InfoHub Logo

تاقىرىبى: مەيىرىمدىلىك – اسىل قاسيەت
ماقساتى: مەيىرىمدىلىكتىڭ ادام ومىرىندەگى ماڭىزدىلىعىن ءتۇسىنۋ؛ جاقسى - جاماندى اجىراتا بىلۋگە ادامدىق اسىل قاسيەتتەردى يگەرۋگە ىقپال ەتۋ.
كۇتىلەتىن ناتيجەلەر:
1. رۋحاني - ادامگەرشىلىك قاسيەتتەر تۋرالى تۇسىنىك قالىپتاسادى، جاقسى - جاماندى اجىراتا بىلەدى.
2. ءبىر - بىرىمەن قارىم - قاتىناستارىن جاقسارتادى. ادامگەرشىلىككە، مەيىرىمدىلىككە ۇيرەنەدى.
3. مەيىرىمدىلىكتىڭ ادام ومىرىندەگى ماڭىزدىلىعىن تۇسىنەدى.
رەسۋرستار: قاناتتى سوزدەر
ستراتەگيالار: ترەنينگ:"جىلى لەبىز"، "وي قوزعاۋ" ستراتەگياسى."اسسوسياسيا" ستراتەگياسى،
جاعداياتتاردى شەشۋ، «بولادى - بولمايدى» ستراتەگياسى
نەگىزگى يدەيا: «مەيرىمدىلىكتى انادان ۇيرەن»

ءجۇرۋ بارىسى:
1. ترەنينگ:"جىلى لەبىز"
"شەڭبەر اينالاسىندا جىلى لەبىزدەرىن ءبىلدىرۋدى ۇسىنامىن. بالالار، ءبارىمىز ورتاعا شىعىپ، شاتتىق شەڭبەرىن» قۇرايىق. ءار ءبىرىمىز قاسىمىزدا تۇرعان دوسىمىزدىڭ جاقسى قاسيەتتەرىن ىزگى، جىلى سوزدەرمەن، جىلى جۇرەگىمىزبەن، كۇلىمدەگەن كوزىمىزبەن، جىميعان ەزۋىمىزبەن جەتكىزەيىك. (سەن ناعىز دوسسىڭ، ەڭ ادەمى قىزسىڭ، مەيىرىمدىسىڭ وتە ۇقىپتىسىڭ، ەڭبەكقورسىڭ جانە ت. ب.)

2. ماتىنمەن جۇمىس.
وقۋشىلاردىڭ نازارىن مەيىرىمدىلىك تۋرالى اڭگىمە تىڭداۋعا اۋدارامىن.
ءبىر مازاسىز بالاپان ءومىر ءسۇرىپتى. كۇندەردىڭ كۇنىندە ول اناسىنان «مەيىرىمدىلىك دەگەن نە؟- دەپ سۇراپتى». «سەن ءالى كىشكەنتايسىڭ. وسكەننەن كەيىن تۇسىنەسىڭ»، دەدى اناسى. جولدا ول جىلاپ جۇرگەن ەشكىنى كەزدەستىرەدى، ول بالاپاننان جوعالىپ كەتكەن لاعىن تاۋىپ الۋعا كومەكتەسۋىن سۇرايدى. «مەندە ۋاقىت جوق»،- دەدى بالاپان،- مەن مەيىرىمدىلىكتىڭ نە ەكەنىن ءبىلۋىم كەرەك»،- دەدى دە، ءارى قاراي جۇگىرىپ كەتەدى. شالعايدان بالاپاندى كەزدەستىرەدى، ول اعاشقا ءىلىنىپ قالعان شاردى الا الماي جۇرەدى. «بالاپان، بالاپان ماعان شاردى الۋعا كومەكتەسىپ جىبەرشى»،- دەپ سۇرايدى قىز. «مەندە ۋاقىت جوق، دەيدى بالاپان،
- مەن مەيىرىمدىلىكتىڭ نە ەكەنىن بىلگىم كەلەدى». «ماعان ايتشى»،- دەدى بالاپان. «ءبىرىنشى سەن شاردى الىپ بەر دەيدى. بالاپان شاردى الىپ بەرەدى. «مىنەكي، سەن قايىرىمدى ءىس ىستەدىڭ. مەيىرىم دەگەن وسى». «قانداي وڭاي؟»- دەپ تاڭ قالدى بالاپان.
ءماتىن بويىنشا وقۋشىلاردىڭ وزىندىك پىكىرلەرىن ءبىلۋ ماقساتىندا سىنىپقا تومەندەگىدەي سۇراقتار قويامىن.
ا) مەيىرىمدىلىك دەگەن نە؟
ءا) نەگە مەيىرىمدى بولۋ كەرەك؟
ب) قالاي مەيىرىمدى بولۋعا بولادى؟

