Mid Night نەمەسە اۆتوسترادا بويىنشا 300 كم/ساع
جاپونيادا، دالىرەك ايتقاندا توكيودا، تۇنگى اۆتوداڭعىلدا كولىكتەر ساعاتىنا 250+ كيلومەترمەن جۇيىتكيتىن ءبىر قىزىقتى جارىس بولعان. اۆتوداڭعىلدىڭ ەڭ تانىمالىنىڭ ءبىرى Shuto Expressway Bayshore Route نەمەسە جاي عانا Wangan-sen بولدى.
1985 جىلدارى كوشە شاباندوزدار (Mid Night) تۇنگى ۋاقىتتا موتوسيكلمەن ءجۇرىپ، قاراپايىم جۇرگىزۋشىلەردىڭ جولىن كەسكەستەپ، ۇرەيلەرىن الىپ جۇرگەن Bosozoku بانداسىنا قارسى تۇرۋدى شەشەدى.
ءبىراق Mid Night كلۋبىنا كەز-كەلگەن ادام قوسىلا الماعان. ولاردى وتە قاتاڭ تالاپتار نەگىزىندە ىرىكتەلىپ الىنعان ەليتا دەپ اتاۋعا بولادى، ورتا ەسەپپەن كلۋبتا 30 ادامداي بولدى. قاتىسۋشىلاردىڭ اۆتوكولىكتەرى 250 كم/ساع-تان استام جىلدامدىقپەن جۇيىتكي ءبىلۋى ءتيىس.
ماشيناعا قويىلاتىن تالاپتاردان بولەك جۇرگىزۋشىگە دە وتە جوعارى تالاپتار قويىلعان. ويتكەنى 250 كم/ساع جانە ودان جوعارى جىلدامدىقپەن زۋلايتىن اۆتوكولىكتى باسقارۋ وڭاي مىندەت ەمەس ەدى. سونىمەن قاتار، ەرەجەلەردىڭ قاتاڭ جيناعى جارىسقا قاتىسۋشىلار مەن قاراپايىم جۇرگىزۋشىلەر ءۇشىن قانداي دا ءبىر ءقاۋىپتى جاعدايلار تۋعىزۋعا تىيىم سالدى.
ەگەر قاتىسۋشى وسى ەرەجەنى بۇزسا، ول كلۋبتان كەتۋگە جانە بارلىق ەرەكشەلىك بەلگىلەرىن الىپ تاستاۋعا مىندەتتى بولدى. ءار جاڭا قاتىسۋشى ءبىر جىلعا "تاعىلىمگەر" اتانىپ، كلۋبتىڭ بارلىق جينالىسىنا جانە جارىستارىنا قاتىسۋعا مىندەتتى ەدى. شامامەن قاتىسۋشىلاردىڭ 10%-ى كلۋبتىڭ تۇراقتى قاتىسۋشىسىنا اينالىپ وتىرعان.
پوليسيا جارىسۋشىلارمەن ەشتەڭە ىستەي المادى، ويتكەنى ولاردىڭ كولىكتەرى شەكتەۋشىنىڭ سالدارىنان 180 كم/ساع-تان جىلدام جۇرە المايتىن. بۇل جاعداي ءتىپتى "فورساج" ءفيلميىنىڭ ءۇشىنشى بولىگىندە كورىنىس تاپقان ەدى. كەيىنىرەك پوليسيا جىلدامدىقتى شەكتەمەيتىن، كۇشتى جانە جىلدام اۆتوموبيلدەرگە قول جەتكىزگەنمەن، بۇرىڭعىسىنان دا جىلدام جانە قۋاتتى بولا تۇسكەن كلۋب كولىكتەرىمەن باسەكەلەسۋگە قاۋقارسىز بولدى.
