايىنداۋعا بولاتىنىن بىلەمىز.

الايدا، سۇتتەن جاسالاتىن كوكتەيلدەردىڭ سانى مۇنىمەن شەكتەلمەيدى: اس ۇيىڭىزدە ءسۇت، بالمۇزداق جانە بلەندەر بولسا، وندا ءوز قيالىڭىزعا ەرىك بەرىپ قاراپايىم رەسەپتپەن ءدامى ءتىل ۇيىرەتىن كوكتەيل دايىنداي الاسىز نەمەسە بالمۇزداق جانە باسقا دا تاتتىلەردى قولدانباي پايدالى جانە ديەتالىق كوكتەيل دايىنداۋىڭىزعا بولادى.

ءارتۇرلى سۇتتەردى قولدانىپ كورىڭىز

ەگەر دە ءسىز سيىر ءسۇتىنىڭ ءدامىن ۇناتپايتىن بولساڭىز نەمەسە ۆەگان ديەتاسىن ۇستاناتىن بولساڭىز، نازىك ءسۇتتى كوكتەيلدەن باس تارتۋدىڭ قاجەتى جوق.

ءسۇتتىڭ وسىمدىكتى نۇسقالارىنا دەن قويىڭىز: بادام، كۇنجۇت، كۇرىش، سويا جانە كوكوس سۇتتەرىنىڭ قاراپايىم سۇتتەرگە قاراعاندا ءبىرقاتار ارتىقشىلىقتارى بار. مىسالى، ءارقايسىسىنىڭ وزىنە ءتان قايتالانباس ءدامى بار، سونىمەن قاتا ربارلىعى دەرلىك  ە جانە D دارۋمەندەرىنە باي ءارى تومەن كالوريالى ونىمگە جاتادى.

ءسىز ءتىپتى، سيىر ءسۇتتىن ىشۋگە ۇيرەنگەن بولساڭىز دا، جوق دەگەندە ءبىر رەت ايتالىق، كوكوس سۇتىمەن جاساپ كورىڭىز. سۋسىننىڭ ءدامىنىڭ وزگەرگەنىن بىردەن بايقايسىز جانە ونى باسقا دا دامدەرمەن ۇيلەستىرىپ كورگىڭىز كەلەدى.

كوكتەيلدى تولىققاندى تاعامعا اينالدىرىڭىز

ءبىز ميلكشەيكتاردى (milkshake – ءسۇتتى كوكتەيل) دەسەرتتى سۋسىن رەتىندە قابىلداۋعا ادەتتەنىپ قالعانبىز، ولاردى تەك بالالار مەن ءتاتتىقۇمارلار ءسۇيسىنىپ ىشەدى.

مۇنداي «ءتاتتى» كوكتەيلدەردىڭ سۇيىكتى سۋسىنعا بىردەن اينالىپ كەتۋى بەكەر ەمەس. ويتكەنى، باسىندا ولاردى بارلىق ءشارباتتاردى، قانتتى، بالمۇزداقتى جانە شوكولادتار مەن قۇلپىنايدى قولدانىپ، وتە ءتاتتى ەتىپ دايىنداعان.

قۋانىشقا وراي، قازىرگى تاڭدا ءسۇتتى كوكتەيلدەردى سالاۋاتتى ءومىر سالتىن ۇستاناتىندار دا جاساۋدى ۇناتادى. ويتكەنى، كوكتەيلدىڭ ەش زيانى جوق، ول قانىق دامىمەن ادام اعزاسىنا وتە پايدالى. وعان قۇنارلى زاتتاردى قوسىپ (مىسالى، اقۋىز)، كوكتەيلدى تويىمدى تىسكەباسارعا نەمەسە ءتىپتى، ناعىز تاماققا اينالدىرا الاسىز!

سۋپەرفۋدتاردى قولدانىڭىز

سۇتتەن كوكتەيل دايىنداماق بولساڭىز، قانتپەن بالمۇزداقتى جەمىستەرگە الماستىرىڭىز. سوندا سۇلۋ ءمۇسىنىڭىز (جانە سالماعىڭىز بەن اعزاڭىز) سىزگە العىس ايتادى!

سوڭعى سۋپەرفۋدتارعا ۇيرەنگەنىسكەننەن كەيىن، ولاردى بلەندردەن وتكىزە وتىرىپ ءسۇتتى كوكتەيلدەرگە وپ-وڭاي قوسا الاسىز. شىندىعىندا، ونداي قوسپالاردىڭ باسىم بولىگىن سەزبەي دە قالاسىز: چيا داندەرى، زىعىر داندەرى، اساي جەمىسىنىڭ ۇنتاعى بانان مەن سۇتتەن جاسالعان كوكتەيلدىڭ ءدامىن وزگەرتپەيدى. ال اعزاڭىز ايىرماشىلىقتى بىردەن سەزىنەدى. سۋپەرفۋدتار كوكتەيلدى قۇنارلى جانە پايدالى ەتەدى، انتيوكسيدانتتارعا، دارۋمەندەر مەن مينەرالدارعا بايىتادى، مەتابوليزمىڭىزدى جاقسارتىپ، يممۋندىق جۇيەڭىزدى كۇشەيتەدى.