3."اسسوسياسيا" ستراتەگياسى
- مەيىرىمدىلىك دەگەن نە؟
1) مەيىرىمدىلىك - ول باسقالارعا قامقور بولۋ.
2) قايىرىمدى بولۋ - جەردەگىنىڭ بارىنە قامقورلىق جاساۋ دەگەندى بىلدىرەدى.
3) مەيىرىمدىلىك ادامدار مەن تابيعات جانە جانۋارمەن قارىم - قاتىناستا بايقالادى، ايقىندالادى.
4) مەيىرىمدى بولۋ ادامدارعا قامقورلىق جاساۋ جانە دە قورشاعان ورتاعا، وزىڭە قامقورلىق جاساۋ.

4. جاعداياتتاردى شەشۋ:
1 - جاعدايات: سەن اۋلادا روليك تەۋىپ ءجۇردىڭ، ال سەنىڭ دوسىڭنىڭ روليگى جوق، سەنىڭ ارەكەتىڭ؟
2 - جاعدايات: سەنىڭ الدىڭنان ءبىر قۇشاق گازەت - جۋرنال كوتەرگەن حات تاسۋشى اپاي شىقتى، سەن نە ىستەر ەدىڭ؟
3 - جاعدايات: سەنىڭ اناڭ اس دايىنداپ جاتىر، ال ءىنىڭ مازاسىزدانىپ كەتتى، سەنىڭ ارەكەتىڭ؟
4 - جاعدايات: سەنىڭ الدىڭنان اۋىر سومكەلەرىن كوتەرگەن اجە شىقتى، سەن ابايسىزدا ول اجەنى قاعىپ كەتتىڭ، ونىڭ سومكەسىندەگى زاتتارى شاشىلىپ قالدى، سەن نە ىستەر ەدىڭ؟

5.«بولادى - بولمايدى» ستراتەگياسى
(وقۋشىلار شەڭبەرگە تۇرادى، ءمۇعالىم بولاتىن نارسەلەردى ايتقاندا وقۋشىلار قولدارىن ءۇش رەت شاپالاقتايدى، ال بولمايتىن نارسەلەردى ايتقاندا قولدارىن ءبىر رەت شاپالاقتايدى)

- مەيىرىمدى بولۋعا …. (بولادى)
كەشىرىمدى بولۋعا …. (بولادى)
قاتىگەز بولۋعا …. (بولمايدى)
ءتارتىپتى بولۋعا …. (بولادى)
ادەپتى بولۋعا …. (بولادى)
ۇرىسقاق بولۋعا…. (بولمايدى)
سىپايى بولۋعا …. (بولادى)
قايىرىمدى بولۋعا …. (بولادى)
بۇزىق بولۋعا …. (بولمايدى)
باۋىرمال بولۋعا …. (بولادى)
اقىلدى بولۋعا ….. (بولادى)
ماقتانشاق بولۋعا …. (بولمايدى)
شىنشىل بولۋعا …. (بولادى)
ارام بولۋعا …. (بولمايدى)
مامان بولۋعا …. (بولادى)
جامان بولۋعا …. (بولمايدى).

ساباقتى بەكىتۋ:
- بالالار بۇگىن ساباقتا ادام بويىنداعى تاعى ءبىر اسىل قاسيەت مەيىرىمدىلىك تۋرالى بىلدىڭدەر؟ وسى ساباقتا وزدەرىڭە نە الدىڭدار، نە ۇيرەندىڭدەر؟ (وقۋشىلار جاۋابى)