InfoHub Logo

و، ناعاشىم،
بايتەرەگىم، جەمىسىم،
قۇرعان ءومىر كىلەمىندە جەلىمىڭ!
ورتاق بولعان شاتتىعىم مەن قايعىما،
ءوزىڭ قامقور، باتاگويسىڭ مەن ءۇشىن!
 
ساۋاپ، ىزەت نۇرلاندىرىپ ساناسىن،
الپەشتەگەن اپاسىن دا، اناسىن،
قۇتتى بولسىن جاساپ جاتقان تويىڭىز،
دانا ورنىنا دانا بولعان ناعاشىم!
 
قونىستانىپ قالاسىن دا، دالاسىن،
جەتىلدىرگەن توعىز ۇل-قىز بالاسىن،
قۇتتى بولسىن بۇگىنگى التىن تويىڭىز،
اعا ورنىنا اعا بولعان ناعاشىم!
وڭنان تۋىپ كۇنىڭىز بەن ايىڭىز،
تۇلپار بولدى ءسىز باپتاعان تايىڭىز.
بار تىلەگى – بىزدەي اقىن جيەننىڭ،
قۇتتى بولسىن بۇگىنگى نۇر تويىڭىز!

*** *** *** ***

ءۇش جۇرتتىڭ ۇلىعى دەپ، ۇلىسى دەپ،
ءسوزىنىڭ بۇرىنعىنىڭ دۇرىسى كوپ.
مەن سەنى جاقسى كورەم، ناعاشىجان،
ارداقتى اناشىمنىڭ تۋىسى دەپ.
اياۋلى ءىنىسى دەپ اق مامامنىڭ،
سىرىمدى ساعان عانا اقتارامىن.
كەيدە ءبىر كەلىپ قايتساڭ، جولىڭ ءتۇسىپ،
مارقايىپ، ماقتانامىن، شاتتانامىن.
بەينەڭنەن ءبىر ۇقساستىق تاپسام تانىس،
بايقاتپاي قاراي بەرەم قالىپ ءتارىز.
انامنىڭ قىمبات ءجۇزى تۇسەدى ەسكە،
كوڭىلىمنىڭ تۇكپىرىندە جاتقان الىس.
جول قاراپ، كەلەر دەۋمەن كۇز بە، قىس پا،
جۇگىرەم يت ۇرگەندە تۇندە تىسقا.
انامدى ساعىنعاندا سەنى ويلاپ،
وتكىزەم الاڭداۋمەن كۇندى قىسقا.
جارق ەتىپ، جاقسى اعا، اق ماڭدايىڭ،
تىرەي بەر ءبىزدىڭ ۇيگە ات ماڭدايىن.
قارايمىن كوكجيەككە كۇندە تۇرىپ،
ارتىڭدا انام كەلە جاتقاندايىن.

*** *** *** ***

بولىنبەيدى بولەلەر، ءتاتۋ-تاتتى سانالار،
بولىنسەڭدەر ءبورى جەر، دۇشپاندارىڭ تابالار.
مەن ناعاشى بىلسەڭدەر، سەندەر ماعان جيەنسىڭ،
جاقسى بولساڭ جيەندەر، ناعاشىنى سۇيەرسىڭ،
سۋىعىنا قالتىراپ، ىستىعىنا كۇيەرسىڭ،
ماعىناسىن تۇسىنسەڭ، ءبارىڭ ويلاپ بىلەرسىڭ.
ەڭبەك ەتسەڭ ەرىنبەي باقىتتى بولىپ جۇرەرسىڭ،
مەنىڭ ايتقان  اقىلىم، تۋعان-تۋىس جاقىنىم،
تۇسىنبەسەڭ سوزىمە، جەتپەگەنى اقىلىم.
بالا-شاعا، جاستارىم وسە بەرسىن باقتارىڭ،
بەرەكە، بىرلىك ەتىڭدەر، كوبەيە بەرسىن دوستارىڭ.

*** *** *** ***

سول ەكەۋدەن جەتى-سەگىز ءبىز بارمىز
ءبارى جيەن، ءبارى سىزگە بوتەن بە؟!
ءبارى جيەن، ءبارى ءسىزدىڭ قانىڭىز،
ءبارى ءسىزدىڭ شاشقان تۇقىم-تارىڭىز.

*** *** *** ***

قىمبات بولار تۋعان جەردىڭ اعاشى دا،
اركىمنىڭ جەتۋ كەرەك باعاسىنا.
انامنىڭ اق ءسۇتى ءۇشىن ءومىر بويى،
ءبارىمىز بورىشتىمىز ناعاشىعا!

*** *** *** ***

الىس اۋىل اراسىن
جاقىن قىلعان ناعاشىم،
اق كوڭىلدى بالاسىن
اقىن قىلعان ناعاشىم،
ناعاشىمنىڭ جاڭاسىن
ىزدەسەڭ قايدان تاباسىڭ؟

*** *** *** ***

جيەنگە
وسىپ-ونەر جۇرتىما،
ءورىس بولعان جيەنىم.
ايقاسقاندا جاۋىمەن،
جەڭىستى العان جيەنىم.
ەلدىگىن دە بىلەمىن،
كەڭدىگىن دە بىلەمىن،
تايما وسى قالپىڭنان
وزىڭە ايتار تىلەگىم.

*** *** *** ***

جيەندەرىم،
تويىڭا ارناپ مەن كەلدىم،
قىز دەگەنىڭ – جات جۇرتتىق،
ادامى دەپ وزگە ەلدىڭ.
ارمىسىڭدار، جينالعان جۇرتتارى اپامنىڭ،
قالىپ كەتكەن كوزدەرى مەنىڭ اسىل جەزدەمنىڭ.
 
اتا ءداستۇر بويىنشا ساتپايدى قىز سۇيگەنىن،
اپام ءۇشىن ماقتانام – جاقسى بولدى  جيەنىم!
قۇتتى بولسىن تويلارىڭ .......... اۋلەتى،
بارلىعىڭدى كەۋدەمە باسىپ، قىسىپ سۇيەمىن.
 
سەندەرسىڭدەر تىرلىكتىڭ جەلكىلدەگەن قۇراعى،
اپام، جەزدەم ارمانىن وزدەرىڭە ۇلادى!
تويعا ۇلىسسىن تويلارىڭ – تۋ قاداڭدار بيىككە،
جاقسى تۋعان جىگىتكە جات جۇرت كەلىپ تۇرادى.