InfoHub Logo

«اۋليەكول اۋدانى
№2 امانقاراعاي ورتا مەكتەبى» مم
باستاۋىش سىنىپ ءمۇعالىمى:
اياپبەرگەنوۆا الماگۇل باحيتجان قىزى

ساباقتىڭ تاقىرىبى: مەزگىل ۇستەۋ
ساباقتىڭ ماقساتى:
جالپى ماقساتى: سويلەم ىشىنەن مەزگىل ۇستەۋدى تاۋىپ، وعان دۇرىس سۇراق قويا بىلۋگە جەتەلەۋ. ءوز ويىن ەركىن جەتكىزۋگە باعىت بەرۋ. سىني تۇرعىدان ويلاۋ ارقىلى وقۋشىنى شىعارماشىلىقپەن جۇمىس ىستەۋگە داعدىلاندىرۋ.

وقۋ ناتيجەسى: 1 ۇستەۋ سوزدەردى اجىراتادى.
2. توپتىق جۇمىس جاساۋ بارىسىندا وقۋشى دەڭگەيى انىقتالادى.
3. وقۋشىلار ناقتى، شىنايى تۇجىرىم جاسايدى.
4. ءوزىن - ءوزى جانە توپتى باعالايدى.
ءتۇيىندى يدەيالار: ۇستەۋدى سالىستىرۋ، اجىراتۋ، تەوريالىق ماتەريالدى جۇيەلى بايانداۋ.
ساباقتىڭ ءتيپى: ارالاس ساباق.
وقىتۋ فورماسى: جەكە بالامەن، توپپەن، سىنىپ ۇجىمىمەن جۇمىس جۇرگىزۋ.
وقىتۋدا قولدانىلاتىن مودۋلدەر: وقىتۋ مەن وقۋداعى جاڭا تاسىلدەر. سىني تۇرعىدان ويلاۋعا ۇيرەتۋ. وقىتۋ ءۇشىن جانە وقۋدى باعالاۋ. وقۋشىلاردىڭ جاس ەرەكشەلىكتەرىنە سايكەس وقىتۋ جانە وقۋ.
وقىتۋداعى ءادىس - تاسىلدەر: «ءوزىڭدى تەكسەر»، «ارتىق ءسوزدى تاپ!» توپتاستىرۋ، جۇپتىق جۇمىس، سىني ويلاۋ.
كورنەكىلىكتەر: باعالاۋ بەتشەسى، ينتەراكتيۆتى تاقتا،، ماركەر، ۇلەستىرمە قاعازدار، سلايد، كەستە، سەمانتيكالىق كارتا رەفلەكسيالىق كەستە.

پسيحولوگيالىق دايىندىق ارمىسىڭ التىن كۇن،
ارمىسىڭ التىن جەر،
ارمىسىڭ كوك اسپان،
ارمىسىڭ مەنىڭ سىنىبىم،
ارمىسىڭ جان دوسىم،
مىنە مەنىڭ قولىم،
جىلۋىما جىلۋ قوس.

قىزىعۋشىلىقتى وياتۋ كەزەڭى.
جاڭا تاقىرىپتى اشۋ.
ساندار ارقىلى ساباقتىڭ تاقىرىبىن شەشۋ/ ءوسۋ رەتىمەن سانداردى ورنالاستىر/
15 26 5 71 66
س ت ءۇ ۋ ە

وتكەندى قايتالاۋ كەزەڭى.
سايكەستەندىرۋ تەستى.
زات ەسىم ------ 1. سارى، ءدامدى، كوك الا.
ەتىستىك --------- 2. ءبىز، مەن، سەن
سىن ەسىم ----- 3. بەسىنشى، الپىس، ون
سان ەسىم ----- 4. گۇلدەر، الپامىس، شەگە
ەسىمدىك ------- 5. تەز، جازدا، جوعارى
ۇستەۋ --------- 6. كۇلدى، بارما، سەكىرىپ ءجۇر

