InfoHub Logo

Cاباقتىڭ تاقىرىبى: «نان داستارحانعا قالاي كەلەدى»
ساباقتىڭ ماقساتى: بالالاردى اينالاداعى دۇنيەمەن تانىستىرۋ. بالالارعا ناننىڭ ادام ەڭبەگىمەن كەلەتىنىن، وعان كوپ كۇش جۇمسالاتىنىن ءتۇسىندىرۋ. سوندىقتان ناندى قاستەرلەۋ، جەرگە تاستاماۋ كەرەكتىگىن ءبىلدىرۋ.
ەڭبەك ادامىن قۇرمەتتەۋگە باۋلۋ.
ساباقتىڭ ءادىس - ءتاسىلى: سۇراق - جاۋاپ، سۋرەت ارقىلى بايانداۋ، مانەرلەپ وقۋ.
سوزدىكتەر: ديىرمەنشى، قىرمانشى، ەليەۆاتور، ناۋبايحانا، ناۋبايحاناشى، التىن استىق، التىن ءدان، ديقانشى
كورنەكىلىكتەر: فوتو - سۋرەت، «ەگىن وراعى»، «كوكتەمگى ەگىس القابى» «نان ءومىر تىرەگى»، «تۇقىم سەبۋ»«كولحوز دالاسىندا»، «ەليەۆاتور»، «ناۋبايحانا»

ساباق بارىسى: 1. كىرىسپە ءبولىم. اڭگىمە - سۇراقتار
ا) بۇگىن اپتانىڭ قاي كۇنى، بالالار؟
- جۇما
ءا) جىلدىڭ قاي مەزگىلى؟
- كۇز مەزگىلى
ب) كۇزدە قانداي وزگەرىستەر بولادى؟
- جاپىراقتار سارعايىپ جەرگە تۇسەدى، جەمىس پەن كوكونىستەر پىسەدى، جاۋىن - شاشىن باستالادى، كۇن سالقىندايدى
ۆ) ناندى قايدان الامىز؟
- دۇكەننەن
«داستارحان» ءانى ورىندايتىن امانات پەن اسىلاي
تاربيەشى: بالالار قاراڭدارشى ناننىڭ بىرنەشە ءتۇرى بار ەكەنىن: اق بولكە، قىزىل كۇرەڭ توقاش تا، ساپ - سارى باۋىرساق تا، باتون دا بار ەكەن. ال وسى نانداردى نەدەن پىسىرەدى؟
بالالار:- ۇننان
تاربيەشى:- ەندى سول ۇن قايدان شىعادى سونى بىلەسىڭدەر مە؟ بۇگىنگى ساباقتا ءبىز ۇننىڭ قايدان شىعاتىنىن، ناننىڭ داستارحانعا قالاي كەلەتىندىگىن بىلەتىن بولامىز.
اينۇر: نان اناسى - بيدايمىن
ەلگە استىق سىيلايمىن
ءدانىم تولىپ پىسكەندە
قاۋىزىما سىيمايمىن.
مەدينا: كۇمىس مۇرتتى ارپامىن
ىرىس - قۇتتى ارپامىن
ەڭبەك ەتىپ، باپتاعان
ەلىمە سىي تارتامىن.
اسىلاي: اق، قارامىن، سارىمىن
مەن ءونىمدى تارىمىن
حالقىم ەڭبەك سىڭىرسە
قايتارامىن قارىمىن
مانسۋر: مەن سۇلۋمىن ۇلاننىڭ
تۇلپارىنا ۇنادىم
باپتاعان ءار ديقانعا،
باسىمدى ءيىپ تۇرامىن.

«قاماجاي» ءبيى – مادينا - اسىلاي - نازەركە
تاربيەشى: مىناۋ بيداي ماساعى، مىناۋ بيدايدىڭ ۇزىن ساباعى، ال مىناۋ مۇرتشالارى. ەگەر مىنا بيدايدىڭ سىرتىنداعى قاۋىزىن ارشيتىن بولساق ىشىنەن مىناداي بيداي شىعادى. ول ءداندى
ۇنتاقتاسا ۇن پايدا بولادى. بالالار نان تۋرالى قانداي ىرىمدار بىلەسىڭدەر.
ماناس: ناندى شاشۋعا، جەرگە تاستاۋعا، باسۋعا، ءراسۋا ەتۋگە بولمايدى. نان - ءدام باسى، ونسىز ءومىر جوق. سوندىقتان دا داستارحانعا الدىمەن نان قويىلادى. جەردە جاتقان نان بولسا الىپ، ادام باسپايتىن جەرگە قويۋ كەرەك.
مادينا: تاڭەرتەڭ نان اۋىز تيمەي ۇيدەن شىعۋعا بولمايدى.”اسىعىسپىن نان اۋىز تيەيىن»، «ەڭ قۇرىسا نان اۋىز تي» - دەگەن سوزدەر بەكەر ايتىلماعان.
امانات: ناندى توڭكەرىپ قويۋعا بولمايدى. نان - قاسيەتتى ءدام، ونىمەن ويناۋعا بولمايدى. ناندى ءبىر قولىمەن سىندىرۋعا بولمايدى. كەمتار ادام عانا ناندى ءبىر قولمەن سىندىرادى.