تاتتىلەردى رەتتەڭىز

بالمۇزداق پەن قانت قوسپاي ءتاتتى ءسۇتتى كوكتەيل دايىنداۋ مۇمكىن بە؟ البەتتە، دايىنداعاندا دا قانداي! سىزگە بار بولعانى تابيعي قانت الماستىرعىش تابۋ كەرەك.

ءبىزدى دۇرىس ءتۇسىنىڭىز: ءبىز دە بالمۇزداق پەن سۇتتەن دايارلانعان كوكتەيلدەن اسقان ءدامدى ەشنارسە جوق دەپ ەسەپتەيمىز. ءبىراق، «سۇلۋلىق – قۇرباندىقتى تالاپ ەتەدى» دەمەكشى، مۇنداي ارتىق كالوريامەن سۇلۋلىققا قيانات جاسامايىق.

سۇتتەن جاسالعان كوكتەيلدەردىڭ تاتتىلىگىن قانت، بالمۇزداق جانە شارباتپەن رەتتەۋدىڭ قاجەتى جوق. بانان، قۇرما، بال، ستيەۆيا، كوكوس جانە ءجۇزىم قانتى سياقتى پايدالى تاتتىلەندىرگىشتەردى پايدالانىڭىز.

رەسەپتەرگە كوشەيىك. نازار اۋدارىڭىز، بارلىق كوكتەيلدەردى جاساۋ ءۇشىن بلەندەر مەن ءسۇت قاجەت. ءبىز ەڭ قاراپايىم جانە تەز رەسەپتەردى بەرۋگە تىرىستىق. كوكتەيلدەرگە ساي كەلەتىن بىرنەشە ويلار مەن ينگرەديەنتتەردى ۇسىندىق، ولاردى ءوز قالاۋلارىڭىزبەن قولدانا الاسىزدار.

باناندى ءسۇتتى كوكتەيل

باناندى ءسۇتتى كوكتەيلدىڭ ۇلكەن ءبىر ۇلەسىن دايىنداۋ ءۇشىن سىزگە مىناداي قوسپالار قاجەت:

•    ءسۇت – 250 مل
•    ءۆانيلدى بالمۇزداق – 1 اس قاسىق
•    تۋرالعان بانان – 2 دانا
•    كوپىرشىتىلگەن كىلەگەي – دامىنە قاراي
•    دارشىن – دامىنە قاراي
•    ءبىر دانا بالعىن شيە – اسەمدىك ءۇشىن

1. بلەندەردىڭ ىدىسىنا ءسۇتتى قۇيىڭىز، بالمۇزداق پەن باناندى قوسىڭىز. بارلىق قوسپالاردى بىرتەكتى ۇلپىلدەك كونسيستەنسياعا اينالعانشا بلەندەرمەن ۇرعىلاڭىز دا بيىك ستاكانعا قۇيىڭىز.
2. كوكتەيلدى كوپىرشىتىلگەن كىلەگەي، دارشىن جانە شيەمەن اسەمدەڭىز. تۇتىكشەمەن ءىشىڭىز.

تۇرلەندىرۋگە بولاتىن زاتتار: اراحيس مايى، شوكولاد بالمۇزداعى، دارشىن، Nutella.

ءسۇت پەن بالمۇزداقتان جاسالعان شوكولادتى كوكتەيل

ءسۇت پەن بالمۇزداقتان جاسالعان شوكولادتى كوكتەيلدىڭ ۇلكەن ءبىر ۇلەسىن دايىنداۋ ءۇشىن سىزگە مىناداي قوسپالار قاجەت:

•    ءسۇت – 250 مل
•    شوكولادتى بالمۇزداق – 3 اس قاسىق
•    مارشمەللوۋ – دامىنە قاراي
•    كوپىرشىتىلگەن كىلەگەي – دامىنە قاراي
•    ۇنتاقتالعان فۋندۋك – 1 شاي قاسىق

1. بلەندەردىڭ ىدىسىنا ءسۇتتى قۇيىڭىز، شوكولادتى بالمۇزداق پەن فۋندۋك ۇنتاعىن قوسىڭىز. بارلىق قوسپالاردى بىرتەكتى قويمالجىڭ ماسساعا  اينالعانشا بلەندەرمەن ۇرعىلاڭىز دا بيىك ستاكانعا قۇيىڭىز.
2. كوكتەيلدى كوپىرشىتىلگەن كىلەگەي جانە قالاۋىڭىزشا مارشمەللوۋمەن اسەمدەڭىز. تۇتىكشەمەن ءىشىڭىز.

