جۇرەگىمنەن ورىن العان ىزگى جان
ايساۋلە ارداق قىزى
جۋرناليستيكا ماماندىعىنىڭ 3 كۋرس ستۋدەنتى
مەن ونى كوشەدەن كەزدەيسوق كەزىكتىردىم. ءۇش ۇيىقتاسام دا تۇسىمە ەنگەن جان ەمەس ەدى. تەك سانامداعى سانسىز سۇراقتاردىڭ يەسى بولاتۇعىن.
جان دۇنيەم الاي-دۇلەي. ءبىر نارسەنىڭ بولاتىنىن سەزەتىندەي كۇيمەن ساباققا شىقتىم. كەنەت جاياۋ جۇرگىنشىلەر جولىنان ءوتىپ كەلە جاتىرعان ءجۇزى تانىس جاندى كوردىم... ول...
پەندەلەردىڭ پەشەنەسىنە اجىراسۋ جازىلعان بولسا، اللانىڭ بۇيرىعىنان اسىپ قايدا باراسىڭ؟! سوندا ءسۇيىپ قوسىلعان ەكى ادام نەگە تۇسىنىستىك تاپپايدى ەكەن؟ ءومىردىڭ ءوز اقيقاتىنا جۇگىنسەڭىز، جاقسى مەنەن جاقسىنىڭ، جامان مەنەن جاماننىڭ، ءتىپتى ءبىر جاقسى مەن ءبىر جاماننىڭ دا تۇتىندەرىن تۇتەتىپ، ءبىر وتباسىندا كۇن كەشىپ جاتقانىن كوز كورەدى. ولار باقىتتى ما؟ بالكىم، مۇلدە باقىتسىز بولار؟! ءبىراق، اجىراسپاعان. وسىنى كورگەندە، از عانا ايلاردىڭ اياسىندا قۇشتارلىقپەن قوسىلىپ، كوپ ۇزاماي-اق اجىراسا سالعان ءوز اعام مەن جەڭگەمە دەگەن وكپەم قايتادان قارا قازانداي بولىپ شىعا كەلەدى.
«ەگەر مەندە جەڭگە بولعاندا...» دەگەن ءتاتتى قيالىمنىڭ شەگى جوق مەندە. ۇزاق كۇتكەن جەڭگە مەن قايىن ءسىڭىلىنىڭ اراسىنداعى بايلانىستىڭ عۇمىرى قىسقا بولاتىن بىلگەنىمدە وسىنشاما قيالىعا ەرىك بەرمەس ەدىمعوي. ءار ادام ءوز ءومىرىنىڭ قوجايىنى. اللا تاعالا ولاردى وسىلاي جاراتسا كەرەك. ال ءبىراق مەنى نەگە وعان بۇگىن كەزىكتىردى ەكەن... ونىڭ جاعدايى بولماي جۇرگەنىن، بۇرىنعى مەن بىلەتىن جەڭگەم ەمەس ەكەندىگىن ەستىگەم ۇزىنقۇلاقتاردان. بۇگىن وعان كوزىم جەتكەندەي. مەن بىلەتىن جەڭگەم بولسا ول ءسان قۋعان، بەت كۇتىمىنە ەرەكشە نازار اۋداراتىن جان بولاتىن. ال بۇل جولعى جەڭگەم مەن ەستىگەن ادامنان الدەقايدا سۋىقتاۋ.
ەكەۋمىز ءبىر ايالدامادا تۇرمىز. ونىمەن تىلدەسەيىن دەگەم ءبىراق، اش قاسقىرداي وعان جالپ بەرۋدى ابەستىك دەپ تانىدىم دا ۇيالى تەلەفونىمنان كوز الماي تۇرىپ قالدىم. الايدا، تاماعىمدى كەرنەپ، وزەگىمدى ورتەگەن اششى ۋدى قالاي شىعارارىمدى بىلمەي دالمىن. ءسويتتى دە مەنىڭ ءالجۋاستىعىم ايالداماعا كەلگەن اۆتوبۋستىڭ سانىنا قاراماستان مىنگىزىپ اكەتتى. مەن تەك ونىڭ جانارىندا تۇڭعان مۇڭدى كورىپ، ىشتەي سىرلاسىپ كەتتىم. ءبىراق، كەيىن ول ىسىمە قاتتى وكىندىم. اق جايىقتىڭ اق ديدارلى ارۋىنىڭ جۇرەك ءۇنى مەن ءحالى وسى ايالدامادا قالىپ قويدى. ءتاتتى كۇندەردەن باستالىپ، كەزدەيسوق كەزدەسۋلەرمەن جەڭگە مەن قايىنسىڭىلىلىك ءومىر ءتامامدالدى. ءتاتتى ءومىر – ءبىر شىنايى كەزدەسۋلەرگە سەپ بولدى. سول شىنايى كەزدەسۋلەردىڭ بەلگىسى بولىپ، اق جۇرەگىمدى مۇڭعا تولى ساعىنىش قالدى.
You Might Also Like
-
ءبىرجان قاسىندا جولداستارىمەن ءبىر اۋىلعا جاقىنداعاندا، قاراعايلى دەگەن وزەننىڭ تاسالاۋ جەرىندە ءۇش بويجەتكەن قىز سۋعا شومىلىپ جاتىر ەكەن. بايقاۋسىزدا ۇستىنە كەلىپ قالعان كىسىلەردى كورىپ، شىعا الماي و...