ماعىنانى تانۋ كەزەڭى
«ارتىق ءسوزدى تاپ!» ويىنى. بەرىلگەن سوزدەر قاتارىنان ارتىق ءسوزدى تابىڭدار. ولار قاي ءسوز تابىنا جاتاتىندىعىن انىقتاڭدار. سول سوزدەردى تەرىپ الىڭىزدار.
1. كىتاپ، داپتەر، پارتا، كۇندىز، وشىرگىش.
2. اق، سارى، ەرتە، كوكشىل كۇرەڭ.
3. باسادى، جۇرەدى، ەرتەڭ، وتىرادى، جازادى.
4. جيىرما، ەلۋ، تۇندە، بەس، ءبىر.
5. مەن سەن، ول، بيىل، ولار.
- ال بالالار، وسى سوزدەرگە سۇراق قويىپ كورەيىكشى.
1. سۇراققا جاۋاپ بەرە الا ما؟ سۇراق قويىلا ما؟

2. ول سوزدەر قاي ءسوز تابىنا جاتادى؟ قانداي ماعىنالىق تۇرىنە جاتادى؟
سلايدتا كورسەتىلىپ وتىرادى.

مەزگىل ۇستەۋ - قيمىلدىڭ، امال - ارەكەتتىڭ مەزگىلىن جانە ۋاقىتىن مەرزىمىن بىلدىرەدى. قاشان؟ قاشاننان؟ قاي ۋاقىتتا؟ دەگەن سۇراۋلارعا جاۋاپ بەرەدى. مەزگىل ۇستەۋى ەتىستىكپەن تىركەسىپ قولدانىلادى. مىسالى: تاڭەرتەڭ تۇرادى، بىلتىر كەلدى، كەشكە باردى، كۇنى - ءتۇنى وقيدى، ەرتەڭ بارادى.

داپتەرمەن جۇمىس:

كوركەم جازۋ.
داپتەرلەردى اشايىق
قولعا قالام الايىق
سالاقتىقتان قاشايىق
ادەمى ەتىپ جازايىق.
ءساۋىردىڭ بەسى. سىنىپ جۇمىسى.
بب
ب بۇرسىگۇنى، بۇرىن، بۇگىن، بيىل.
توپتارعا تاپسىرما بەرۋ. اۋىزشا تەكسەرۋ.
داپتەرلەرىنە جازۋ.
1 - توپ ءسوز جۇمباقتىڭ جاۋابىن تاۋىپ، مەزگىل ۇستەۋدى داپتەرگە كوشىرىپ جازۋ.
كۇندىز ءتۇنى جۇرەدى
سىرعىمايدى ءبىر ەلى (ساعات)

تاڭمەن كوزىن اشادى،
الەمگە نۇرىن شاشادى (كۇن)

قىستا سۇيىقتى اۋزىنا المايدى،
جازدا قانشا ىشسە سۋعا ءشولى قانبايدى (جەر)

2 - توپ. مەزگىل ۇستەۋدىڭ ەتىستىك سىڭارىن تاۋىپ، سول سوزگە باعىت اپار.
1. ەندىگارى 3. وياندىم
2. قىستىگۇنى 4. ايتام
3. تاڭ سارىدە 6. ايتتىم
4. ءقازىر 5. تانيمىن
5. باياعىدان 2. سىرعانادىق
6. الگىندە 1. ۇندەمەيمىن

3 - توپ. ماقالدى كوشىرىپ جازۋ. مەزگىل ۇستەۋلەردى تاۋىپ، قاي سوزبەن بايلانىسىپ تۇرعانىن سىزبامەن كورسەتۋ.
ەرتە شىقساڭ، الدىڭنان كۇن شىعادى،
كەش شىقساڭ، الدىڭنان ءتۇن شىعادى.

4 - توپ. سوزدەردى وقۋ. بۇل سوزدەردى ەتىستىكتەرمەن تىركەستىرىپ جازۋ، ولارعا سۇراق قويۋ.
بىلتىر، كۇندىز، ەرتە، جازداي.

قورىتىندى:
سەمانتيكالىق كارتامەن جۇمىس
سوزدەر ----- سان ەسىم ---- ۇستەۋ ---- زات ەسىم ---- سىن ەسىم ---- ەتىستىك
وقىدى
جازۋشى
قىزىل
ءجۇز بەس
كۇندىز

تولىق نۇسقاسىن جۇكتەۋ
سلايدىن جۇكتەۋ