تۇرلەندىرۋگە بولاتىن زاتتار: قۇرما، ۇنتاقتالعان قويۋ شوكولاد، كوكوس جانتاعى.

كوكوستى ءسۇتتى كوكتەيل

كوكوستى ءسۇتتى كوكتەيلدىڭ ۇلكەن ءبىر ۇلەسىن دايىنداۋ ءۇشىن سىزگە مىناداي قوسپالار قاجەت:

•    كوكوس ءسۇتى – 250 مل
•    ءۆانيلدى بالمۇزداق نەمەسە مۇزداتىلعان يوگۋرت – 3 اس ق.
•    كوكوس جانتاعى – 4 اس ق.
•    بانان – 1 د
•    قويۋلاتىلعان ءسۇت – 2 اس ق.

1. بلەندەردىڭ ىدىسىنا ءسۇتتى قۇيىڭىز، ءۆانيلدى بالمۇزداق پەن كوكوس جارناسىن قوسىڭىز (كوكتەيلدى بانان نەمەسە قويۋلاتىلعان سۇتپەن تاتتىلەندىرىپ جىبەرسەڭىز بولادى). بارلىق قوسپالاردى بىرتەكتى قويمالجىڭ ماسساعا اينالعانشا بلەندەرمەن ۇرعىلاڭىز دا بيىك ستاكانعا قۇيىڭىز.
2. كوكتەيلدى كوكوس جانتاعىمەن نەمەسە جالبىز جاپىراعىمەن اسەمدەڭىز. تەك قانا سالقىن كۇيىندە كەڭ تۇتىكشەمەن ءىشىڭىز.

تۇرلەندىرۋگە بولاتىن زاتتار: جالبىز، كوكوس ءسۇتى، قويۋلاتىلعان ءسۇت، كوكوس جانتاعى.

بالمۇزداقتى ءسۇتتى كوكتەيل

بالمۇزداقتى ءسۇتتى كوكتەيلدىڭ ۇلكەن ءبىر ۇلەسىن دايىنداۋ ءۇشىن سىزگە مىناداي قوسپالار قاجەت:

•    ءسۇت – 250 مل
•    پلومبير بالمۇزداعى – 4 اس قاسىق
•    بال – 1 اس قاسىق
•    ۆانيل سىعىندىسى – بىر-ەكى تامشى.
•    دارشىن – شاي قاسىقتىڭ ۇشىمەن
•    ۇنتاقتالعان ءزىمبىر - شاي قاسىقتىڭ ۇشىمەن

1. بلەندەردىڭ ىدىسىنا ءسۇتتى قۇيىڭىز، ءپلومبيرلى بالمۇزداق، بال مەن ۆانيل سىعىندىسىن قوسىڭىز. دامىنە قاراي ءزىمبىر ۇنتاعى مەن دارشىن قوسىڭىز. بارلىق قوسپالاردى بىرتەكتى قويمالجىڭ ماسساعا  اينالعانشا بلەندەرمەن ۇرعىلاڭىز دا بيىك ستاكانعا قۇيىڭىز.
2. دامىنە قاراي كوكتەيلدى كوپىرشىتىلگەن كىلەگەيمەن اسەمدەپ، بەتىنە بال قۇيىڭىز. تەك قانا سالقىن كۇيىندە تۇتىكشەمەن ءىشىڭىز.

تۇرلەندىرۋگە بولاتىن زاتتار: ءزىمبىر، جاڭعاق، چيا داندەرى، بال.

قۇلپىنايلى ءسۇتتى كوكتەيل

قۇلپىنايلى ءسۇتتى كوكتەيلدىڭ ۇلكەن ءبىر ۇلەسىن دايىنداۋ ءۇشىن سىزگە مىناداي قوسپالار قاجەت:

•    ءسۇت – 300 مل
•    ءۆانيلدى بالمۇزداق نەمەسە مۇزداتىلعان تابيعي يوگۋرت – 4 اس قاسىق
•    تازارتىلعان جانە جۋىلعان قۇلپىناي – 2 ستاقان
•    قانت ۇلپاسى – دامىنە قاراي اسەمدىك ءۇشىن.
•    كوپىرشىتىلگەن كىلەگەي – دامىنە قاراي اسەمدىك ءۇشىن.
•    بالعىن قۇلپىناي - دامىنە قاراي اسەمدىك ءۇشىن.