كلۋب مۇشەلەرى ءتۇن جارىمنان كەيىن بەلگىلەنگەن ورىنعا جينالاتىن. كوبىنە جارىس بايشوردىڭ ءبىر بولىگىنەن وتەتىن. جارىستى قيىنداتا ءتۇسۋ ءۇشىن، قوزعالىس باعىتىن وزگەرتىپ وتىراتىن. ەگەر جارىس ۇزاققا سوزىلىپ، ەشكىم جەڭە الماعان بولسا (ادەتتە باسقا قاتىسۋشىنىڭ نازارىنان تىس كەتۋ جەڭىس بولىپ سانالعان)، وندا قاتىسۋشىلار Bosozoku جەڭىمپازىن انىقتاعانعا دەيىن كەرى قايتىپ، جارىستى قايتا باستايتىن.
قاتىسۋشىلارعا اتى-جونىنەن باسقا ءوزىنىڭ جەكە ءومىرى تۋرالى نەمەسە ءوزى جايلى قانداي دا ءبىر مالىمەتتەردى ايتۋعا تىيىم سالىنعان. ەگەر كلۋبتىڭ ەكى قاتىسۋشىسى دوس بولسا، ولار ونى جاسىرۋعا ءتيىس ەدى.
كەزدەسۋ ورنى تەلەفون ارقىلى باقىلاۋدى بولدىرماۋ ءۇشىن جەرگىلىكتى گازەتتە جاريالاناتىن. حابارلاندىرۋ ادەتتە وتكەن كەزدەسۋ سوڭىندا ايتىلعان قاندايدا ءبىر زاتتى ساتۋ تۋرالى، مىسالى: "كۇمىس القا ساتامىن. سەيسەنبى كۇنى ساعات 12 مەن 2 ارالىعىندا دايكوكۋ تۇراعىندا كەزدەسۋگە دايىنمىن" دەگەندەي ماتىندەگى حابارلانىرۋلارمەن قۇلاقتاندىرىلاتىن.
Mid Night ءوز عۇمىرىندا جارىستارعا كوپتەگەن شاقىرۋلار العان. ءار كوماندادان ءبىر قاتىسۋشىدان تاڭدالاتىن جانە شاباندوزى ءۇش اينالىم بويىنشا جەڭگەن كوماندا جەڭىستى يەلەنگەن.
1999 جىلى كلۋب تارالدى. سونداي جارىستاردىڭ بىرىندە، جۇما كۇنى، تاڭعى 3-تە Mid Night Bosozoku شاباندوزىمەن جارىستى. اينالىم كەزىندە 250 كم/ساع جىلدامدىقپەن بايكەرلەردىڭ ءبىرى ترافيكتە وراعىتىپ وتىرىپ، كولىگىن باسقارا الماي بايكپەن باسقا ءبىر كولىكتى جاناپ ءوتىپ، تىزبەكتى رەاكسيانى ىسكە قوسقان. ناتيجەسىندە ەكى بايكەر وقيعا ورنىندا قازا تاپتى، سەگىز كولىك جۇرگىزۋشىسى اۋرۋحاناعا جاتقىزىلدى، ونىڭ التاۋى قاراپايىم جۇرگىزۋشىلەر ەدى. ءبىر بولجام بويىنشا — بايكەر ماس بولعان دەسەدى.
كلۋبتىڭ قاتاڭ ەرەجەلەرىنە سايكەس، ولار كلۋبتى تارقاتۋ كەرەك ەدى. ەرەجە قاراپايىم بولدى — ەگەر بىرەۋ كلۋب قىزمەتىنىڭ كەسىرىنەن زارداپ شەكسە، وندا كلۋبتى بىردەن تارقاتۋ كەرەك. مىنە ءدال سول ءتۇنى Mid Night ءوزىنىڭ عۇمىرىن اياقتاعان بولاتىن.
You Might Also Like
-
ءتورتباق، تەكە كوز، شالبار بەت قارانى كورسەڭ، بۇل ارىستانبايدىڭ مۇقىشى ەكەن دە قوي. مۇقىش ەكەنىن سەزدىرۋگە ءوزى دە قۇمار. قىزمەت باسىنداعى ادامدى كورسە، شىرعالاپ سونىڭ ماڭىنان شىقپايدى.
