InfoHub Logo

ءبىلىم بەرۋ سالاسى: تانىم
ۇيىمداستىرىلعان وقۋ - ارەكەتى: قۇراستىرۋ
تاقىرىبى: مەنىڭ قالاۋىم.

ماقساتى: بالالاردىڭ وي - ءورىسىن، سانا – سەزىمىن، ءتىلىن، ويلاۋ، اڭگىمەلەۋ قابىلەتىن دامىتۋ. دۇنيەتانىمدىق كوزقاراسىن قالىپتاستىرۋ، قورشاعان ورتانى ايالاۋعا قامقورشى بولا بىلۋگە، تابيعات
سۇلۋلىعىن سەزىنە بىلۋگە، ۇيىمشىلدىققا، اۋىزبىرشىلىككە تاربيەلەۋ.
كوكتەم كورىنىسىن ەلەستەتە وتىرىپ تابيعات قۇبىلىستارىنىڭ قاسيەتىن تانىپ بىلۋمەن قاتار، ولاردان الدە ءبىر زات جاساي بىلۋگە ۇيرەتۋ.
ۇيىمداستىرىلعان وقۋ ءىس - ارەكەتىنىڭ كورنەكىلىگى: جاڭعاق، قوعا، قۇس بەينەسى، اعاشتار، قۇم، ەرمەكساز، ءتۇرلى – ءتۇستى قاعاز، ءشوپ، ساز.
ۇيىمداستىرىلعان وقۋ ءىس - ارەكەتىنىڭ ءادىسى - ءتاسىلى: سۇراق - جاۋاپ، اڭگىمەلەسۋ، قۇراستىرۋ، جاپسىرۋ، جالعاستىرۋ.
سوزدىك جۇمىس: تۇلەۋ، تۇلەيدى.
ۇيىمداستىرىلعان وقۋ ءىس - ارەكەتىنىڭ ءتۇرى: ارالاس.
الدىن - الا جۇمىس: كوكتەم مەزگىلى تۋرالى اڭگىمەلەر ايتىپ، تاقپاقتار جاتتاتۋ، سۋرەت، جاپسىرۋ، مۇسىندەۋ وقۋ ءىس - ارەكەتتەرىندە كوكتەم تۋرالى ايتۋ.

موتيۆاسيالىق قوزعاۋشى
بالالار نازارىن ولەڭگە اۋدارۋ.
اق قار ەرىپ، سۋ كوبەيىپ،
ساي - سالاعا قاشادى.
اعاش باسى بۇرشىك جارىپ،
گۇل بايشەشەك اشادى.
بوبەكتەرىم ايتىڭدارشى،
بۇل قاي كەزدە بولادى؟
كوكتەم مەزگىلىندە بولادى.
- دۇرىس ايتاسىڭدار بالالار، ءقازىر جىلدىڭ قاي مەزگىلى؟
- كوكتەم مەزگىلىندە نەشە اي بار؟
ءۇش اي بار. ناۋرىز ءساۋىر، مامىر ايلارى.
- ال ءقازىر قاي اي؟
- ءبىز ءساۋىر ايىن باسقاشا قالاي اتايمىز؟
ءساۋىر ايى. - كوكەك ايى.
وسى كوكەك ايى تۋرالى قانداي تاقپاق بىلەسىڭدەر؟
كوكەك ايى، كوكەك ايى.
كوككىمبەك بوپ كەلدى تاعى
تۋعان جەردىڭ قىر مەن سىرى
جىر جىرلايدى، ءان سالادى.

ىزدەنۋ ۇيىمداستىرۋشى
- جارايسىڭدار بالالار، ەندى ايتا قويىڭدارشى وسى “تابيعات” دەگەنىمىز نە؟
اينالاداعى قورشاعان ورتا
- ال تابيعاتقا نەلەر جاتادى؟
اعاشتار، قۇستار، جان - جانۋارلار، وسىمدىكتەر جاتادى
بالالار سەندەر كوپ بىلەدى ەكەنسىڭدەر، ەندى ءبارىمىز ويىن الاڭىنا جاقىندايىق.
- مىنە مىناۋ الدارىڭدا تۇرعان “التىن جەبە”اتتى ويىن ءتۇرى.
وزدەرىڭ بايقاپ، كورىپ تۇرعان شىعارسىڭدار، بۇل ويىندا ساداق پەن جەبە كورسەتىلگەن، ال اينالاسىندا وزدەرىڭە تانىس زاتتار تۇر.

ويىن شارتى: مەن ءقازىر جەبەنى اينالدىرعاندا ول قاي تۇسكە توقتاسا، سول تۇستەگى تۇرعان زاتتىڭ نە ەكەنىن، نە ءۇشىن كەرەك ەكەنىن ايتامىز.
ويىن الاڭىندا - جاڭعاق، قوعا، ەرمەك ساز، اعاش، قۇم ءتۇرلى - ءتۇستى قاعاز، بولادى. ويىن بارىسىندا تىيىم سوزدەر مەن ەسكەرتۋلەر ايتىلىپ وتىلەدى.
- ال ەندى بالالار، قانەكەي ءبىر قاتارعا تۇرا قويىڭدار، ءبىز ەكى توپقا بولىنەمىز، ول ءۇشىن نە ىستەيمىز؟ (1، 2 دەپ ايتىپ شىعادى)
- بالالار سەندەر ەكى توپقا بولىندىڭدەر. ەندى وسى توپتارىمىزدىڭ اتىن قويىپ الايىق. مەنىڭ قولىمدا وزدەرىڭە تانىس ەكى جۋرنال تۇر، قانداي جۋرنال ەكەنىن ايتىپ جىبەرىڭدەرشى.
- دۇرىس بالالار، ءبىزدىڭ توپتارىمىز “بالدىرعان” جانە “بالبۇلاق” توبى بولادى.
-“بالبۇلاق” توبى وڭعا بۇرىل، العا باس.
-“بالدىرعان” توبى سولعا بۇرىل العا باس.
بالالار ەكى ۇستەلگە جايعاسادى.
ورنىمىزعا جايعاسىپ بولساق، الدارىڭدا وزدەرىڭە تانىس بىرنەشە زاتتار بار. وسى زاتتارمەن ءبارىمىز بىرىگىپ، ۇجىمدىق جۇمىس جاسايمىز.
“بالدىرعان’ توبى “كوكتەمگى كولدىڭ كورىنىسى”
“بالبۇلاق” توبى “كوكتەمگى اۋلا كورىنىسى”
- بالالار سەندەردىڭ جۇمىستارىڭنىڭ قالاي ورىندالعانىن تاماشالايتىن بولامىز، سوندىقتان ادەمى، ۇقىپتى ەتىپ جاسايىق.
توپتاردىڭ جۇمىستارىن باقىلاپ، قانداي قۇرالدار قولدانىپ جاتقاندارىن بالالاردان سۇراۋ.

رەفلەكسيۆتى كوررەكسيالاۋشى
- قانەكەي بالالار جۇمىستارىمىزدى اياقتاساق، جاساعان كورىنىسىمىز تۋرالى اڭگىمە قۇراپ ايتايىق (ەكى توپقا اڭگىمە قۇراتۋ).
- ۇيىمداستىرىلعان وقۋ ءىس - ارەكەتىن قورىتۋ.
- بالالار سەندەردىڭ اڭگىمەلەرىڭ وتە قىزىق ەكەن. سەندەر تاماشا تابيعات كورىنىسىن جاساپ شىقتىڭدار، وسى تابيعاتتى ايالايىق، قادىرلەي بىلەيىك.

كۇتىلەتىن ناتيجە: قورشاعان ورتانى ايالاي وتىرىپ، جارامسىز قۇرالداردى
پايدالانۋدى مەڭگەرەدى جانە ولاردان وزدەرىنە كەرەك زات جاساي الادى.