1. بلەندەردىڭ ىدىسىنا ءسۇتتى قۇيىڭىز، تۋرالعان قۇلپىناي (الدىن الا ەزىپ الساڭىز دا بولادى)، بالمۇزداق نەمەسە يوگۋرت قوسىڭىز. بارلىق قوسپالاردى بىرتەكتى قويمالجىڭ ماسساعا اينالعانشا بلەندەرمەن ۇرعىلاڭىز دا بيىك ستاكانعا قۇيىڭىز.
2. ءدامىن قاراي كوپىرشىتىلگەن كىلەگەي، قانت ۇلپاسى جانە قۇلپىنايمەن اسەمدەڭىز. تۇتىكشەمەن ءىشىڭىز.

تۇرلەندىرۋگە بولاتىن زاتتار: بانان، كوپىرشىتىلگەن كىلەگەي، گودجي جيدەگى، ءشاربات.

سۇتتەن جاسالعان كوفەلى كوكتەيل

سۇتتەن جاسالعان كوفەلى كوكتەيلدىڭ ۇلكەن ءبىر ۇلەسىن دايىنداۋ ءۇشىن سىزگە مىناداي قوسپالار قاجەت:

•    ءسۇت – 250 مل
•    قويۋ سالقىنداتىلعان كوفە – 1/3 ستاقان
•    شوكولاد ءشارباتى – 1 اس قاسىق
•    ءۆانيلدى بالمۇزداق نەمەسە تابيعي يوگۋرت – 4 اس قاسىق
•    ۇگىتىلگەن شوكولاد - دامىنە قاراي اسەمدىك ءۇشىن.
•    كوپىرشىتىلگەن كىلەگەي - دامىنە قاراي اسەمدىك ءۇشىن.

1. بلەندەردىڭ ىدىسىنا ءسۇت پەن كوفەنى قۇيىڭىز، بالمۇزداق نەمەسە يوگۋرت، شوكولاد ءشارباتىن قوسىڭىز. ەگەر دە ءسىزدىڭ بلەندەرىڭىز مۇزدى تۋراي الاتىن بولسا، وندا بىرنەشە مۇز تەكشەلەرىن قوسىپ جىبەرسەڭىز بولادى.  بارلىق قوسپالاردى بىرتەكتى قويمالجىڭ ماسساعا  اينالعانشا بلەندەرمەن ۇرعىلاڭىز دا بيىك ستاكانعا قۇيىڭىز.
2. دامىنە قاراي كوكتەيلدى كوپىرشىتىلگەن كىلەگەي مەن ۇگىتىلگەن شوكولادپەن اسەمدەسەڭىز بولادى. تۇتىكشەمەن ءىشىڭىز.

تۇرلەندىرۋگە بولاتىن زاتتار: جالبىز، كوپىرشىتىلگەن كىلەگەي، دارشىن، بانان، سۇيىق كارامەل.

ءسۇت، بالمۇزداق جانە مۇزداتىلعان جيدەكتەردەن جاسالعان كوكتەيل

ءسۇت، بالمۇزداق جانە مۇزداتىلعان جيدەكتەردەن جاسالعان كوكتەيلدىڭ ۇلكەن ءبىر ۇلەسىمىن دايىنداۋ ءۇشىن سىزگە مىناداي قوسپالار قاجەت:

•    ءسۇت – 250 مل
•    مۇزداتىلعان جيدەك – 100 گ
•    ءۆانيلدى بالمۇزداق نەمەسە مۇزداتىلعان يوگۋرت – 4 اس ق.
•    قانت ۇلپاسى نەمەسە ءتاتتى شىرىن (قولداناتىن جيدەگىڭىزگە بايلانىستى) – دامىنە قاراي.

1. بلەندەردىڭ ىدىسىندا جيدەكتەردى جاقسىلاپ تۋراپ الىڭىز. ەگەر دە ءسىزدىڭ بلەندەرىڭىز مۇزدى تۋراي الاتىن بولسا، وندا بىرنەشە مۇز تەكشەلەرىن قوسىپ جىبەرسەڭىز بولادى. ءسۇت، بالمۇزداق نەمەسە يوگۋرت جانە دە جوعارىدا اتاپ وتىلگەن تاتتىلەردىڭ كەز كەلگەنىن دامىنە قاراي قوسساڭىز بولادى.بارلىق قوسپالاردى بىرتەكتى قويمالجىڭ ماسساعا  اينالعانشا بلەندەرمەن ۇرعىلاڭىز دا بيىك ستاكانعا قۇيىڭىز.
2. كوكتەيلدى بالعىن جالبىز جانە جيدەكپەن ساندەڭىز (ۇلگىسى فوتودا كورسەتىلگەن). كەڭ تۇتىكشەمەن ءىشىڭىز.

تۇرلەندىرۋگە بولاتىن زاتتار: بانان، بالعىن جيدەكتەر، اگاۆا ءشارباتى، جالبىز جاپىراعى.

استارىڭىز ءدامدى بولسىن!

---