2. نەگىزگى ءبولىم
ا) فوتو - سۋرەت «كوكتەمگى ەگىس القابى»
تاربيەشى: بۇل سۋرەتتە نە كورىپ تۇرسىڭدار. جىلدىڭ قانداي مەزگىلى؟
بالالار: كوكتەم مەزگىلى. كوكتەمگى ەگىس القابى.
«اق بيداي»ءانى ورىندايتىن مادينا مەن جەتىس

تاربيەشى:- بالالار ناننىڭ قالاي جاسالاتىن جولىن مىنا سۋرەتكە قاراپ ايتايىقشى. كوكتەمدە ديقانشىلار ەگىن سالاسىنا سەپكەن تۇقىمى جازداي ءوسىپ، ماساق باستارى دانگە تولىپ كۇزدە
سارى التىنداي جايقالعان القاپقا اينالادى. سول كەزدە ەگىس دالاسىنا كومبايندار شىعادى. كومباين ەگىن ورادى، جينايدى، باستىرادى. باستىرىلعان ءدان كومبايننىڭ جانىنا جۇك ماشيناسى كەلەدى. ارناۋلى تەتىك كومباين وڭەشى ارقىلى قاۋىزىنان ارشىلعان ءدان ماشينا قورابىنا قۇيىلادى. ماشينا استىقتى تيەپ الىپ، قىرمانعا اكەتەدى، قىرماندا استىقتى تازالاپ، كەپتىرەدى. سودان سوڭ بارىپ ەليەۆاتورعا جونەلتەدى. ەليەۆاتوردان استىقتى قاجەت كەزىندە ديىرمەنگە جىبەرەدى، ديىرمەنشىلەر ونى تازارتىپ، ۇن جاسايدى. ۇندى نان ءپىسىرۋ ءۇشىن ناۋبايحانالارعا جىبەرەدى. ناۋبايحانادان ناۋبايحاناشىلار نان پىسىرەدى دە، ونى دۇكەندەرگە جىبەرەدى ەكەن.

جانەتتا: كوكتەمدە ەگىن ەگەتىن،
كۇزدە جيناپ بەرەتىن.
ءبىزدىڭ دالا باي دالا،
التىن استىق اينالا.
جەتىس: ەل ەگىندى جينايدى
قىرمانعا ءدان سىيمايدى
ءبىزدىڭ دالا باي دالا
التىن استىق اينالا
شىڭعىس: استىق - دالا ساۋلەتتى
استىق - وتان داۋلەتتى
ءبىزدىڭ دالا باي دالا
التىن استىق اينالا«ايگولەك»ءبيى - مادينا - اسىلاي - مەدينا
بالالار جاتتىعۋ جاسايدى:
- جاۋ، جاۋ جاڭبىر جاۋ جاڭبىر،
ەگىنگە ءسان جاۋعان نۇر.
توقاش، بولكە كوپ بولار
تاتتىگە جۇرت توق بولار.

3. قورىتىندى ءبولىم. پىسىقتاۋ
- بالالار ءبىز ەسىمىزگە تۇسىرەيىكشى اق باۋىرساق، ءتاتتى توقاش، باتوندار ءبىزدىڭ داستارحانعا كەلۋ ءۇشىن قانداي جولداردان وتەدى ەكەن؟
- بالالار ءوز اڭگىمەلەرىمەن ءوز ويلارىن ايتادى.
- سول ءۇشىن قانشاما ادام جۇمىس ىستەپ، تەر توكتى، قانە ەسىمىزگە ءتۇسىرىپ اتاپ كەتەيىكشى
تراكتورشىلار، كومباينشىلار، شوفەرلەر، قىرمانشىلار، ناۋبايشى، دۇكەنشىلەر
- سوندىقتان قانشاما ادام كۇنى - ءتۇنى ەڭبەك ەتىپ، تەر توككەن قاسيەتتى ناندى ءبىز قادىرلەۋىمىز، قاسيەتتەۋىمىز كەرەك.
رۋستەم: نان قوقىمىن شاشپاڭدار،
جەردە جاتسا باسپاڭدار.
تەرىپ الىپ قاستەرلەپ،
تورعايلارعا تاستاڭدار.
ايشا: ناندا ءومىردىڭ ءيىسى مەن ءدامى بار،
ناندا ادامنىڭ ەڭبەگى مەن ارى بار.

نان ءومىردىڭ انا ءسۇتى ارقاۋى،
نانسىز جەردە قاي ءومىردىڭ ءسانى بار
تاربيەشى: ءبىزدىڭ ەلىمىز – قازاقستان رەسپۋبليكاسى ەڭ باي، ەڭ قۇدىرەتتى ەل.
وندا سان ۇلت ءومىر سۇرەدى. سونىڭ ءبىرى ءبىزدىڭ قازاق حالقى. نان بەيبىتشىلىك باقىتتى ءومىردىڭ سيمۆولى. نان تىرشىلىكتىڭ، ءومىردىڭ التىن قىزىعى. نان - بەرەكە، نان بايلىق. بۇل - بيداي ماساقتارى ءبىزدىڭ مەملەكەتتىك ەلتاڭبامىزدا دا بەينەلەنگەن.
«قارا جورعا»- بارلىق بالالار بيلەيدى.
سودان سوڭ «مەنىڭ قازاقستانىم» ءانى - حورمەن.