مىنەزىڭ - قارۋىڭ!!!
جاقسى مىنەز - بۇكىل ءومىرىڭنىڭ سارقىلماس بايلىعى.
ۋ. گەزليت
ادامنىڭ تۇراقتى پسيحيكالىق ەرەكشەلىكتەرىنىڭ جيىنتىعىن-مىنەز-قۇلىق دەپ اتاۋعا بولادى.ءاربىر ادام ءوزىنىڭ وسكەن ورتاسىنا، تاربيەسىنە بايلانىستى ءتۇرلى مىنەز-قۇلىقتارىمەن ەرەكشەلىپ تۇرادى. الەمدە قانشا ادام بولسا، سونشا مىنەز-قۇلىق بار.ولار بىر-بىرىنە مۇلدەم ۇقسامايدى.ومىرلىك تاجىريبە مەن ءتۇرلى جاعدايلاردان قالىپتاسقان مىنەز ادامنىڭ قوعامدىق ورتاعا، تارتىبىنە،جۇمىس جاساپ جاتقان نەمەسە وقۋ ورنىنداعى ءوزىن قورشاعان ادامدارعا،ءتىپتى وزىنە قاتتى اسەر ەتەدى.ادامدى مىنەز-قۇلقىمەن تانۋدا تەك ونىڭ بەلگىلى ءبىر جاعدايلاردا قالاي ويلاپ، قانداي ىستەر ىستەيتىنىن اڭعارساڭىز جەتكىلىكتى."ادامنىڭ باسىنا قونعان باقىتتىڭ تۇراقتىلىعى جاقسى مىنەز-قۇلىققا بايلانىستى" - دەپ، ۇلى تۇلعامىز ءال-فارابي بەكەر ايتىپ كەتكەن جوق دەپ ويلايمىن. مىنەز ارقىلى ادام ۇلكەن جەتىستىكتەرگە جەتە الادى. قانداي جاعداي بولماسىن ءوزىن سابىرلى ۇستاپ، شىدامدىلىق تانىتا بىلسە باعىندىرار بەلەس قالمايدى. كوپ جاعدايدا ادامدار ءبىر قاتەلىك جاساپ، ءسۇرىنىپ جاتادى. سول بولماشى سۇرىنىسكە بولا بۇكىل ءومىرىن كىنالاپ،ءاربىر اتقان تاڭىن وكىنىشپەن وتكىزىپ جاتادى.نەگە، سول ءبىر ءسۇرىنىستى بىزگە بەرىلگەن سىناق دەپ قابىلداماسقا؟! قاتەلىكتەن ساباق الىپ، شىڭدالا تۇسپەسكە؟! ارمان قۋىپ ۇلكەن قالاعا كەلگەندە ادامنىڭ مىنەزى كۇرت وزگەرەدى. سەبەبى، ول ءقازىر ۇيىندەگى اتا-اناسىنىڭ قاسىنداعى ەركە قىز نە ۇل ەمەس. ول ءقازىر ۇلكەن قالانىڭ تۇرعىنى، ستۋدەنت. مىنەزىنىڭ قاتالدانۋ شاعى وسى كەزدە بولادى. سەبەبى، قوعامدا بولىپ جاتقان ادىلەتسىز جاعدايلاردا مىنەزى ارقىلى ءوز-وزىن قورعاي ءبىلۋ قاجەت. قاسىنداعى دوستارىنا، ارالاسىپ جۇرگەن ادامدارىنا بايلانىستى مىنەز دە سولاي ىڭعايلانادى.جان-جاقتان ارمان قۋىپ كەلگەن ءوزى سياقتى ستۋدەنتتەرمەن ارالاسىپ، ىشىنەن وزىنە مىنەزى ۇقسايتىن جانىنا جاقىن جاندى تاۋىپ، سونىمەن شەرىن تارقاتاتىن بولادى.ۋنيۆەرسيتەتتە ول وزىنە جۇكتەلگەن جاۋاپكەشىلىكپەن ءوزىن ۇلكەن قوعامنىڭ ءبىر بولشەگى، قازاقستاننىڭ ازاماتى ەكەنىن سەزىنە باستايدى.قوعامدىق ومىرگە بەلسەنە قاتىساتىن دوستارى بولسا، ول دا بەلسەندىلىك تانىتا باستايدى.ول ءوزىنىڭ ءومىرىنىڭ 180 گرادۋسقا وزگەرگەنىن بايقاماي دا جاتادى.ءسىزدىڭ قانداي ورتاعا تۇسەتىنىڭىزگە بايلانىستى بارلىعى.سوندىقتان، ورتانى دۇرىس تاڭداپ، وزىڭىزگە ءار باسقان قادامىڭىز ءۇشىن ەسەپ بەرىپ، وي ەلەگىنەن وتكىزىپ وتىرىڭىز. ءاربىر وقۋعا كەلگەن ستۋدەنتتىك العان قويعان ماقساتى اتا-اناسىنىڭ ءۇمىتىن اقتاپ، جاقسى مامان يەسى اتانۋ. اتا-انامىز بىزبەن ماقتان تۇتسا دەگەن ءبىر وي...
جامبىل ايسۋلۋ دانيار قىزى
You Might Also Like
-
ءبىرجان سال جولاۋشىلاپ ءبىر كەدەي ادامنىڭ ۇيىنە كەزدەسەدى، سول ءۇيدىڭ قىزى وعان قاتىقسىز قارا كوجە قۇيىپ بەرسە، ءبىرجان ەرنىن عانا تيگىزىپ قايتارادى. سوندا قىز ايتادى:
